IEREMIA 11:4 - Buka Helaga (Hiri Motu) 1993

⁴ Inai taravatu be emui sene taudia dekenai lau henia, Aigupito tano, unai auri amuna dekena amo lau hakaudia mai neganai.’ Lau hamaorodia, lau gwau, ‘Egu hereva do umui kamonai henia, bona egu oda ibounai do umui karaia, vadaeni umui be egu bese, bona lau be emui Dirava do lau lao.

IEREMIA 11:4 Iomraidhean Croise

GENESE 17:8

Inai hari oi noho idau tauna bamona tano do lau henia oi dekenai, bona oiemu tubuna dekenai. Inai Kanana tano ibounai be oiemu, bona oiemu tubuna edia, ela bona hanaihanai, bona lau be edia Dirava do lau noho.”

1 KING TAUDIA 8:51

Badina idia be oiemu bese korikori, oi ese Aigupito tano dekena amo, unai amu mai hururuhururu danu dekena amo idia oi hakaua mai.

2 KING TAUDIA 18:6

Badina be Hesekaia ese Lohiabada ia badinaia namonamo, bona Lohiabada ena murinai raka ena kara dekena amo ia raka siri lasi momokani. Hesekaia ese Lohiabada ena Taravatu ibounai, Mose dekenai ia henia gaudia ibounai, ia badinaia namonamo.

ESODO 20:6

To lau dekenai idia lalokau henia taudia bona egu taravatu idia badinaia taudia do lau lalokau henia. Bona edia tubuna taudia momo momo herea danu do lau lalokau henia.

ISAIA 30:6

Inai be Dirava ena hereva, ia ese taunimanima idia noho lasi tanona, ladana Negebe ena dagedage gaudia ia herevalaia, ia gwau: “Iuda ena gavamani lohia taudia be tano dikana idia raka hanaia noho, unuseni be laiona, bona gaigai dikadia, bona huala, idia roho diba gaudia idia noho. Unai lohia taudia ese edia doniki bona kamelo edia doruna dekenai harihari gaudia idia atoa, Aigupito totona. To unai Aigupito taudia ese durua idia henia diba lasi.

ISAIA 48:10

Umui itaia, lau ese lahi dekena amo umui lau hagoevaia vadaeni, to siliva lau davaria lasi. Hisihisi ena amu lalonai umui lau tohoa vadaeni.

IEREMIA 11:7

Badina be emui sene taudia lau sisiba henidia auka, Aigupito tano dekena amo lau hakaudia neganai. Lau sisiba henidia loulou, lau hesiku lasi, ia mai bona hari dina, lau gwau, ‘Egu hereva do umui kamonai.’

IEREMIA 24:7

Lau ese laloa kehoa, bona laloa namodia do lau henidia, bona do idia diba lau be Lohiabada. Unai neganai idia be egu bese do idia lao, bona lau be edia Dirava do lau lao, badina be idia ese lau dekenai do idia giroa mai, mai edia kudoudia ibounai danu.

IEREMIA 26:13

Umui ese emui noho mauri do umui haidaua, bona Lohiabada emui Dirava do umui kamonai henia. Bema unai bamona umui karaia neganai, ia ese iena laloa do ia giroa, bona unai hadikaia kara, ia gwauraia umui emui latanai do ia atoa gauna, be do ia karaia lasi.

IEREMIA 30:22

Umui be lauegu bese do umui lao, bona lau be emui Dirava do lau lao.”

IEREMIA 32:28

Vadaeni, lau Lohiabada inai bamona lau hereva: Lau ese inai hanua be Babulonia taudia dekenai, bona Nebukanesa, Babulonia ena king edia siahu henunai do lau atoa. Idia ese do idia abia.

IEREMIA 38:20

Lau Ieremia ese lau haere, lau gwau, “Idia edia imana dekenai oi do idia atoa lasi. Lohiabada ena hereva, hari lau gwauraia noho gauna, do oi kamonai henia, vadaeni idia ese oi do idia alaia lasi.

ESEKIELA 11:20

Vadaeni egu taravatu bona egu oda ibounai do idia kamonai henia. Bona idia ese egu bese taudia do idia lao, bona lau ese edia Dirava do lau lao.

ESEKIELA 14:11

Unai neganai Israela taudia be lau dekena amo do idia raka siri lou lasi, bona edia kara dika ibounai dekena amo idia sibona do idia hamiroa lou lasi. To idia be egu bese taudia do idia lao, bona lau be edia Dirava do lau lao. Lau inai Lohiabada Dirava be lau hereva vadaeni.”

ESEKIELA 36:28

Unai neganai umui ese emui sene taudia dekenai lau henia tano dekenai do umui noho. Umui be lauegu bese do umui lao, bona lau be emui Dirava do lau lao.

