IEREMIA 3:3 - Buka Helaga (Hiri Motu) 1993

³ Unai dainai lau ese medu lau siaia lasi, bona hadoa neganai medu be lau koua, ia diho lasi. To oiemu vairana ena toana, be ariara hahine ena vairana toana bamona, bona oi hemarai lasi momokani.

IEREMIA 3:3 Iomraidhean Croise

GENESE 19:34

Kerukeru, vara guna kekeni ese iena tadina dekenai ia hamaoroa, ia gwau, “Varani hanuaboi iseda tamana danu lau sihari. Hari hanuaboi ita hakekeroa lou be namo, bona oi danu ese lau karaia bamona do oi karaia. Unai dekena amo ita ruaosi natudia do ita abia iseda tamana dekena amo.”

NEHEMIA 9:17

Oiemu oda idia badinaia lasi, oiemu kara ibounai idia laloaboio. Oiemu hoa kara bona toa kara ibounai idia laloaboio. Idia be hekokoroku dainai, edia gunalaia tauna ta idia abia hidi, ia ese idia do ia hakaua lou, Aigupito ena hesiai mai guia dekenai. To oi be kara dika gwauatao Diravana. Oi be mai oiemu hariharibada, bona mai oiemu bogahisihisi. Badu totona oi be haraga lasi, to lalokau totona oi be henia bada Diravana, unai dainai oi rakatanidia lasi.

AONEGA HEREVADIA 21:29

Kara dika tauna be mai laloa auka, sibona ena ura ia karaia noho, to kara maoromaoro tauna ese, Dirava ena dala ia badinaia noho.

ISAIA 5:6

Iena tano do lau hadikaia. Iena vain be hanamoa totona do lau utua lasi. Tano be hanamoa totona do lau geia lasi. Bona ava ginigini, bona au ginigini do lau koua lasi, do idia tubu momo herea. Ori danu do lau gwauatao, vadaeni medu be unai tano dekenai do ia diho lasi.”

IEREMIA 14:1

Lohiabada ese lau Ieremia dekenai ia hereva, hitolo bada Iuda dekenai ia vara neganai, ia gwau,

IEREMIA 14:22

Idau bese taudia edia kaivakuku o dirava koikoi ta ese, medu ia siaia diba lasi. Guba sibona ena goada dekena amo medu ia hadihoa diba lasi. Lohiabada e, aiemai Dirava e, oi tamona sibona be hegeregere medu do oi havaraia. Oi ese inai gau ibounai oi karaia diba dainai, ai ese oi dekenai ai naria noho, ai do oi durua totona.

IEREMIA 14:3

Kohu momo taudia ese, edia hesiai taudia ranu guri dekenai idia siaia, ranu totona. Ranu gabudia dekenai idia lao noho, to ranu idia davaria diba lasi. Idia ese idia giroa mai, to edia hodu be anina lasi momokani. Idia hemarai, bona idia daradara noho. Edia vairadia idia hunia noho.

IEREMIA 14:4

Medu be ia diho lasi dainai, tano ibounai be kaukau momokani. Unai dainai biru taudia edia lalodia be idia hisihisi bada, bona edia vairadia idia hunia noho.

IEREMIA 36:2

“Pepa ta do oi abia, Israela bona Iuda, bona bese idauidau ibounai totona lau hereva gaudia ibounai do oi torea. Iosaia ia king neganai oi dekenai lau hadibaia hamatamaia gaudia, ia mai bona harihari oi lau hadibaia noho gaudia ibounai do oi torea.

IEREMIA 5:24

Nega ta umui laloa lasi inai bamona: ‘Lohiabada, iseda Dirava do ita gari henia. Ia ese medu ita dekenai ia siaia, medu ena nega korikori dekenai, lahara ena medu, bona laurabada ena medu danu. Bona ia ese tano anina utua bona haboua negana danu, be ita dekenai ia henia.’

IEREMIA 5:25

Inai gau namodia be emui kara dika ese, umui dekena amo idia abia siri, bona emui kara dika ese, namo be umui dekena amo ia koua vadaeni.

