IOANE 1:3 - Buka Helaga (Hiri Motu) 1993

³ Gau ibounai be Dirava ese ia karaia inai Hereva dekena amo. Gau ta be idau dala dekenai ia vara lasi, badina idia karaia gaudia ibounai be unai Hereva ese ia karaia.

IOANE 1:3 Iomraidhean Croise

GENESE 1:1

Matamaia neganai Dirava ese guba bona tanobada ia karaia.

GENESE 1:26

Bona Dirava ma ia gwau, “Taunimanima ita karaia namo, iseda toana bona iseda laulau hegeregerena. Davara gwarume bona ataiai manudia bona boromakau, bona tano dekenai idia rau gaudia ibounai, ia ese do ia biagua.”

SALAMO 102:25

Oi ese gunaguna tanobada oi karaia, bona oiemu imana dekena amo guba danu oi karaia.

SALAMO 33:6

Lohiabada ese iena hereva dekena amo guba ia karaia. Dina, hua bona hisiu, be iena uduna ena hereva dekena amo ia karaia.

AONEGA HEREVADIA 8:30

Unai neganai lau be Dirava ena badibadinai lau noho, gaukara karaia tauna bamona. Dina ibounai Dirava be lau dekenai ia moale, bona lau be iena vairana dekenai, lau moale noho nega ibounai.

ISAIA 45:12

Lau ese tanobada lau karaia, bona taunimanima be lau ese lau havaraia tanobada latanai. Lauegu siahu dekena amo guba lau karaia. Lau ese dina, hua, bona hisiu lau naria noho.

ISAIA 45:18

Lohiabada ese guba ia karaia. Ia sibona be Dirava! Ia ese tanobada ia karaia, bona tanobada ena toana, be Dirava ese ia henia. Ia ese tanobada ia karaia, goada herea. Ia ese tano do ia noho kava totona ia karaia lasi, to tano mai anina namona, taunimanima idia noholaia diba gabuna, ia karaia. Unai ia karaia Dirava be ia gwau, “Lau be Lohiabada, bona dirava ma ta be lasi.

IOANE 1:10

Hereva be tanobada dekenai ia noho, bona inai Hereva dekena amo Dirava ese tanobada ia karaia. To tanobada be ia diba lasi ia.

IOANE 1:2

Hereva be matamaia neganai Dirava danu ia noho.

1 KORINTO 8:6

To ita be mai iseda Dirava tamona, ia be Tamana, gau ibounai ia dekena amo idia vara. Ia dainai ita mauri noho. Bona Lohiabada danu be tamona, Iesu Keriso. Ia ese gau ibounai ia karaia. Ia ese mauri ita dekenai ia henia noho.

EFESO 3:9

Dirava ese gau ibounai ia karaia, bona gunaguna iena palani, iena kara ibounai dohore ia karaia laloa gauna ia hunia, taunimanima dekena amo. Inai palani be gunaguna ia mai bona harihari ia hunia noho. To hari Dirava ese lau ia abia hidi, inai palani do lau gwauraia hedinarai totona.

HEBERU 11:3

Ita abidadama henia, vadaeni ita diba Dirava ena hereva ese tanobada bona guba ia karaia. Unai dainai itaia lasi gaudia dekena amo, Dirava ese itaia gaudia ia karaia.

1 IOANE 5:1

Tau ta, bema ia hamomokania Iesu be Keriso, unai tau be Dirava ena natuna ta. Bema tau ta ese tamana ta ia lalokau henia, ia ese unai tamana ena natuna do ia lalokau henia danu.

APOKALUPO 3:14

“Laodikea ekalesia oreana ena aneru dekenai inai hereva do oi torea: “Hereva momokani tauna, bona Dirava ena hereva ia gwauraia maoromaoro tauna, ia be Dirava ia karaia gaudia ena badina momokani. Inai tau ena hadibaia hereva be inai:

APOKALUPO 4:11

“Aiemai Lohiabada, aiemai Dirava e, oi be hegeregere momokani vadaeni, taunimanima ibounai ese hairai bona mataurai, be oi dekenai do idia henia, bona oiemu siahu henunai do idia noho. Badina gau ibounai be oi ese oi havaraia. Oiemu ura dainai oi karadia, bona oiemu ura dainai idia noho.”