FILIPI 4:8 - Buka Helaga (Hiri Motu) 1993

⁸ Lauegu varavara taudia e, lauegu hereva orena be inai. Inai bamona karadia sibona do umui laloa: Kara namodia, taunimanima edia ladana idia hanamoa karadia, momokani karadia, bogahisihisi henia karadia, kara maoromaoro, kara goevagoeva, lalokau karadia, bona taunimanima namodia matauraia karadia.

FILIPI 4:8 Iomraidhean Croise

GENESE 18:19

Lau ese ia lau abia hidi, ia ese iena natudia bona iena tubudia dekenai lauegu taravatu do ia hadibaia namonamo totona. Vadaeni idia ese lauegu taravatu do idia kamonai henia, kara maoromaoro bona kara namona dekenai. Inai murinai lauegu gwauhamata ibounai do lau hamomokania ia dekenai.”

2 SAMUELA 1:23

“Saulo bona Ionatana, mai edia lalokau, bona mai edia sivarai namo. Mauri lalonai, bona mase lalonai danu idia noho hebou. Ugava manu ena haraga be idia hereaia, laiona ena goada be idia hereaia.

2 SAMUELA 23:3

Israela ena Dirava be ia hereva vadaeni. Israela ia gimaia Diravana ese lau dekenai ia hereva, ia gwau: ‘Taunimanima ia biagua namonamo king tauna, bema ia ese taunimanima ia biagua mai maoromaoro danu, Dirava ena hereva hegeregere neganai,

SALAMO 82:2

Ia gwau, “Umui ese kota hereva do umui hagagevaia noho ela bona edena negai? Umui ese kara dika taudia do umui durua noho ela bona edena negai?

AONEGA HEREVADIA 11:1

Metau sikele koikoidia idia gaukaralaia noho taudia, be Lohiabada ese ia badu henidia noho, to sikele maoromaorodia dekenai Lohiabada ia moale noho.

AONEGA HEREVADIA 12:4

Hahine namona ese iena adavana dekenai, matauraia bona moale ia henia noho, to iena adavana dekenai hemarai ia havaraia hahine ese, iena tau ia hisihisi henia noho, turia hamanokaia gorere bamona.

AONEGA HEREVADIA 16:11

Lohiabada ia ura gau edia bada, bona edia metau tohoa sikele, be do idia maoromaoro momokani. Hoihoi kara ibounai danu, ia ura be mai maoromaoro bona momokani danu.

AONEGA HEREVADIA 20:7

Bema tamana ta be kara maoromaoro tauna, bona iena kara ibounai, be mai laloa maoromaoro danu ia karaia neganai, unai tau ena natuna taudia, be mai moale danu do idia noho.

AONEGA HEREVADIA 31:10

Hahine namona be daika ese ia davaria diba? Iena namo ese davana bada herahera nadi, edia namo ia hereaia noho.

AONEGA HEREVADIA 31:29

Ia gwau, “Hahine momo edia kara be namo, to oi sibona ese idia ibounai oi hereaia noho.”

AONEGA HEREVADIA 31:31

Unai hahine do umui hanamoa, bona davana namona do umui henia. Taunimanima ibounai ese ia do idia matauraia be namo.

SOLOMONA ENA ANE 5:16

Iena hereva be gaiho namo herea. Lau ese ia lau ura henia noho, bada momokani. Ierusalema hahine taudia e, egu lalokau tauna be unai. Egu turana be unai.

ISAIA 26:7

Lohiabada e, kara maoromaoro taudia edia dala do oi hamanadaia, vadaeni idia raka noho dalana be palaka momokani.

MATAIO 22:16

Vadaeni edia diba tahua taudia, Heroda ena orea taudia danu, Iesu dekenai idia siaidia lao, idia gwau, “Hadibaia tauna e, ai diba oi be momokani tauna, Dirava ena dala oi hadibaia mai momokani danu, tau ta dekenai oi gari lasi, badina be taunimanima edia laloa dekenai oi laloa momo lasi.

MAREKO 6:20

badina be Heroda ia gari Ioane dekenai. Ia gari, badina be ia diba Ioane be kara maoromaoro tauna, bona helaga tauna, bona Heroda ese Ioane ia naria namonamo. Nega momo Ioane ena hereva be Heroda ia kamonai, bona ia daradara momo, to ia ura dikadika ia kamonaia.

