IEREMIA 11:8 - Buka Helaga (Hiri Motu) 1993

⁸ “To lau dekenai idia kamonai henia lasi, bona edia taiadia idia koua. Idia ibounai be edia laloa dikadia dekenai bona edia laloa auka dekenai idia raka. Unai dainai, inai gwauhamata taravatuna herevadia ibounai, lau oda henidia do idia karaia, to idia karaia lasi gaudia, ena hereva dika be idia edia latanai lau atoa.”

IEREMIA 11:8 Iomraidhean Croise

NEHEMIA 9:26

“To oiemu bese taudia ese oiemu ura idia utua, bona oiemu hereva idia kamonai lasi, oiemu Taravatu idia badinaia lasi momokani. Bona oiemu peroveta taudia ese idia sisiba henidia, oi dekenai do idia giroa lou totona, to idia ese oiemu peroveta taudia idia alaia mase. Idia ese danu oiemu ladana idia hadikaia nega momo.

NEHEMIA 9:29

Oi ese idia oi sisiba henia, oiemu Taravatu do idia kamonai henia totona, to idia be hekokoroku, oiemu oda idia badinaia lasi. Oiemu Taravatu badinaia dalana be mauri dalana, to idia ese mai laloa auka danu, oiemu ura idia karaia lasi, oiemu Taravatu idia kamonai henia lasi.

IEREMIA 13:10

Inai kara dika taudia ese lau idia kamonai henia lasi momokani, idia ese sibodia edia laloa auka bona dika dekena amo, dirava idaudia idia tomadiho henia, bona edia hesiai gaukara idia karaia. Inai taudia be inai rami, negea gauna, hegeregerena do idia lao.

IEREMIA 3:17

“Unai neganai Ierusalema hanua be do idia gwauraia ‘Lohiabada Ena Terona.’ Bona tanobada besedia ibounai be Ierusalema dekenai do idia haboua mai, lau Lohiabada do idia tomadiho henia totona. Idia ese sibodia edia laloa dikadia bona laloa aukadia dekena amo idia havaraia karadia do idia karaia lou lasi.

IEREMIA 31:32

Inai gwauhamata be edia sene taudia danu lau karaia gwauhamata taravatuna bamona lasi, unai be Aigupito dekena amo lauegu imana dekena amo idia lau hakaua neganai. Unai neganai lau be adavana bamona idia dekenai, to idia ese unai gwauhamata idia hamakohia.

IEREMIA 32:23

Vadaeni edia tano dekenai idia raka vareai, idia abia. To idia ese oiemu hereva idia kamonai lasi, bona oiemu taravatu dekenai idia raka lasi. Oi ese oi oda henidia do idia karaia karadia ta idia karaia lasi. Unai dainai, inai dika bada ibounai be idia edia latanai oi atoa vadaeni.

IEREMIA 34:14

‘Lagani 7 ibounai be idia ese edia hesiai taudia, Heberu taudia, lagani 6 lalonai idia totona idia gaukara vadaeni taudia, be do idia ruhaia.’ To emui sene taudia ese egu hereva idia kamonai lasi.

IEREMIA 35:15

Lau ese egu peroveta hesiai taudia ibounai umui dekenai lau siaia lou, siaia lou, bona idia ese umui idia hamaoroa emui kara dikadia do emui rakatania, bona kara maoromaorodia do umui karaia. Umui idia sisiba henia danu, dirava idaudia do umui tomadiho henidia lasi, bona edia hesiai gaukara do umui karaia lasi, unai neganai umui be emui sene taudia dekenai lau henia tano dekenai do umui noho diba. To umui ese egu hereva umui kamonai henia lasi, bona umui laloa lasi.

IEREMIA 35:17

Unai dainai, lau, Siahu Ibounai Lohiabada, Israela ena Dirava ese inai bamona lau hereva: Kamonai! Dika bada, Iuda bona Ierusalema dekenai noho taudia ibounai edia latanai lau gwauraia vadaeni gauna, be idia dekenai do lau havaraia, badina be lau hereva henia vadaeni, to idia kamonai lasi, bona idia dekenai lau boiboi, to idia haere lasi.”

IEREMIA 38:20

Lau Ieremia ese lau haere, lau gwau, “Idia edia imana dekenai oi do idia atoa lasi. Lohiabada ena hereva, hari lau gwauraia noho gauna, do oi kamonai henia, vadaeni idia ese oi do idia alaia lasi.

IEREMIA 44:16

“Hereva ta ai dekenai oi hamaoroa, Lohiabada ena ladana dekenai, to ai ese oi do ai kamonai henia lasi.

IEREMIA 44:17

Ai ese ai gwauhamata do ai karaia karadia ibounai, be do ai karaia, bonana namo muramura be guba ena kwini dekenai do ai gabua, bona ia hanamoa totona danu uaina bouboudia do ai bubua, ai karaia guna hegeregerena, ai bona aiemai sene taudia, bona aiemai king bona lohia taudia, Iuda hanua ibounai dekenai, bona Ierusalema ena ariara gabudia dekenai. Badina be unai neganai, aiemai aniani be momo, bona aiemai noho be namo, dika ta do ai itaia lasi.

IEREMIA 44:5

To umui ese umui kamonai lasi, bona umui laloa lasi danu. Umui emui dika bada gauna, dirava idaudia dekenai, mai bonana muramura umui gabua, bona idia dekenai umui tomadiho karadia umui hadokoa lasi.

IEREMIA 7:13

Umui ese unai bamona kara dika ibounai umui karaia vadaeni. Lau Lohiabada ese nega momo umui lau sisiba henia unai emui kara dika dainai, to umui kamonai lasi. Bona lau be umui dekenai lau boiboi neganai, umui haere lasi lau dekenai.

IEREMIA 7:24

To lau dekenai idia kamonai henia lasi, lauegu hereva idia laloa lasi. Idia ese sibodia edia laloa dikadia bona laloa kerere hegeregerena idia karaia noho. Bona idia edia kara ese edia mauri ia hanamodia lasi, to ia hadikadia.

IEREMIA 7:26

To umui ese egu hereva umui kamonai lasi, bona umui laloa lasi. Lasi momokani. Umui ese emui laloa dikadia bona emui laloa kerere hegeregere umui karaia, bona emui kara ena dika ese emui sene taudia edia dika ia hanaia.

ESEKIELA 20:8

To idia ese lau dekenai idia dagedage, lau idia kamonai henia lasi. Idia edia gau dika rohorohodia, edia matadia idia moalelaia gaudia be idia ese idia negea ore lasi, bona Aigupito ena kaivakuku idia rakatania lasi. “Vadaeni lau laloa, egu badu mai siahu danu be edia latanai do lau bubua diho, bona do lau hadikadia ore, Aigupito ena tano dekenai.

SEKARAIA 1:4

Emui tamadia, emui sene taudia hegeregerena do umui karaia lasi. Peroveta taudia gunadia ese idia dekenai idia boiboi, idia gwau, ‘Siahu Ibounai Lohiabada ese inai bamona ia hereva noho: Emui dala dikadia bona emui kara dikadia do umui rakatania. To egu hereva idia laloa lasi, bona idia kamonai henia lasi.’ ”

SEKARAIA 7:11

“To idia ura lasi unai oda idia kamonai, edia laloa idia koua egu oda dekenai.