HOSEA 11:1 - Buka Helaga (Hiri Motu) 1993

¹ Lohiabada ia gwau, “Israela be natuna maragina neganai lau lalokau henia. Lau ese Aigupito dekena amo lau boiria, badina ia be lauegu natuna.

HOSEA 11:1 Iomraidhean Croise

MATAIO 2:15

Unuseni idia noho, ela bona Heroda ia mase. Unai dainai Lohiabada ese peroveta tauna ena uduna dekena amo ia gwauraia herevana ia momokani vadaeni. Ia gwau, “Aigupito dekena amo lauegu Natuna lau boiria.”

ESODO 4:22

Vadaeni Farao dekenai dohore oi hamaoroa, oi gwau, ‘Lohiabada be inai bamona ia gwau: Israela be egu vara guna natuna tau.

HOSEA 13:4

Lohiabada ia gwau, “Lau be Lohiabada, emui Dirava. Aigupito dekena amo umui lau hakaua mai. Emui Dirava idauna ta be lasi, lau sibona. Lau sibona be emui hamauria Tauna.

HOSEA 2:15

Lau ese iena vain uma do lau henia lou, bona Hekwarahi ena Koura be lau ese do lau senisia, vadaeni nega namona naria laloa ena gabu do lau halaoa. Inai gabu dekenai, ia ese lau do ia ura henia, guna ia be kekeni neganai bamona, Aigupito dekena amo ia mai neganai.

IEREMIA 2:2

“Oi lao, Ierusalema taudia ibounai inai bamona do oi hamaoroa, oi gwau: Ierusalema e, oiemu lalokau, oi be eregabe neganai, bona oiemu ura henia, ita headava matamata neganai, be lau laloa noho. Oi ese tano kaukau dekenai lauegu murinai oi raka. Unai tano be taunimanima ese, uhe idia hadoa diba lasi tanona.

MALAKI 1:2

Lohiabada ese iena bese dekenai ia hereva, ia gwau, “Lau ese nega daudau umui lau lalokau henia vadaeni.” To Israela taudia idia haere, idia gwau, “Oiemu lalokau be edena bamona ai dekenai oi hedinaraia?” Lohiabada ia haere, ia gwau, “Esau be Iakobo ena kakana lasi, a? To lau ese Iakobo mai iena tubuna taudia lau lalokau henia vadaeni.

HOSEA 12:13

Lohiabada ese peroveta tauna ta ia siaia lao, Israela taudia Aigupito dekena amo do ia hakaua mai totona, bona peroveta tauna dekena amo, Lohiabada ese Israela taudia ia naridia bona hamauridia.

ESEKIELA 16:6

“Unai neganai lau be unai gabu lau raka hanaia, bona oi lau itaia, oiemu rara lalonai oi hekure noho. Rara ese oi ia koua, to lau ese oi lau hamaoroa, lau gwau, ‘Do oi mauri.’

DEUTERONOMI 7:7

“Lohiabada ese umui ia lalokau henia, bona umui ia abia hidi, umui be bese badana dainai, a? Lasi, bese ibounai edia huanai umui be maragi herea.

HOSEA 12:9

To Israela taudia e, lau be Lohiabada, emui Dirava. Lau ese Aigupito dekena amo umui lau hakaua mai. Lau ese Au Raurau Ruma Maragidia dekenai, umui lau hanohoa lou noho, bona lagani ta ta ibounai umui laloa, lau be umui dekenai lau mai, tano kaukau dekenai palai ruma lalonai umui noho neganai.

ESODO 4:23

Unai dainai lau hereva oi dekenai, lauegu natuna oiemu imana dekena amo oi negea, lau do ia tomadiho henia totona. To bema oi dogoatao noho, oiemu vara guna natuna tau dohore lau alaia mase.’ ”

SALAMO 129:1

Israela e, ai dekenai oiemu sivarai do oi hadibaia, oi dekenai idia tuari henia taudia ese, nega daudau oi idia hadikaia vadaeni. Oi be mero neganai ia mai bona harihari, unai bamona idia karaia.

IEREMIA 12:7

Lohiabada ia gwau, “Lau ese Israela lau rakatania vadaeni. Egu abia hidi besena lau negea vadaeni. Lau lalokau henia besena, be idia hadikaia gwauraia taudia edia siahu henunai lau atodia vadaeni.

HOSEA 10:15

Israela taudia e, unai bamona umui dekenai do idia karaia, emui kara dika bada herea dainai. Daba rere, tuari ia matamaia neganai, Israela ena king be do idia alaia mase momokani.”

ESODO 19:4

‘Aigupito taudia dekenai edena bamona lau karaia gaudia umui itaia vadaeni. Umui diba danu edena bamona lau abia mai umui, ugava manu ese iena hanina latanai iena natuna maragi ia abia mai bamona. Vadaeni umui lau hakaua mai inai gabu dekenai, bona lau dekenai umui noho inai.

DEUTERONOMI 33:3

Momokani, Lohiabada ese iena bese ia lalokau henia noho. Iena helaga taudia ia hanamodia noho. Unai dainai ita ese Lohiabada ena aena dekenai, ita tomadiho henia noho, iena Taravatu ita kamonai henia.

ISAIA 43:4

Badina be umui emui davana be bada herea lau dekenai. Lau ese umui lau matauraia noho, bona umui lau ura henia noho. Unai dainai bese idauidau momo do lau negea, umui do lau hamauria totona.

ESEKIELA 16:22

Oiemu kara dika rohorohodia bona oiemu ariara karadia ibounai oi karaia neganai, oi be oiemu maragi negana oi laloa lasi. Oi be dabua lasi neganai, bona oiemu rarana lalonai oi hekure negana, be nega ta oi laloa lasi.”