LUKA 16:15

Vadaeni ia gwau henia idia dekenai, ia gwau, “Umui be taunimanima edia vairana dekenai umui sibona dekenai umui hanamoa, to Dirava be emui lalona ia diba. Badina be taunimanima ese idia hanamoa gaudia be Dirava ese ia ura henia lasi.

LUKA 2:25

Tau ta Ierusalema dekenai ia noho, iena ladana be Simeona. Ia be kara maoromaoro tauna bona Dirava dekenai ia gari tauna. Ia be Israela dekenai Hamauria Tauna ia naria noho, bona ia be Lauma Helaga ese ia hahonua.

LUKA 23:50

Kaunsolo tauna ta, ena ladana be Iosepa, kara maoromaoro tauna, ia noho.

IOANE 7:18

Sibona ena ura herevadia ia gwauraia tauna be sibona dekenai hanamoa dala ia tahua, to ia siaia Diravana dekenai hanamoa dala ia tahua tauna be momokani tauna, bona iena lalona dekenai koikoi ia noho lasi.

APOSETOLO EDIA KARA 10:22

Idia haere, idia gwau, “Korenelio, tuari taudia edia kapena, ia be kara maoromaoro bona Dirava dekenai gari tauna. Iuda taudia ibounai idia gwau ia be tau namona. Aneru helagana ta ese Dirava ena hereva Korenelio dekenai ia hamaoroa, ia gwau, ‘Oi ese Petero do oi boiria mai oiemu ruma dekenai, bona iena hereva do oi kamonai.’ ”

APOSETOLO EDIA KARA 22:12

“Unuseni tau ta ia noho, ladana be Anania. Ia be Dirava dekenai gari, bona iseda taravatu laloa momo tauna. Iuda taudia ibounai Damaseko dekenai idia gwau ia be tau namona ta.

APOSETOLO EDIA KARA 6:3

Aiemai varavara e, umui emui huanai tatau 7 umui abia hidi, ladana namo taudia, Lauma Helaga bona aonega dekenai idia honu taudia, idia dekenai inai gaukara do ita henia.

ROMA 13:13

Iseda kara do ita naria namonamo, iseda raka be dina dekenai do ita raka. Do ita lebulebu lasi, do ita inua kekero lasi, do ita heudahanai lasi, do ita sihari kava lasi, do ita heai lasi, do ita mama lasi.

ROMA 13:3

Badina be kara namo tauna ese gavamani dekenai ia gari lasi, to kara dika tauna sibona be ia gari. Oi ura be gavamani ena siahu dekenai do oi gari lasi, a? Be kara namo do oi karaia, vadaeni gavamani ese oi do ia hanamoa.

ROMA 14:18

Bona Keriso ena hesiai gaukara inai bamona ia karaia noho tauna ese Dirava ena moale bona taunimanima edia hanamoa do ia abia.

ROMA 2:29

To tau ta be Iuda tauna korikori bema iena lalona dekenai ia be Iuda tauna. Iena kopina utua kara korikori danu be iena kudouna lalonai ia vara gauna, kopina gauna sibona lasi. Inai be taunimanima idia torea taravatuna badinaia gauna lasi. Lasi, inai be Dirava ena Lauma ese ia havaraia gauna. Oibe, inai bamona tauna, iena kudouna be Dirava ena, bona Dirava ese ia do ia hanamoa, to taunimanima ese sedira ia do idia hanamoa lasi.

1 KORINTO 4:5

Unai dainai tau ta do umui gwauraia kerere haraga lasi. Naria ela bona Lohiabada do ia mai. Ia ese dibura lalonai idia hunia gaudia be diari lalonai do ia hedinaraia, ma ia ese taunimanima edia hunia laloa do ia hedinaraia. Bona unai neganai tau ibounai ese Dirava ena hanamoa hereva do idia abia, edia kara hegeregerena.

2 KORINTO 13:7

Dirava ai noia noho, ia ese umui do ia durua, vadaeni do umui kara dika lasi. Inai bamona ai ura, haida ese aiemai gaukara idia hanamoa totona, a? Lasi momokani. Badina be aiemai ura korikori be inai: Umui be kara maoromaoro taudia momokani. Bona umui be inai bamona neganai, haida ese bema ai idia gwauraia kerere, be do ai laloa lasi.

2 KORINTO 6:8

Haida ese ai idia hanamoa, haida ese ai idia hahemaraia. Haida idia gwau aiemai kara be dika, haida idia gwau ai be kara namo taudia. Haida idia gwau ai be koikoi taudia, to hereva momokani ai gwauraia.