IEREMIA 5:3

Lohiabada e, oi ese hereva momokani sibona oi ura kamonai. Vadaeni oi ese oiemu bese taudia oi botaia, to idia hisihisi lasi. Oi ese idia momo oi alaia ore, to idia ese matakani idia ura lasi. Idia ese edia lalodia idia ha-aukaia, bona edia dika idia rakatania lasi.

IEREMIA 6:15

Kara dika bada idia karaia neganai, idia be idia hemarai noho, a? Idia be idia hemarai lasi, lasi bona lasi momokani. Hemarai ena mamina idia diba lasi. Unai dainai do idia mase taudia edia huanai, idia danu do idia mase hebou. Lau ese idia do lau panisia neganai, do idia mase momokani. Lau inai Lohiabada, lau hereva vadaeni.”

IEREMIA 8:12

Egu bese taudia e, unai kara dika bada umui karaia neganai, umui be umui hemarai noho, a? Umui be umui kamonai lasi, lasi bona lasi momokani. Hemarai ena mamina umui diba lasi. Unai dainai do idia mase taudia edia huanai, umui danu do umui mase hebou. Lau ese umui do lau panisia neganai, do umui mase momokani. Lau inai Lohiabada, lau hereva vadaeni.”

IEREMIA 9:12

Ieremia ese Lohiabada ia nanadaia, ia gwau, “Lohiabada e, badina dahaka unai tano be ia dika, bona tano kaukau ia lao vadaeni, bona tau ta ese ia raka hanaia lasi? Daika ese inai kara ena anina ia diba? Daika dekenai Lohiabada ese ia hereva henia vadaeni, bona unai tau ese haida ia hamaoroa diba?”

ESEKIELA 3:7

“To Israela bese taudia ese oi do idia kamonai henia lasi. Idia ese lau dekenai idia kamonai henia lasi, badina idia ibounai be dagedage, bona edia lalona be auka momokani.

LEVITIKO 26:19

Umui emui goada ena hekokoroku do lau hamakohia, medu be do lau siaia diho lasi, bona emui tano be do ia auka, auri bamona.

AMOSA 4:7

Emui uma anina ena medu davaria negana lalonai lau ese medu lau hadihoa lasi. Lau hadihoa hanua ta dekenai, to hanua ma ta dekenai lau hadihoa lasi. Medu be tano ta dekenai ia diho, to tano ma ta dekenai ia diho lasi, vadaeni ia kaukau.

AMOSA 4:8

Hanua haida dekena amo ranu mase taudia idia manoka dainai, hanua ta dekenai idia lao, ranu abia totona. To ranu be hereregere lasi dainai, idia abia lasi. Inai bamona dika umui davaria vadaeni, to umui emui lalona umui do giroa lasi.

SEPANAIA 2:1

Hemarai lasi besena e, guriguri totona do umui haboua mai,

SEPANAIA 3:5

To Ierusalema lalonai Lohiabada ese ia kara maoromaoro noho. Kara kerere ta be ia ese ia karaia lasi. Daba ibounai, doko lasi, ia ese iena bese taudia dekenai, iena kara maoromaoro ia hedinaraia noho. To kara dika taudia ese kerere idia karaia noho, mai edia hemarai sisina lasi.

HAGAI 1:11

Lau Lohiabada ese medu lasi negana be tano dekenai lau atoa vadaeni. Medu be do ia diho lasi tano palaka latanai, ororo latanai, uiti, bona vain umadia, bona olive dehoro umadia, bona tano ena anina ibounai edia latanai. Medu danu do ia diho lasi taunimanima bona ubua gaudia edia latanai, o umui havaraia gwauraia gaudia ibounai edia latanai.”

DEUTERONOMI 28:23

Umui emui ataiai, guba, do umui itaia, iena toana be auri laboralabora bamona. Emui tano, emui aena henunai, be auri bamona do ia lao.

HEBERU 12:25

Umui naria namonamo, umui dekenai ia hereva noho Diravana ena hereva do umui negea garina. Gunaguna Dirava ese Israela taudia dekenai ia hereva goada, vadaeni iena hereva idia kamonai henia lasi. Unai neganai idia be dala lasi edia kara dika davana dekena amo idia heau mauri diba. Harihari Dirava be guba dekena amo ita dekenai ia hereva goada noho. Bema iena hereva ita negea, edena bamona iseda dika davana dekena amo do ita heau mauri diba, a? Lasi momokani.