IOSUA 1:1 - Buka Helaga (Hiri Motu) 1993

¹ Lohiabada ena hesiai tauna Mose ia mase murinai, Lohiabada ese Iosua Nunu, Mose ia durua tauna, ia hereva henia, ia gwau,

IOSUA 1:1 Iomraidhean Croise

1 KING TAUDIA 19:16

Bona Iehu Nimisi danu do oi davaria, iena kwarana dekenai olive dehoro do oi bubua, Israela ena king do oi halaoa. Bona Elisaia Sapata, Abele Mehola hanua tauna ena kwarana dekenai danu unai dehoro do oi bubua, peroveta tauna do ia lao, oiemu dagi, bona oiemu gabuna do ia abia.

2 KING TAUDIA 3:11

King Iehosapata ese idia ia nanadaia, ia gwau, “Peroveta tauna ta iniseni ia noho, a? Ia dekena amo Lohiabada do ita nanadaia, ani?” Vadaeni king Iorama ena tuari biaguna ta ia haere, ia gwau, “Elisaia, Sapata ena natuna be iniseni. Guna ia ese Elia ena hesiai gaukara ia karaia.”

NEHEMIA 8:17

Babulonia ena abia mauri dekena amo idia giroa mai lou taudia ibounai ese unai au raurau ruma maragidia idia haginia, bona inai ruma maragidia lalonai idia noho. Inai bamona kara be Israela taudia idia karaia lasi, Iosua Nunu ena nega ia mai bona Esera ena nega. Bona idia ibounai, mai moale bada danu unai au raurau ruma maragidia noholaia kara idia karaia.

ESODO 24:13

Vadaeni Mose mai ena hesiai tauna Iosua danu idia toreisi, idia daekau Dirava ena ororo dekenai.

NUMERA 11:28

Vadaeni Iosua Nunu, ia be mero negana ela bona ia bada ia be Mose ena hesiai tauna, ese Mose ia hamaoroa, ia gwau, “Mose, tau badana e, do oi hadokodia.”

NUMERA 12:7

To lauegu hesiai tauna Mose dekenai be inai bamona lau hedinarai lasi. Ia be lauegu bese Israela taudia edia naria tauna.

NUMERA 13:16

Hasinadoa taudia edia ladana be unai, Mose ese ia siaia, Kanana dekenai idia lao. To Mose ese Hosea Nunu dekenai ladana matamata ia henia, Iosua.

NUMERA 13:8

Eparaima iduhu dekena amo, Hosea Nunu.

LUKA 16:10

“Gau maragina ia karaia maoro tauna ese gau badadia do ia karaia maoro, to gau maragina ia karaia kerere tauna ese gau badadia do ia karaia kerere danu.

APOSETOLO EDIA KARA 7:45

Gabeai iseda sene taudia, Iosua danu idia mai, idau taudia edia tano abia totona. Bona Dirava ese unai idau bese taudia ia luludia iseda sene taudia edia vairana dekena amo. Unai neganai inai Palai Dubu idia huaia mai, bona ia noho iniseni, ia mai bona Davida ena nega.

ROMA 1:1

Lau inai Paulo, lau be Iesu Keriso ena hesiai tauna. Lau be iena aposetolo, badina be ia ese ia boiboi vadaeni lau dekenai. Ia ese lau ia abia hidi, Dirava ena Sivarai Namona do lau harorolaia hedinarai totona.

DEUTERONOMI 1:38

To Iosua Nunu, oiemu hesiai tauna, be unai tano do ia raka vareai. Do oi hamaoroa, do ia goada, badina be ia ese Israela taudia unai tano dekenai do ia hakaua vareai.’

DEUTERONOMI 31:23

Lohiabada ese Iosua Nunu ia hamaoroa, ia gwau, “Do oi goada, oiemu lalona do oi ha-aukaia, Israela taudia do oi hakaua, vadaeni idia dekenai lau gwauhamata henidia tano dekenai do idia vareai. Lau danu ese oi do lau bamoa noho.”

DEUTERONOMI 31:3

Lohiabada, emui Dirava be umui emui vairana dekenai unai sinavai do ia hanaia. Ia ese unuseni idia noho bese taudia umui emui vairana dekenai do ia hadikaia ore. Edia tano be do umui abia, bona do umui noholaia.

DEUTERONOMI 33:1

Vadaeni Dirava ena hesiai tauna Mose ese Israela taudia ia hanamoa, ia do mase lasi neganai. Iena hanamoa hereva be inai:

DEUTERONOMI 34:12

Bona siahu karadia, bona gari bada karadia, Mose ese Israela taudia ibounai edia vairana dekenai ia karaia gaudia, be nega ta peroveta tauna ta ia karaia lasi, ia mai bona harihari.

DEUTERONOMI 34:5

Unai dainai Mose, Lohiabada ena hesiai tauna be Moaba tano dekenai ia mase, Lohiabada ena hereva hegeregerena.

DEUTERONOMI 34:9

Iosua Nunu be aonega ena lauma ese ia hahonua, badina be Mose ese Iosua ia abia hidi vadaeni, iena gabu do ia abia. Unai dainai, Israela taudia ese Iosua idia kamonai henia, bona Lohiabada ese Mose dekenai ia oda henia herevadia be idia badinaia.

TITO 1:1

Lau Paulo, lau be Dirava ena hesiai tauna, bona Iesu Keriso ena aposetolo tauna. Dirava ese lau ia abia hidi bona lau ia siaia, Dirava ese ia abia hidi taudia edia abidadama do lau hagoadaia totona. Oibe, lau ia siaia, hereva momokani idia dekenai do lau hadibaia, Dirava do idia badinaia momokani totona.

IAMESI 1:1

Lau Iamesi inai. Lau be Dirava bona Lohiabada Iesu Keriso edia hesiai tauna. Lau ese inai revareva Iuda Keristani taudia ibounai tanobada gabu ibounai dekenai lau torea inai. Umui ese emui gabu korikori umui rakatania, tanobada idauidau dekenai umui noho. Umui lau hanamoa henia inai.

IOSUA 1:15

Inai bamona do umui karaia ela bona Israela taudia ese Ioridane Sinavai ena dina ia diho kahana tanona, Lohiabada ese ia henidia vadaeni tanona do idia abia. Israela iduhu ibounai be idia noho namo, tuari ta lasi neganai, umui be iniseni do umui giroa mai diba. Bona unai neganai emui tano, Mose ese Ioridane Sinavai ena dina daekau kahana, umui ia henia vadaeni tanona, do umui noholaia diba.”

IOSUA 1:2

“Lauegu hesiai tauna Mose be ia mase vadaeni. Unai dainai oi toreisi, inai Ioridane Sinavai do oi hanaia, oi bona Israela taudia, idia dekenai lau ura do lau henia tanona do umui raka vareai.

IOSUA 12:6

Inai king ruaosi be Mose bona Israela taudia ese idia halusia. Mose, Lohiabada ena hesiai tauna ese inai king ruaosi edia tano ia abia, Rubena iduhu taudia bona Gado iduhu taudia, bona Manase iduhu kahana taudia dekenai ia henia, edia tano korikori.

APOKALUPO 1:18

Lau be lau mauri noho. Guna be lau mase vadaeni, to harihari lau mauri noho, ma do lau noho ela bona hanaihanai. Mase ena ki, bona mase taudia edia gabu ena ki, be lauegu imana dekenai ia noho.