2 KORINTO 8:18

Iseda varavara tauna ta ia danu umui dekenai do ai siaia. Ia be ekalesia orea ibounai ese iena kara namona idia herevalaia. Sivarai Namona ia harorolaia goadagoada danu.

2 KORINTO 8:21

Aiemai ura tamona be do ai gaukara maoromaoro, Dirava ena vairanai bona taunimanima edia vairanai danu.

GALATIA 5:22

To Lauma Helaga ese inai bamona karadia ia havaraia: Lalokau, moale, maino, haheauka, bogahisihisi, kara maoromaoro, abidadama momokani kara,

EFESO 4:25

Unai dainai hereva koikoi do umui hadokoa momokani. Umui ibounai ta ta dekenai hereva momokani do umui gwauraia, badina ita ibounai be Keriso ena tauanina tamona ena kahana taudia.

EFESO 5:9

Badina be diari ese inai bamona gau namodia ia havaraia: Kara namodia, kara maoromaoro, bona hereva momokani.

EFESO 6:14

Vadaeni do umui gini goada, emui gabana dekenai hereva momokani ena beleta dekena amo do umui hagegea. Emui kemena dekenai kara maoromaoro ena auri dabuana do umui kwatua.

DEUTERONOMI 16:20

“Kara maoromaoro momokani sibona do umui karaia noho, vadaeni do umui mauri noho, bona Lohiabada emui Dirava ese umui dekenai do ia henia tano be emui tano korikori do ia halaoa.

FILIPI 3:1

Vadaeni, lauegu varavara e, Lohiabada lalonai umui noho dainai, do umui moale. Inai hereva tamona umui dekenai lau torea lou, torea lou, lau hesiku lasi. Badina be inai bamona moale ese umui do ia hamauria.

KOLOSE 4:5

Keriso idia do abidadama henia lasi taudia edia vairana dekenai, kara namodia mai aonega danu do umui karaia. Bona umui dekenai nega ia noho gauna do umui gaukaralaia namonamo.

1 TESALONIKA 4:12

Inai dala dekenai Keristani lasi taudia do idia gwau, “Inai Keristani taudia be taunimanima namodia.” Bona emui aniani ia noho dainai, haida edia aniani do umui noia lasi.

1 TIMOTEO 2:2

King taudia totona, bona lohia taudia ibounai totona danu, Dirava dekenai do umui noinoi. Unai dekena amo, Dirava ita badinaia bona matauraia dainai, mai maino danu do ita noho namonamo.

1 TIMOTEO 3:11

Edia adavana danu, be do idia kara maoromaoro hahine taudia. Do idia hereva dika lasi, do idia inuinu momo lasi, bona mai edia laloa maoromaoro danu do idia noho, edia kara ibounai lalonai.

1 TIMOTEO 3:4

Iena ruma taudia, adavana bona iena natuna do ia biagua namonamo. Iena natuna ese ia do idia kamonai henia bona matauraia.

1 TIMOTEO 4:12

Ibounai do idia itaia oi be tau matamata, to do oi naria, ta ese oi be anina lasi gauna do ia gwauraia garina. Lasi, to oiemu noho mauri dekenai, Keriso ena kara do oi hedinaraia. Vadaeni oiemu hereva namona, kara namona, lalokau, abidadama bona laloa goevagoeva idia itaia neganai, oiemu kara bamona do idia karaia.

1 TIMOTEO 5:10

iena kara namodia dainai be taunimanima ese idia hanamoa. Ia ese iena natuna ia naridia namonamo. Ia ese idau taudia dekenai aniani ia henia. Ia ese Dirava ena taudia edia aena ia huria. Ia ese hisihisi taudia ia durua, bona kara namodia ibounai ia goadalaia. Unai bamona vabu sibona edia ladana unai pepa dekenai do oi torea.

1 TIMOTEO 5:2

Hahine badadia do oi hereva henia, idia be oiemu sinana bamona. Kekeni taudia do oi hereva henia, oiemu taihuna do oi hereva henia bamona, mai oiemu laloa goevagoeva danu.

TITO 1:8

Ia ese idau taudia iena ruma dekenai do ia abia dae. Ia ese kara namodia do ia ura henia. Ia be aonega tauna, kara maoromaoro tauna, helaga tauna, bona ia sibona ena tauanina do ia naria bona biagua diba tauna.

