FILIPI 4:9 - Buka Helaga (Hiri Motu) 1993

⁹ Lau dekena amo umui davaria gaudia, egu hadibaia hereva bona egu kara danu, inai sibona do umui karaia. Bona maino ia henia Dirava be umui danu do ia noho.

FILIPI 4:9 Iomraidhean Croise

ISAIA 41:10

Do umui gari lasi, lau be umui dekenai lau noho! Lau be umui emui Dirava, gau ta ese umui do ia hagaria lasi. Lau ese umui do lau hagoadaia, bona umui do lau durua. Lau ese umui do lau naria, bona umui do lau hamauria.

ISAIA 8:10

Do umui tuari dalana do umui laloa, to emui laloa gauna ena anina do ia vara lasi. Emui palani do umui herevalaia momo, to do umui kwalimu diba lasi, badina Dirava be ai dekenai ia noho.

MATAIO 1:23

“Umui kamonai, tau ia diba lasi kekeni ese ena natuna do ia abia, mero ta. Iena ladana do idia atoa, Emanuela.” Emanuela ena anina be, “Dirava ita dekenai ia noho.”

MATAIO 28:20

Bona idia dekenai do umui hadibaia, umui dekenai lau henia hereva ibounai be do idia badinaia. Bona do umui kamonai bona laloa noho, lau be hanaihanai umui danu ita noho ela bona tanobada dokona.”

MATAIO 7:21

“Guba Basileia do idia vareai taudia be daika? ‘Lohiabada e, Lohiabada e,’ idia gwau taudia ibounai, a? Lasi momokani. Idia gwau, ‘Lohiabada e, Lohiabada e,’ taudia momo be Guba Basileia lalonai do idia raka vareai lasi. To lauegu Tamana, guba dekenai ia noho ena ura idia karaia taudia, idia sibona do idia vareai.

LUKA 6:46

“Umui be badina dahaka umui gwauraia lau dekenai, umui gwau, ‘Lohiabada e, Lohiabada e,’ to egu hereva umui karaia lasi?

LUKA 8:21

Vadaeni ia ese ia haere idia dekenai, ia gwau, “Egu sinana bona egu tadina be inai: Dirava ena hereva idia kamonai bona karana idia karaia taudia.”

IOANE 13:17

Inai bema umui diba, bona bema umui karaia, be do umui namo.

IOANE 15:14

Lauegu taravatu do umui badinaia, unai dekena amo lauegu turana do umui lao.

IOANE 2:5

Vadaeni iena sinana ese hesiai gaukara taudia dekenai ia hamaoroa, ia gwau, “Umui dekenai ia hamaoroa gauna be do umui karaia.”

APOSETOLO EDIA KARA 9:6

To oi toreisi, hanua lalonai oi raka vareai, unuseni tau ta ese oi do ia hamaoroa dahaka do oi karaia.”

ROMA 15:33

Maino ia henia Diravana lau noia, ia ese umui dekenai do ia noho. Amen.

ROMA 16:20

Nega sisina iseda maino ia havaraia Diravana ese Satani do ia moia diho momokani, umui emui aena henuna dekenai. Dirava lau noia, iseda Lohiabada Iesu Keriso ena hariharibada do ia hedinaraia noho umui dekenai.

1 KORINTO 10:31

Egu haere be inai: Umui aniani o umui inuinu, o dahaka dahaka umui karaia neganai, inai gau ibounai do umui karaia Dirava hanamoa totona.

1 KORINTO 14:33

Badina be Dirava be ia ura lasi hereva kava bona heai, ia be maino Diravana.

1 KORINTO 4:16

Unai dainai, umui lau noia, lauegu kara bamona do umui karaia.

2 KORINTO 13:11

Lauegu varavara e, hereva dokona be inai: Do umui moale, do umui namo momokani, do umui goada, do umui laloa tamona, maino lalonai do umui noho. Bona lalokau bona maino ena Dirava ese umui danu do ia noho.

DEUTERONOMI 5:1

Mose ese Israela taudia ibounai ia boiria hebou, ia haroro henia, ia gwau, “Israela taudia e, umui kamonai! Inai taravatu bona oda, hari dina do lau gwauraia, be do umui kamonai namonamo. Taravatu ta ta ibounai do umui laloa namonamo, bona idia do umui badinaia momokani.

FILIPI 3:17

Lauegu varavara e, lauegu kara bamona do umui karaia. Bona aiemai kara bona hereva idia badinaia taudia do umui kamonai henidia.

FILIPI 4:7

Dirava ena maino ese taunimanima edia diba ia hanaia momokani. Keriso Iesu umui danu ia hakapua tamona dainai, inai maino ese emui laloa gaudia, bona emui kudouna idia mamia gaudia ibounai do ia gimaia namonamo.

1 TESALONIKA 1:6

Umui ese aiemai mauri dalana umui itaia, vadaeni aiemai mauri dala bamona umui noho, Lohiabada danu bamona umui noho. Umui ese Dirava ena hereva umui abia dae, vadaeni unai murinai taunimanima ese nega momo umui idia hisihisi henia. To Lauma Helaga ese iena moale ia henia umui dekenai.

1 TESALONIKA 2:14

Aiemai varavara taudia e, umui be hegeregere Dirava ena ekalesia oreadia Iudea dekenai bamona, Keriso Iesu ena orea taudia unai gabu dekenai. Badina be Iuda taudia ese unai ekalesia idia hisihisi henia hegeregerena, umui emui bese taudia danu ese umui idia hisihisi henia vadaeni.

1 TESALONIKA 5:23

Maino ena Dirava ese umui do ia hahelagaia. Emui lalona bona emui laumana bona emui tauanina be ia ese do ia naria noho. Mai kerere ta lasi danu do umui noho, ela bona iseda Lohiabada Iesu Keriso do ia giroa mai.

2 TESALONIKA 3:4

Ai be Lohiabada ai abidadama henia dainai, ai ese umui danu ai abidadama henia. Ai diba momokani, umui dekenai ai hadibaia hereva be umui karaia noho, bona do umui karaia noho.

2 TIMOTEO 4:22

Lohiabada ese oiemu lauma dekenai do ia noho. Dirava ena hariharibada umui ibounai dekenai do ia noho.

IAMESI 1:22

To Dirava ena hereva do umui kamonai kava lasi, to umui badinaia danu. Bema umui kamonai kava, umui sibona umui koia noho.

2 PETERO 1:10

Lauegu varavara taudia e, Dirava ese umui ia boiria, bona umui ia abia hidi vadaeni. Unai dainai do umui gaukara goada, inai boiboi, bona inai abia hidi do umui hamomokania totona. Badina unai bamona umui karaia neganai, emui abidadama dekena amo do umui moru lasi.

1 IOANE 3:22

Vadaeni do ita noia gaudia ibounai be ia ese ita dekenai do ia henia. Badina be iena taravatu ita badinaia noho, bona ia do ita hamoalea karadia ita karaia noho dainai.