IOSUA 1:14 - Buka Helaga (Hiri Motu) 1993

¹⁴ Momokani inai tano be umui abia vadaeni, emui, to emui hahine bona emui natudia bona emui boromakau be iniseni, Ioridane Sinavai inai kahanai do idia noho. Bona umui tuari diba taudia ibounai ese emui tuari gaudia do umui abia, unai sinavai do umui raka hanaia, bona emui varavara taudia edia vairanai do umui lao, do umui durudia totona.

IOSUA 1:14 Iomraidhean Croise

ESODO 13:18

Vadaeni Dirava ese taunimanima idia noho lasi gabuna dekenai ia hakaudia lao, Davara Kakakaka dekenai do idia lao gwauraia. Israela taudia be mai edia tuari gaudia ibounai edia imana dekenai.

NUMERA 32:26

Aiemai natuna maragidia bona aiemai adavana bona aiemai mamoe bona boromakau be iniseni do idia noho, Gileada hanua badadia dekenai.

DEUTERONOMI 20:8

“Ma tuari biagudia ese edia tuari taudia do idia hereva henia do idia gwau, ‘Bema tau ta be tuari totona ia gari bada neganai, ia ese iena ruma dekenai do ia giroa lou, ia ese iena bamona tuari taudia edia lalona do ia hamanokaia garina.’

DEUTERONOMI 3:19

To emui adavana bona natuna bona emui boromakau, (lau diba emui boromakau be momo), be umui dekenai lau henia vadaeni hanua dekenai do idia noho.

DEUTERONOMI 33:21

Tano namo herea be Gado iduhu ese idia abia hidi. Idia ese lohia ena tano kahana idia abia. Badina be Lohiabada ena taravatu bona oda, be idia ese idia kamonai henia, Israela gunalaia taudia idia hebou neganai.”

IOSUA 1:13

“Lohiabada ena hesiai tauna Mose ese umui ia oda henia herevana do umui laloa, ia gwau, ‘Lohiabada emui Dirava, ese unai tano, Ioridane Sinavai ena dina daekau kahana be umui dekenai do ia henia, emui noho gabuna korikori.’

IOSUA 1:15

Inai bamona do umui karaia ela bona Israela taudia ese Ioridane Sinavai ena dina ia diho kahana tanona, Lohiabada ese ia henidia vadaeni tanona do idia abia. Israela iduhu ibounai be idia noho namo, tuari ta lasi neganai, umui be iniseni do umui giroa mai diba. Bona unai neganai emui tano, Mose ese Ioridane Sinavai ena dina daekau kahana, umui ia henia vadaeni tanona, do umui noholaia diba.”

IOSUA 4:12

Rubena iduhu taudia bona Gado iduhu taudia bona Manase iduhu kahana taudia, mai edia tuari gaudia edia imadia dekenai, be Israela taudia edia vairana dekenai idia raka hanaia, guna Mose ese ia oda hegeregerena.

APOKALUPO 17:4

Unai hahine ena dabua kala be kakakaka, bona ma sisina kakakaka. Iena herahera gaudia be golo, davana bada nadidia, bona davana bada kavabukavabu. Iena imana dekenai golo kapusi ia dogoatao. Kapusi be iena matabodaga gau dika rohorohodia bona gau mirodia dekenai ia honu.