FILIPI 4:7 - Buka Helaga (Hiri Motu) 1993

⁷ Dirava ena maino ese taunimanima edia diba ia hanaia momokani. Keriso Iesu umui danu ia hakapua tamona dainai, inai maino ese emui laloa gaudia, bona emui kudouna idia mamia gaudia ibounai do ia gimaia namonamo.

FILIPI 4:7 Iomraidhean Croise

IOANE 14:27

“Maino umui dekenai lau rakatania, lauegu maino lau henia umui dekenai. Tanobada ese ia henia maino bamona lasi, be lau ese lau henia umui dekenai. Umui laloa hekwarahi lasi, bona umui gari lasi.

ISAIA 26:3

Tau ta, bema oi Lohiabada dekenai ia laloa noho nega ibounai, oi ese maino namo herea ia dekenai do oi henia, badina be ia ese oi dekenai ia abidadama henia noho.

2 TESALONIKA 3:16

Lohiabada, iseda maino ena badina korikori, ese nega ibounai emui mauri ta ta lalonai, lalo namo do ia henia. Lohiabada be umui ibounai dekenai do ia noho.

KOLOSE 3:15

Keriso ena maino nega ibounai do umui abia noho emui kudouna lalonai, vadaeni do umui laloa karaia neganai, be do umui laloa maoromaoro. Badina be Dirava ese inai maino umui abia totona umui ia boiria, tauanina tamona do umui lao. Bona Dirava do umui tanikiu henia.

SALAMO 29:11

Lohiabada ese iena bese taudia dekenai goada ia henia noho, bona ia ese iena orea taudia, be maino dekena amo ia hanamodia noho.

GALATIA 5:22

To Lauma Helaga ese inai bamona karadia ia havaraia: Lalokau, moale, maino, haheauka, bogahisihisi, kara maoromaoro, abidadama momokani kara,

ROMA 15:13

Dirava be iseda abidadama ena badina korikori dainai ia dekenai ita naria noho. Ia ese umui emui abidadama dainai, moale momokani bona maino momokani do ia henia umui dekenai. Inai dainai umui ese Dirava ena nega namona umui naria dalana, be do ia tubu daekau noho, Lauma Helaga ena siahu dekena amo.

IOANE 16:33

Inai hereva lau hamaoroa vadaeni umui dekenai, egu lalona dekenai maino do umui abia totona. Tanobada dekenai umui be hisihisi do umui abia. To, do umui goada noho, badina be lau ese tanobada lau halusia vadaeni.”

ROMA 8:6

Tauanina dekenai oi laloa, be mase oi davaria, to Lauma Helaga dekenai oi laloa, be mauri bona maino oi davaria.

ROMA 5:1

Iseda abidadama dainai, Dirava ese maoromaoro taudia ita ia gwauraia vadaeni. Unai dainai Dirava danu maino ita abia, Iesu Keriso iseda Lohiabada dainai.

EFESO 3:19

Oibe, lau ura Keriso ena lalokau do umui diba. Unai lalokau ese diba ibounai ia hereaia. Dirava lau noia, umui ese Keriso ena lalokau do umui diba momokani, unai neganai iena gau namodia dekenai ia honu dekena amo Dirava ese umui do ia hahonua.

ISAIA 48:18

Egu oda hereva bema umui kamonai henia neganai, emui noho be do ia namo, mai maino danu, sinavai hegeregerena, bona emui kara maoromaoro be goada, davara ena hurehure bamona.

IOBU 22:21

“Iobu e, Dirava danu maino do oi karaia, bona iena ura do oi karaia. Unai neganai Dirava ese oi do ia hanamoa.

ROMA 14:17

Badina Dirava ena Basileia be aniani gauna lasi o inuinu gauna lasi, to kara maoromaoro, bona maino, bona moale, Lauma Helaga ese ia henia gaudia.

ISAIA 48:22

Lohiabada ia gwau, “Kara dika taudia dekenai maino ia noho lasi.”

APOKALUPO 1:4

Lau Ioane ese, umui ekalesia orea 7 Asia dekenai inai hereva lau torea noho inai. Dirava be harihari ia noho, gunaguna ia noho, bona gabeai danu do ia mai. Ia dekena amo hariharibada bona maino do umui abia. Dirava ena helai gabuna badana ena vairanai idia noho laumadia 7 dekena amo danu, hariharibada bona maino do umui abia,

LUKA 1:79

Dibura lalonai, bona kahirakahira idia mase taudia dekenai, unai diari do ia henia. Bona ia ese maino ena dala namona dekenai ita do ia hakaua.”

2 KORINTO 13:11

Lauegu varavara e, hereva dokona be inai: Do umui moale, do umui namo momokani, do umui goada, do umui laloa tamona, maino lalonai do umui noho. Bona lalokau bona maino ena Dirava ese umui danu do ia noho.

NUMERA 6:26

Lohiabada ese umui do ia bogahisihisi henia, bona maino umui dekenai do ia henia.”

LUKA 2:14

“Ataiai momokani guba dekenai Dirava do ita hanamoa, bona tanobada dekenai be maino, Dirava idia hamoalea taudia ese inai maino do idia abia.”

SALAMO 85:8

Lohiabada Dirava ena hereva lau kamonai noho. Ia gwau ia ese maino be ai dekenai, iena bese korikori taudia dekenai, do ia henia, bema ai ese guna ai karaia kavakava karadia, be do ai karaia lou lasi.

