IEREMIA 4:3 - Buka Helaga (Hiri Motu) 1993

³ Lohiabada ese Iuda bona Ierusalema taudia ia hamaoroa inai, ia gwau, “Emui noho kava tano do umui geia, emui uhe be au ginigini gabudia dekenai do umui hadoa lasi.

IEREMIA 4:3 Iomraidhean Croise

GENESE 3:18

Au ginigini bona ava ginigini danu, be tano dekenai do idia vara oi dekenai, bona ava edia anina do oi ania.

ESODO 23:11

To lagani namba 7 lalonai, be tano do umui gaukaralaia lasi, ia noho kava, bona ia dekenai ia tubu anina do umui haboua lasi. Umui dekenai idia noho ogogami taudia ese unai anina do idia ania, bona orena be dagedage gaudia do idia ania diba. Inai bamona kara danu do umui karaia emui vain uma gabudia dekenai bona emui olive hatubua gabudia dekenai danu.

HOSEA 10:12

Israela e, uhe namodia, kara maoromaoro ena uhe do umui hadoa, bona umui utua neganai, egu lalokau ese, umui dekenai hanamoa do ia henia, badina harihari umui ese lau, Lohiabada do umui tahua be namo. Unai neganai lau be do lau mai, umui do lau hanamoa, medu namona bamona.

MATAIO 13:22

Ava ginigini dekenai ia moru gauna be tau ta ese hereva ia kamonai, to tanobada ena laloa metau idauidau bona kohu ura henia dikadika ese Dirava ena hereva idia koua. Unai dainai ia be anina lasi.

MATAIO 13:7

Ma haida be ava ginigini lalonai idia moru, ava ginigini ese idia tubu bada, bona uhe ena tubu gauna idia koua.

MAREKO 4:7

Uhe haida be idia moru ava ginigini lalonai, bona uhe edia tubu dala be ava ginigini ese idia koua, bona au huahua ia atoa lasi.

LUKA 8:14

Ava ginigini dekenai idia moru gaudia be taunimanima ese hereva idia kamonai, to dala dekenai idia lao neganai, be tanobada ena laloa, bona ena gau momo, bona ena moale ese idia koua, unai dainai idia be mai edia huahua lasi.

LUKA 8:7

Ma uhe haida be ava ginigini dekenai idia moru, vadaeni ginigini danu idia tubu nega tamona, bona ginigini ese uiti idia koua.