IEREMIA 11:5 - Buka Helaga (Hiri Motu) 1993

⁵ Unai neganai emui sene taudia dekenai lau henidia gwauhamata be do lau badinaia, bona tano namona, rata bona hani dekenai ia honu tano, hari dina umui biagua noho tano, umui dekenai do lau henia.’ ” Lau haere, lau gwau, “Lohiabada e, unai bamona oi karaia be namo.”

IEREMIA 11:5 Iomraidhean Croise

IEREMIA 28:6

Peroveta tauna Ieremia ia gwau, “Amen! Lohiabada ese unai bamona do ia karaia be namo. Lohiabada ese oiemu peroveta hereva do ia hamomokania be namo. Lau ura bada Lohiabada ena Dubu kohudia ibounai bona abia mauri taudia danu be Babulonia dekena amo do idia abia mai lou inai gabu dekenai. Unai bamona bema ia vara be namo.

1 KORINTO 14:16

Bema emui lauma sibona dekenai Dirava umui tanikiu henia neganai, hebou lalonai ia helai tauna be edena bamona “amen” do ia gwauraia diba? Badina be emui hereva ena anina ia diba lasi.

MATAIO 6:13

Dibagani dika gabuna dekenai ai do oi hakaua vareai lasi, to Satani ena imana dekena amo do oi hamauria ai.’

DEUTERONOMI 6:3

Israela taudia e, inai Taravatu do umui kamonai henidia namonamo. Unai bamona neganai do umui namo, bona do umui goada bona momo herea, rata bona hani dekenai ia honu tanona lalonai. Lohiabada, emui sene taudia edia Dirava, ese inai bamona ia gwauhamata henia vadaeni.

LEVITIKO 20:24

“To lau ese umui dekenai lau gwauhamata vadaeni, unai taudia edia tano be umui dekenai do lau henia, emui tano korikori. Inai tano be namo herea, rata bona hani dekenai ia honu tanona. Lau be Lohiabada, emui Dirava, bona lau ese bese idauidau edia huanai umui lau abia hidi vadaeni.

ESODO 13:5

Lohiabada ese emui tubuna dekenai ia gwauhamata vadaeni Kanana taudia bona Hiti taudia bona Amoro taudia bona Hivi taudia bona Iebusu taudia edia tano do ia henia umui dekenai. Unai tano ia namo herea, mai aniani momo herea. Unai tano dekenai umui do ia hakaua vareai neganai, inai aria do umui karaia lagani ibounai ena hua ginigunana lalonai.

IEREMIA 32:22

Oi ese inai tano danu oi henidia vadaeni, edia sene taudia oi gwauhamata henidia do oi henidia tano, rata bona hani dekenai ia honu tanona.

2 SIVARAI 6:17

Unai dainai, Israela ena Dirava e, oiemu gwauhamata tamagu Davida dekenai, mani emu kara hari do oi hamomokania.

SALAMO 105:8

Lohiabada ese ia karaia gwauhamata taravatuna, be hanaihanai do ia badinaia. Iena gwauhamata danu be do ia laloa noho uru ibounai 1000.

IEREMIA 19:12

Lau Lohiabada, lau hereva momokani inai: Inai hanua Ierusalema, mai iena noho taudia danu, be Topete hegeregerena do lau halaoa.