FILIPI 4:9

Lau dekena amo umui davaria gaudia, egu hadibaia hereva bona egu kara danu, inai sibona do umui karaia. Bona maino ia henia Dirava be umui danu do ia noho.

AONEGA HEREVADIA 6:22

Oi raka loaloa neganai, inai edia hereva ese oi do idia hakaua. Do oi hekure neganai, edia sisiba ese oi do idia naria. Oi noga neganai, idia ese oi dekenai do idia hereva henia.

ISAIA 26:12

Lohiabada e, oi ese ai durua totona maino oi henia noho, bona ai karaia namonamo gaudia ibounai, be oi ese oi havaraia noho.

AONEGA HEREVADIA 4:6

Aonega do oi rakatania lasi, bona ia ese oi do ia naria. Aonega do oi ura henia, bona ia ese oi do ia gimaia.

ROMA 1:7

Umui Roma dekenai noho taudia, Dirava ese umui ia lalokau henia, bona iena bese lalonai umui noho totona umui ia boiria vadaeni, umui dekenai inai revareva lau torea inai. Lau ura be Dirava iseda Tamana bona Lohiabada Iesu Keriso ese bogahisihisi bona maino umui dekenai do idia henia.

AONEGA HEREVADIA 2:11

Oiemu laloa kehoa bona oiemu diba maoro ese, oiemu mauri do idia naria namonamo,

NEHEMIA 8:10

Nehemia ia gwau, “Umui emui ruma dekenai do umui lao, aniani namona do umui ania, uaina do umui inua. Bona edia aniani bona uaina be lasi taudia dekenai aniani bona uaina do umui henia. Badina hari dina be helaga, iseda Lohiabada ena dina. Unai dainai do umui lalohisihisi lasi, badina be Lohiabada dainai ita moale neganai, goada do ita abia.”

IEREMIA 33:6

“To lau ese inai hanua Ierusalema ma do lau hanamoa lou, bona ena taudia be do lau hagoadaia lou. Lau ese maino momokani, bona noho namo idia dekenai do lau henia bada.

ISAIA 45:7

Diari lau karaia noho, bona dibura lau havaraia noho. Namo lau karaia noho, bona dika danu lau havaraia noho. Lau be Lohiabada, inai kara ibounai lau karaia noho.

HEBERU 13:20

Dirava be maino ena badina momokani. Ia ese iseda Lohiabada Iesu mase dekena amo ia hatorea isi lou. Iesu be Mamoe Naria Tauna Badana, badina be ia ese Dirava ena noho hanaihanai gwauhamata ia hamomokania vadaeni. Oibe, Iesu ese unai Dirava ena gwauhamata badana ia hamomokania. Badina be inai: Ia sibona ena rarana, boubou gauna bamona, ia bubua diho dainai.

IOBU 34:29

To bema Dirava ese, kara ta ia karaia lasi neganai, daika ese ia do ia gwauraia kerere diba? Bema Dirava ese iena vairana ia hunia neganai, taunimanima be mai edia durua tauna ta lasi.

APOKALUPO 2:17

“Mai ena taiana tauna, namona be Lauma Helaga ena hereva ekalesia oreadia dekenai do ia kamonai! “Kwalimu taudia dekenai mana haida, guba dekena amo ia mai aniani, hunia gauna do lau henia. Bona nadi kurokurona ta idia ta ta dekenai do lau henia. Unai nadi dekenai be ladana matamata ta ia torea, tau ta ia diba lasi gauna. Abia tauna sibona do ia diba.”

IUDA 1:1

Lau Iuda, lau be Iesu Keriso ena hesiai tauna, bona Iamesi ena tadina. Umui, Dirava ese umui ia abia hidi taudia dekenai inai revareva lau torea. Umui be Tamana Dirava ese ia lalokau henia, bona Iesu Keriso ese umui ia naria noho.

FILIPI 1:2

Ai ura be Dirava iseda Tamana bona Lohiabada Iesu Keriso ese hariharibada bona maino umui dekenai do idia henia.

IEREMIA 32:16

Unai tano biaguna pepa be Baruku Neraia dekenai lau henia murinai, lau ese Lohiabada dekenai lau guriguri, lau gwau,

2 KORINTO 10:5

Hepapahuahu hereva koikoi ai koua noho. Bona Dirava ena diari idia tahua taudia edia dala koua gwauraia taudia danu ai koua noho. Ma inai danu, ai ese taunimanima edia laloa ai guia noho, Keriso do idia kamonai henia totona.

FILIPI 1:1

Paulo bona Timoteo, ai be Keriso Iesu ena hesiai taudia, ai ruaosi inai revareva ai torea inai. Leta be umui Dirava ena taudia Filipi dekenai, umui Keriso Iesu lalonai umui noho taudia, mai emui gunalaia taudia bona durua taudia dekenai danu.

FILIPI 4:19

Egu Dirava be mai ena kohu namodia momo herea, Keriso Iesu ena hairai diarina dainai. Unai Keriso lalonai ia abia gau namodia momo dekena amo, Dirava ese umui dekenai hegeregere lasi gaudia ibounai, be umui dekenai do ia henia, hegeregere momokani.

FILIPI 4:21

Keriso Iesu ena taudia ibounai, Dirava ena orea lalonai umui noho, umui ibounai dekenai egu hanamoa lau siaia inai. Keristani varavara taudia, lau danu iniseni idia noho ese edia hanamoa idia siaia danu.