IOANE 3:3 - Buka Helaga (Hiri Motu) 1993

³ Iesu ia haere henia, ia gwau, “Momokani, momokani lau hamaoroa oi dekenai, bema taunimanima ta be ia vara lou lasi, ia be Dirava ena Basileia do ia itaia diba lasi.”

IOANE 3:3 Iomraidhean Croise

IEREMIA 5:21

Umui kavakava bona mai emui laloa lasi taudia e, umui kamonai! Umui be mai emui matadia, to umui itaia lasi, bona mai emui taiadia, to umui kamonai lasi.”

ESEKIELA 36:26

“Bona lau ese laloa matamata, bona lauma matamata umui dekenai do lau henia. Guna emui kudouna be auka, nadi bamona. To lau ese unai kudouna auka do lau kokia, kudouna manokana, kamonai henia diba gauna do lau henia.

MATAIO 16:17

Iesu ia haere, ia gwau, “Simona, Iona ena natuna, oi be namo, badina be taunimanima ese oi dekenai idia hadibaia lasi, to lauegu Tamana guba dekenai ia noho ese.

MATAIO 19:24

Ma umui lau hamaoroa, kamelo be nila ena matuna dekenai do ia vareai haraga, to kohu momo tauna be Dirava ena Basileia do ia vareai be mai hekwarahi danu.”

MATAIO 21:31

Idia ruaosi, daika be edia tamana ena ura ia karaia?” Idia gwau, “Guna ia vara natuna ese.” Vadaeni Iesu ese idia ia hamaoroa, ia gwau, “Umui lau hamaoroa momokani, takisi gogoa taudia bona sihari kava hahine ese umui idia gunalaia, Dirava ena Basileia do idia vareai guna.

MATAIO 5:18

Kamonai namonamo, harihari ela bona guba bona tanobada do idia noho lasi neganai, taravatu ena leta ta o ena koma ta do ia boio lasi, ela bona gau ibounai do idia hamomokania.

MAREKO 10:14

To Iesu ia itaia, ia badu, ia gwau henia, ia gwau, “Lau ura maragi idia mai lau dekenai, umui lulua lasi, badina idia bamona be Dirava ena Basileia taudia.

MAREKO 9:47

Bema oiemu matana ese kara dika ia karaia, oi kokia, namo oi be matana tamona tauna, bona oi vareai lao Dirava ena Basileia dekenai. Badina ia namo lasi oiemu matana rua idia noho, to oi vareai lao hel dekenai.

IOANE 1:13

Dirava ena natuna idia vara, be headava ena kara dekena amo idia vara bamona lasi, idia be tanobada tamana dekena amo idia vara lasi. Dirava sibona be idia edia Tamana.

IOANE 1:5

Diari be dibura lalonai ia hedinaraia, bona dibura ese ia habodoa diba lasi.

IOANE 1:51

Ma idia ia hamaoroa, ia gwau, “Momokani umui lau hamaoroa, guba do umui itaia, do ia kehoa, bona Dirava ena aneru do umui itaia, Taunimanima ena Natuna ena latanai do idia daekau, do idia diho.”

IOANE 12:40

“Dirava ese edia matana ia hakepulua vadaeni. Edia lalona danu ia hadiburaia. Edia matana dekena amo do idia itaia garina, bona edia lalona dekena amo do idia diba garina, vadaeni edia lalona do idia giroa, bona Dirava ese idia do ia hamauria garina.”

IOANE 3:4

Vadaeni Nikodemo ese ia nanadaia, ia gwau, “Taunimanima be ia tau badana neganai, edena bamona do ia vara lou diba? Iena sinana ena bogana dekenai do ia vareai lou diba, vadaeni do ia vara lou, a?”

2 KORINTO 4:4

Oibe, idia abidadama henia diba lasi, badina be inai tanobada ena dirava ese edia lalona ia koua, dibura dekena amo. Vadaeni Keriso ena hairaina bona iena Sivarai Namona ena diari idia itaia diba lasi. Keriso be Dirava ena toana momokani Tauna.

2 KORINTO 5:17

Bema tau ta Keriso danu ia hakapua tamona neganai, unai tau be tau matamatana. Iena kara gunadia be idia ore, mauri matamata ia abia vadaeni inai.

GALATIA 6:15

Kopina utua kara, bona kopina utua lasi kara ruaosi be anina lasi. To gau ta be mai anina bada herea: Vara matamata, Dirava ese ita dekenai ia havaraia gauna.

EFESO 2:1

Guna umui be emui kara dika bona kerere dainai umui mase.

DEUTERONOMI 29:4

To Lohiabada ese lalona kehoa, matana itaia, bona taiana kamonai umui dekenai ia henia lasi, ia mai bona hari dina.

TITO 3:5

ia ese ita ia hamauria. Iseda kara maoromaoro dainai ita ia hamauria lasi. Lasi, to iena bogahisihisi dainai ia ese ita ia hamauria, Lauma Helaga dekena amo. Ia ese vara lou ena mauri matamata ita dekenai ia henia, iseda dika ia huria ore dainai.

IAMESI 3:17

To Dirava dekena amo aonega ia abia tauna ena kara ginigunana be inai: Ia laloa goevagoeva. Ma iena kara haida be inai: Mai ena maino, laloa manada bona gado namo. Ia be mai ena bogahisihisi, bona kara namodia momo ia havaraia noho. Ia be maka tamona dekena amo taunimanima ibounai ia kara henidia, edia toana dekena amo lasi. Ma inai tau be Keristani koikoi tauna lasi.

1 PETERO 1:3

Dirava, iseda Lohiabada Iesu Keriso ena Tamana do ita hanamoa bada. Iena bogahisihisi ia bada herea. Ia ese Iesu Keriso mase dekena amo ia hatorea isi lou. Bona unai dainai ita be matamata vadaeni, ita vara lou. Vadaeni mauri korikori ena ura namona laloa ese iseda lalona ia hahonua.

1 IOANE 2:29

Umui diba Keriso be maoromaoro momokani. Unai dainai umui diba danu, kara maoromaoro taudia ibounai be Dirava ena natuna taudia.

1 IOANE 3:9

Dirava ena natuna taudia ese kara dika do idia karaia noho lasi, badina be Dirava ena mauri be idia edia lalona dekenai ia noho. Bona unai taudia idia kara dika noho diba lasi, badina Dirava be edia Tamana dainai.

1 IOANE 5:1

Tau ta, bema ia hamomokania Iesu be Keriso, unai tau be Dirava ena natuna ta. Bema tau ta ese tamana ta ia lalokau henia, ia ese unai tamana ena natuna do ia lalokau henia danu.

1 IOANE 5:18

Ita diba Dirava ena natuna taudia ibounai ese kara dika idia karaia noho lasi. Badina be Dirava ena Natuna ese idia ia naria namonamo noho, vadaeni Satani ese idia ia hadikaia diba lasi.

1 IOANE 5:4

Badina be Dirava ena natuna ibounai ese tanobada dekena amo idia kwalimu diba. Ita ese Dirava ita abidadama henia noho, bona inai abidadama dekena amo tanobada ena kara ita halusia noho.

APOKALUPO 3:14

“Laodikea ekalesia oreana ena aneru dekenai inai hereva do oi torea: “Hereva momokani tauna, bona Dirava ena hereva ia gwauraia maoromaoro tauna, ia be Dirava ia karaia gaudia ena badina momokani. Inai tau ena hadibaia hereva be inai: