IEREMIA 2:3 - Buka Helaga (Hiri Motu) 1993

³ Israela e, umui be lau sibona lauegu bese taudia, umui be helaga lau dekenai. Umui idia hadikaia taudia dekenai, lau ese hisihisi bona dika lau henidia. Lau Lohiabada, lau hereva vadaeni.”

IEREMIA 2:3 Iomraidhean Croise

ESODO 22:29

“Emui uma dekenai hadoa gaudia edia anina dekena amo boubou gauna lau dekenai do umui henia, dogoatao noho lasi. “Umui emui vara guna natuna merona lau dekenai do umui henia.

ESODO 23:16

“Uma ena anina, hegeregere koni haboua negana, ena aria danu do umui karaia, umui haboua hamatamaia neganai. Lagani dokona dekenai danu aria ta do umui karaia, au huahua ena anina umui haboua neganai. Inai huahua be do umui haboua vain uma gabudia, bona olive hatubua gabudia dekenai.

ISAIA 41:11

“Umui dekenai idia badu henia taudia, be lau ese do lau halusia, mai edia hemarai bada danu. Umui dekenai do idia tuari taudia, be do lau alaia mase.

ISAIA 47:6

Egu bese taudia lau badu henidia. Egu bese korikori taudia lau panisidia. Oiemu siahu ena henunai lau atodia. Oi ese oi bogahisihisi henidia lasi. Buruka taudia danu oi ese oi hadikaia.

IEREMIA 12:14

Lohiabada ia gwau, “Egu bese Israela ena badibadinai idia noho bese taudia, egu bese ena tano idia hadikaia vadaeni taudia dekenai, inai bamona lau hereva, lau gwau: Lau ese emui tano dekena amo umui do lau kokia, tano dekena amo ava idia kokia bamona, bona lau ese Iuda taudia umui emui huanai dekena amo do lau kokia.

IEREMIA 2:4

Iakobo ena bese, bona Israela ena iduhu e, Lohiabada ena hereva do umui kamonai.

IEREMIA 30:16

“To umui idia hadikaia noho taudia, be lau ese do lau hadikaia, bona umui idia tuari henia taudia ibounai, be mai guia danu do lau abidia lao. Umui dekena amo idia henaoa taudia edia gau, be lau ese do lau henaoa, bona umui idia dagedage henia taudia, be lau ese do lau dagedage henidia.

IEREMIA 50:7

Idia davaridia taudia ibounai ese idia aladia noho, idia anidia noho. Idia hadikaia gwauraia taudia idia gwau, ‘Ai be kerere lasi momokani, badina be idia ese Lohiabada dekenai idia kara dika vadaeni. Edia sene taudia ese Lohiabada idia abidadama henia, vadaeni idia danu ese ia bema idia abidadama henia be maoro.’

IOELA 1:3

Emui natudia do umui hamaorolaia, vadaeni idia ese edia natudia do idia hamaorolaia, vadaeni gabeai nega idia vara bese taudia, be do idia hamaorolaia.

AMOSA 6:1

Ierusalema dekenai umui noho namonamo, bona Samaria Ororo dekenai emui mauri be namo herea taudia e, lalohisihisi bada do umui davaria! Bona inai bese badana Israela ena taubadadia e, momokani umui emui durua totona Israela taudia be umui dekenai idia abidadama henia noho. To umui ese dika bada do umui davaria.

HABAKUKU 1:11

Idia be tuari totona idia mai haraga, tuari idia haorea haraga, vadaeni ma gabu ta dekenai idia lao, lai ia mai bona lao bamona. Babulonia taudia be idia kerere, idia ese sibodia edia goada be edia dirava idia halaoa vadaeni.”

SEKARAIA 1:15

To unai idia noho namonamo mai maino danu besedia dekenai lau badu noho momokani, badina be egu bese taudia lau badu henidia sisina neganai, unai idau bese taudia ese idia hisihisi henidia bada, egu ura hegeregerena lasi.’ ”

SEKARAIA 2:8

Badina be umui idia botaia taudia ese, lau Lohiabada lau ura henidia taudia idia botaia noho.” Unai dainai Siahu Ibounai Lohiabada ese lau ia siaia, iena bese taudia idia hadikaia taudia dekenai inai sisiba hereva do lau henidia totona, vadaeni Lohiabada ena hereva lau gwauraia inai:

NUMERA 18:12

“Lau ese inai aniani umui dekenai lau henia: Olive dehoro namo herea, bona uaina matamata namo herea, bona uiti namo herea do idia mailaia, Israela taudia edia uma anina vara guna, bona edia vain huahua vara guna, Lohiabada dekenai idia mailaia gaudia.

ROMA 11:16

Bema tau ta ese paraoa ena kahana ginigunana ia henia Dirava dekenai, orena kahana ibounai danu be Dirava ena. Bona bema tau ta ese au ta ena ramuna ia henia Dirava dekenai, unai au rigidia danu be Dirava ena.

ROMA 16:5

Edia ruma lalonai idia hebou noho Keristani taudia dekenai danu egu hanamoa do umui henidia. Lau lalokau henia tauna, Epaineto dekenai danu egu hanamoa do umui henia. Ia be tau ginigunana Keriso ia abidadama henia Asia kahana dekenai.

EFESO 1:4

Tanobada ia do karaia lasi neganai, Dirava ese ita ia abia hidi, ita be iena taudia, Keriso lalonai ita noho dainai. Unai dekena amo, Dirava ena vairanai ita be helaga bona mai kerere ta lasi. Iena lalokau dainai,

DEUTERONOMI 14:2

Badina umui be Lohiabada emui Dirava ena bese helagana. Lohiabada ese tanobada dekenai idia noho taudia ibounai dekena amo umui ia abia hidi, iena bese korikori do umui lao totona.

DEUTERONOMI 26:19

Vadaeni ia ese umui do ia abia isi, ia karadia bese ibounai, be emui bese ese idia do ia hereaia. Bona umui ese Lohiabada ena ladana do umui hanamoa bona habadaia. Umui be Lohiabada, emui Dirava, ena bese korikori do umui lao, iena gwauhamata hegeregerena.”

DEUTERONOMI 7:6

“Badina umui be bese helagana, Lohiabada emui Dirava, ena. Lohiabada, emui Dirava ese tanobada bese ibounai dekena amo umui ia abia hidi vadaeni, iena bese korikori do umui lao totona.

IAMESI 1:18

Ia sibona ena ura dainai, Dirava ese iena hereva momokani dekena amo, ita dekenai mauri matamata ia henia, vadaeni iena vara guna natuna taudia ita lao. Momokani, Dirava ia karaia taudia ibounai edia huanai, ita be iena vara guna natuna taudia.

1 PETERO 2:9

To Dirava ese umui ia abia hidi vadaeni, umui be iena bese, umui be King ena hahelagaia taudia, bese helagana, bona Dirava ena orea korikori taudia. Dirava ese umui ia abia hidi, iena hoa kara badadia do umui gwauraia hedinarai. Badina be ia ese dibura dekena amo umui ia boiria, vadaeni iena diari namo bada herea lalonai do umui noho.

APOKALUPO 14:4

Inai taudia be hahine danu idia sihari lasi momokani. Idia be helaga bona goevagoeva. Idia ese Mamoe ena Natuna murinai idia raka, iena loaloa gabudia ibounai. Taunimanima ibounai edia huanai dekena amo Dirava ese idia ia hoia vadaeni. Bona idia be taunimanima ginigunadia Dirava bona Mamoe ena Natuna ese idia abia, edia.