TITO 2:14

Keriso ese iena mauri ia henia ita dainai, kara dika ibounai dekena amo ita do ia hamauria totona. Badina be ia ura orea tamona ita do ia halaoa, ia sibona ena orea, do ita goevagoeva, bona iena kara namodia do ita karaia totona.

TITO 2:2

Tatau badadia do oi hadibaia, do idia kekero lasi, do idia laloa maoromaoro, bona mai edia bogahisihisi karadia do idia noho. Ma abidadama dekena amo, lalokau dekena amo, bona haheauka dekena amo do idia gini goada.

TITO 2:7

Bona oi sibona danu kara namodia do oi hedinaraia, unai eregabe taudia ese oiemu kara bamona do idia karaia totona. Mai oiemu momokani bona laloa maoromaoro danu, hereva momokani idia dekenai do oi hadibaia.

TITO 3:14

Iseda Keristani taudia ibounai, namona be kara namodia dekenai do idia manada, bona gau lasi taudia do idia durua. Namo lasi idia noho kava, to durua karadia do idia karaia noho.

HEBERU 11:2

Edia abidadama dainai, Dirava ese sene taudia ia hanamoa.

HEBERU 13:18

Umui ese ai totona do umui guriguri noho, badina ai laloa aiemai kudouna ena laloa be maoromaoro, Dirava ena vairanai. Bona ai ura be nega ibounai kara maoromaoro do ai karaia.

IAMESI 1:27

To Keristani tauna ena kara goevagoeva bona momokani, Tamana Dirava ena vairanai be inai: Bema tamana bona sinana lasi maragidia bona vabu be mai edia hisihisi, ia ese do ia naridia. Bona tanobada ena kara mirodia dekena amo do ia raka siri.

IAMESI 3:17

To Dirava dekena amo aonega ia abia tauna ena kara ginigunana be inai: Ia laloa goevagoeva. Ma iena kara haida be inai: Mai ena maino, laloa manada bona gado namo. Ia be mai ena bogahisihisi, bona kara namodia momo ia havaraia noho. Ia be maka tamona dekena amo taunimanima ibounai ia kara henidia, edia toana dekena amo lasi. Ma inai tau be Keristani koikoi tauna lasi.

1 PETERO 1:22

Umui ese hereva momokani umui badinaia dainai, umui ese sibona emui laumadia umui hagoevaia vadaeni, bona emui Keristani varavara umui lalokau henidia noho. Umui ta ta do umui lalokau henia, mai emui lalona ibounai.

1 PETERO 2:12

To Dirava idia diba lasi taudia edia vairanai, kara namodia do umui karaia. Momokani, hari idia ese umui idia gwauraia kerere noho. To bema emui kara namodia idia itaia neganai, idia ese Dirava do idia hanamoa, Keriso do ia giroa mai dinana dekenai.

1 PETERO 4:8

To gau badana momokani be inai: Umui ta ta dekenai do umui lalokau henia, mai emui lalona ibounai. Badina be lalokau tauna be Dirava ese iena kara dika momo do ia gwauatao.

2 PETERO 3:1

Lauegu lalokau taudia e, inai be lauegu revareva iharuana umui dekenai. Lauegu revareva ruaosi edia badina be inai: Umui emui lalodia do lau hagoadaia. Vadaeni mai emui laloa maoromaoro danu, lauegu hadibaia hereva ma do umui laloa lou.

1 IOANE 3:18

Lauegu natuna e, iseda lalokau be hereva gauna sibona lasi. Namo ita lalokau henia, hereva sibona dekena amo lasi, to mai kara, bona mai momokani danu.

1 IOANE 3:3

Keriso idia naria noho mai abidadama danu taudia ibounai ese idia sibodia edia lalona idia hagoevaia noho, Keriso ia goeva hegeregerena.

1 IOANE 4:1

Lauegu lalokau taudia e, peroveta koikoi taudia momo be tanobada kahana ibounai dekenai idia lao noho. Unai dainai, bema taunimanima idia gwau, “Lau be Lauma Helaga lau abia vadaeni,” do umui naria namonamo. Idia ibounai do umui hamomokania lasi. To unai tau do umui tohoa guna, do umui davaria, Dirava ena Lauma ia abia momokani, o lasi.

RUTA 3:11

Unai dainai, lauegu natuna e, oi gari lasi, oiemu noinoi hegeregerena oi dekenai do lau henia, badina be lauegu hanua taudia ibounai idia diba oi be hahine namona.