HOSEA 11:2 - Buka Helaga (Hiri Motu) 1993

² Lau ese nega momo ia lau boiria, egu murinai do ia raka totona, to ia ese lau dekena amo ia raka siri. Egu bese ese Bala dekenai boubou idia henia. Idia ese bonana namo muramura, idia gabua dirava koikoi dekenai.

HOSEA 11:2 Iomraidhean Croise

HOSEA 2:13

Unai hahine ese nega momo lau ia laloaboio, bona ia lao, Bala dirava dekenai bonana namo muramura ia gabua. Ma herahera ia atoa, ia idia ura henia tatau edia murinai do ia heau totona. Lau, Lohiabada ese lau hereva vadaeni.”

IEREMIA 18:15

To lauegu bese taudia ese, lau idia laloaboio vadaeni. Mai bonana muramura be dirava koikoidia edia vairanai, idia gabua noho. Idia edia dala dekenai idia hekwakwanai, bona idia moru, bona lauegu dala gunana, laolao dalana korikori dekenai idia raka lasi. Idia be uda daladia sibona dekenai idia raka.

ISAIA 65:7

Edia kara dika dainai, bona edia tamadia edia dika dainai, davana do lau henia, badina be idia ese bonana namo muramura, be ororo edia ataiai idia noho tomadiho gabudia dekenai idia gabua. Ororo edia latanai danu, idia ese lau idia hereva dika henia. Unai dainai edia kara dika gunadia hegeregerena, davana do lau henidia.”

HOSEA 11:7

Idia be lau dekena amo idia raka siri noho. Unai dainai edia kerere davana, lau ese lau atoa gauna, dekena amo idia heau mauri diba lasi. Hisihisi bada dainai, idia be do idia tai, bona tau ta ese inai hisihisi do ia kokia diba lasi.

APOSETOLO EDIA KARA 7:51

“Umui ura dika taudia e, umui emui kudouna bona taiana be Dirava ura henia lasi taudia edia bamona! Umui ese nega ibounai Lauma Helaga umui koua noho! Umui emui tamadia edia kara be umui danu umui karaia noho.

IOANE 3:19

Kota henia ena badina be inai, diari be tanobada dekenai ia mai vadaeni, to taunimanima ese dibura idia ura henia bada, diari be idia ura henia maragi, badina edia kara be ia dika.

LUKA 13:34

“Ierusalema e, Ierusalema e, oi ese peroveta taudia oi alaia, bona Dirava ese ia siaia oi dekenai taudia be nadi dekenai oi alaia. Nega momo oiemu natuna do lau haboua gwauraia, kokoroku hahine ese natuna ena huina dekena amo ia koua bamona, to umui be umui ura lasi.

SEKARAIA 7:11

“To idia ura lasi unai oda idia kamonai, edia laloa idia koua egu oda dekenai.

IEREMIA 35:13

“Lau, Siahu Ibounai Lohiabada, Israela ena Dirava, be inai bamona lau hereva: Lau Lohiabada ese umui lau nanadaia inai, badina dahaka egu hereva umui kamonai henia lasi, a?

NEHEMIA 9:30

Lagani momo lalonai oi ese mai haheauka danu sisiba oi henidia. Oiemu Lauma dekena amo idia oi sisiba henia, peroveta taudia edia uduna hereva dekena amo, to idia ura lasi kamonai. Unai dainai oi ese idau bese taudia edia siahu henunai oi atodia.

1 KING TAUDIA 18:19

Unai dainai harihari oi ese hereva do oi siaia, Israela taudia ibounai lau dekenai do oi haboua, Karamele Ororo dekenai. Bona Bala ena peroveta taudia 450, bona Asera ena peroveta taudia 400, Iesebele ese edia aniani ia henidia taudia danu do oi mailaia.”

1 KING TAUDIA 12:33

Hua namba 8 ena dina namba 15, ia sibona ese ia gwauraia dinana, Ieroboama be Betele dekenai ia lao, boubou patana dekenai boubou ia karaia. Unai bamona be Ieroboama ese Israela taudia totona aria ta ia gwauraia, bona ia sibona ese boubou gauna ia gabua.

GUNALAIA TAUDIA 10:6

Israela taudia ma idia kara dika Lohiabada ena vairanai, dirava idaudia idia tomadiho henia, dirava be inai: Bala, Asataroto, Suria taudia edia dirava, Sidono taudia edia dirava, Moaba taudia edia dirava, Amono taudia edia dirava, bona Pilistia taudia edia dirava. Bona idia ese Lohiabada idia rakatania, iena hesiai gaukara idia karaia lasi.

GUNALAIA TAUDIA 3:7

Israela taudia ese Lohiabada, edia Dirava idia laloaboio, bona Dirava ena vairana dekenai idia kara dika. Bala bona Asera dirava koikoidia dekenai idia tomadiho.

GUNALAIA TAUDIA 2:13

Idia ese Lohiabada idia rakatania, dirava ladana Bala, bona dirava ladana Asataroto idia tomadiho henia.

SEKARAIA 1:4

Emui tamadia, emui sene taudia hegeregerena do umui karaia lasi. Peroveta taudia gunadia ese idia dekenai idia boiboi, idia gwau, ‘Siahu Ibounai Lohiabada ese inai bamona ia hereva noho: Emui dala dikadia bona emui kara dikadia do umui rakatania. To egu hereva idia laloa lasi, bona idia kamonai henia lasi.’ ”

HOSEA 4:13

“Ororo ataiai edia helaga gabudia dekenai boubou karadia idia karaia. Bona ororo maragidia dekenai au henunai bonana namo muramura idia gabua noho, badina be unai au ena henunai be kerumakeruma gabuna namo herea dainai. “Unai dainai emui natuna hahine ese sihari kava karadia idia karaia noho, bona emui ravana hahine ese idia heudahanai noho.

IEREMIA 44:5

To umui ese umui kamonai lasi, bona umui laloa lasi danu. Umui emui dika bada gauna, dirava idaudia dekenai, mai bonana muramura umui gabua, bona idia dekenai umui tomadiho karadia umui hadokoa lasi.

HOSEA 4:17

“Israela taudia be dirava koikoidia ese idia koidia vadaeni. Unai dainai lau gwau, ‘Do lau rakatanidia, sibodia edia ura do idia karaia.’