ESEKIELA 37:23

“Idia ese idia sibona do idia hamiroa lou lasi kaivakuku bona dirava koikoi dekena amo, o sibona do idia hadikaia lasi kara dikadia dekena amo. Badina be lau ese idia do lau durua, bona edia kerere, bona lau dekena amo idia raka siri kara dekena amo idia do lau ruhaia. Lau ese idia do lau hagoevaia, bona idia be lauegu bese do idia lao, bona lau be edia Dirava do lau lao.

ESEKIELA 37:27

“Lau be unuseni idia danu do lau noho, lau be idia edia Dirava, bona idia be lauegu bese do idia lao.

DANIELA 3:26

Unai neganai Nebukanesa ia lao lahi kahirakahira, ia boiboi, ia gwau, “Sataraka, Misaka, Abetenigo e, Ataiai Momokani Dirava ena hesiai taudia e, lahi umui rakatania, umui mai.” Vadaeni Sataraka bona Misaka bona Abetenigo be unai lahi siahu herea dekena amo idia raka murimuri dekenai.

LEVITIKO 26:12

Umui emui huanai do lau raka, bona emui Dirava do lau lao, umui danu egu bese taudia do umui lao.

LEVITIKO 26:3

“Bema lauegu taravatu umui badinaia bona lauegu oda umui kamonai henia,

SEKARAIA 13:9

Bona unai kahana tamona, idia do noho taudia, be lau ese do lau tohoa. Lau ese idia dekenai lahi do lau atoa, idia do lau hagoevaia, siliva be lahi dekenai idia hagoevaia bamona. Ma lau ese lahi dekenai idia do lau tohoa, golo idia tohoa bamona. Unai neganai idia ese lau dekenai do idia guriguri henia, bona lau ese edia guriguri do lau kamonai. Lau ese idia do lau hamaoroa, do lau gwau, ‘Umui be lauegu bese taudia,’ bona idia be do idia gwau, ‘Oi, Lohiabada, be aiemai Dirava.’ ”

SEKARAIA 6:15

Gabu daudau dekenai idia noho taudia be do idia mai, Lohiabada ena Dubu Helaga haginia gaukara do idia durua. Unai neganai umui be do umui diba, Siahu Ibounai Lohiabada ese lau ia siaia vadaeni umui dekenai. Inai bamona do ia vara bema Lohiabada emui Dirava umui kamonai henia namonamo neganai.

SEKARAIA 8:8

Dina daekau kahana, bona dina diho kahana dekena amo idia do lau mailaia lou, Ierusalema dekenai do idia noho. Idia be egu bese taudia do idia lao, bona lau be edia Dirava do lau lao. Idia do lau biagua, mai laloa maoromaoro bona kara momokani danu.”

MATAIO 28:20

Bona idia dekenai do umui hadibaia, umui dekenai lau henia hereva ibounai be do idia badinaia. Bona do umui kamonai bona laloa noho, lau be hanaihanai umui danu ita noho ela bona tanobada dokona.”

2 KORINTO 6:16

Dirava ena dubu helaga bona kaivakuku be edena bamona idia hakapua tamona diba? Badina ita be Mauri Dirava ena dubu helaga! Dirava ese inai bamona ia hereva, ia gwau: “Lau be lauegu bese taudia danu do lau noho, bona idia edia huanai do lau raka. Bona lau be edia Dirava do lau lao, bona idia be lauegu bese taudia do lau halaodia.”

DEUTERONOMI 11:27

Bema Lohiabada emui Dirava ena Taravatu, hari dina umui dekenai lau henia gaudia umui kamonai henia neganai, hanamoa do umui davaria.

DEUTERONOMI 4:20

To Lohiabada ese Aigupito dekena amo umui ia hamauria, amu ena lahi dekena amo umui ia hamauria bamona. Umui ia veria mauri vadaeni, iena bese korikori do umui lao totona. Hari dina dekenai umui be iena bese.

DEUTERONOMI 5:6

‘Lau be Lohiabada, emui Dirava. Aigupito, hesiai mai guia danu umui karaia gabuna, dekena amo umui lau hamauria.

HEBERU 5:9

Ela bona ia be namo momokani vadaeni, iena namo ese ibounai edia namo ia hereaia. Unai dainai ia be hegeregere vadaeni, ia dekenai idia kamonai henia taudia ibounai dekenai, be mauri hanaihanai do ia henidia. Dirava ese inai dala ia havaraia.

1 SAMUELA 15:22

To Samuela ia haere, ia gwau, “Edena kara be Lohiabada ia ura henia bada, a? Idia gabua boubou, bona boubou idauidau ia ura henia, a? Lasi, Lohiabada ena hereva idia kamonai henia taudia, be ia ura henia, ani? Oi laloa namonamo: Lohiabada kamonai henia kara, ese boubou karadia ia hereaia, bona Lohiabada ena hereva badinaia kara, ese mamoe namodia edia digara ia hereaia.