IAMESI 1:3 - Buka Helaga (Hiri Motu) 1993

³ Badina be umui diba, dibagani o hisihisi ese emui abidadama idia tohoa neganai, goada bona haheauka idia havaraia noho.

IAMESI 1:3 Iomraidhean Croise

LUKA 21:19

Do umui gini auka dainai, emui laumana do idia mauri.

ROMA 15:4

Buka Helaga dekenai idia torea hereva be ita dekenai hadibaia totona idia torea, vadaeni do ita gini goada, bona Dirava ena namo dekenai do ita naria, mai haheauka danu.

ROMA 2:7

Taunimanima haida ese kara namo idia karaia noho nega ibounai. Idia ese Dirava ena hairai, iena hanamoa, bona iena doko diba lasi maurina idia tahua noho nega ibounai. Inai bamona taudia dekenai be Dirava ese mauri hanaihanai do ia henia.

ROMA 8:25

To bema ita itaia diba lasi gauna totona ita naria noho neganai, inai be mai laloa goada danu ita naria.

ROMA 8:28

Bona ita diba, Dirava idia lalokau henia taudia dekenai, dahaka dahaka idia vara gaudia ibounai ese unai taudia edia mauri do idia hanamoa. Inai taudia Dirava ese ia abia hidi iena ura gaudia do idia karaia totona.

2 KORINTO 4:17

Badina be hari ai abia noho hisihisi be metau lasi gaudia, bona do idia noho nega daudau lasi. Oibe, inai hisihisi maragi idia ore murinai, Dirava ese ai do ia hanamoa bada herea momokani guba dekenai, ela bona hanaihanai.

KOLOSE 1:11

Ai ruaosi ai noinoi danu, Dirava ese umui do ia hagoadaia, vadaeni iena siahu dekena amo, metau ibounai lalonai do umui gini goada, mai haheauka danu. Bona emui hisihisi lalonai, mai moale danu do umui noho.

2 TESALONIKA 1:4

Unai dainai ai ese Dirava ena ekalesia oreadia edia vairanai umui ai herevalaia mai heagi danu. Ai moalelaia gauna be, dagedage bona hisihisi bada umui abia noho, to umui goada noho, bona Dirava dekenai umui abidadama henia noho.

2 TESALONIKA 3:5

Lohiabada ese umui emui lalona do ia hakaudia, vadaeni Dirava ena lalokau, bona Keriso ese ia henia haheauka, do umui diba momokani.

HEBERU 10:36

Metau lalonai do umui gini goada, do umui haheauka, vadaeni Dirava ena ura do umui karaia diba. Unai neganai Dirava ia gwauhamatalaia davana namona do umui abia.

HEBERU 12:1

Bona ita be edena bamona? Ita idia itaia noho taudia momo herea ese ita idia hagegea noho. Abidadama dalana ita dekenai idia ese idia hedinaraia vadaeni. Unai dainai, namona be ita idia hametaua gaudia ibounai, bona ita idia guia noho kara dikadia do ita negea momokani. Vadaeni iseda vairana dekenai ia noho heau helulu, be mai haheauka danu do ita heau goada.

HEBERU 6:12

Umui lahedo lasi. To abidadama bona haheauka taudia edia kara bamona do umui karaia. Vadaeni Dirava ia gwauhamatalaia davana namona, iena natuna taudia do idia abia gauna, be umui ese do umui abia.

1 PETERO 1:7

Inai dibagani edia badina be inai: Dirava ese emui abidadama ena goada do ia tohoa. Umui diba, golo be ia dika lao diba, to lahi lalonai idia atoa, be iena goada tohoa bona hanamoa totona. Abidadama be golo hegeregerena lasi. Lasi, ia ese golo ia hereaia. Vadaeni emui abidadama ena goada idia tohoa gaudia, hegeregere hisihisi o dibagani, be namo. Badina idia ese iseda abidadama idia hanamoa bona hagoadaia noho. Bona Iesu Keriso ia hedinarai dinana dekenai mataurai bona hairai bona hanamoa do umui davaria.

2 PETERO 1:6

Ma diba sibona lasi, to umui ese emui tauanina edia ura do umui biagua namonamo. Ma tauanina biagua sibona lasi, to haheauka danu do umui abia. Ma haheauka sibona lasi, to Dirava badinaia kara danu do umui abia.