FILIPI 4:6 - Buka Helaga (Hiri Motu) 1993

⁶ Gau ta totona do umui laloa hekwarahi lasi. To umui dekenai hegeregere lasi gaudia do umui abia totona, Dirava do umui noia. Bona umui noia negadia ibounai, mai tanikiu danu do umui guriguri henia.

FILIPI 4:6 Iomraidhean Croise

1 KING TAUDIA 8:28

To Lohiabada, lauegu Dirava e, lau be oiemu hesiai tauna, lauegu guriguri mani do oi kamonai, bona hari dina lau noinoi gaudia do oi henia.

2 SIVARAI 32:20

Unai neganai king Hesekaia bona peroveta tauna Isaia, Amoso ena natuna, ese Dirava dekenai idia guriguri, bona durua totona guba dekenai idia tai henia.

SALAMO 51:15

Lohiabada e, oi ese lau do oi durua, do lau hereva goada, bona oiemu ladana do lau habadaia momokani.

SALAMO 55:17

Adorahi neganai, daba neganai, bona dina tubua neganai, lau ese Lohiabada dekenai lau taitai henia, bona ia ese egu gadona do ia kamonai henia.

SALAMO 55:22

Oiemu laloa hekwarahi be Lohiabada dekenai do oi henia, bona ia ese idia dekena amo oi do ia durua. Ia ese kara maoromaoro taudia ia durua noho. Idia be do idia moru lasi, lasi momokani.

SALAMO 62:8

Taunimanima e, nega ibounai Dirava do umui abidadama henia. Emui kudouna edia ura gaudia, be ia dekenai do umui hamaoroa, badina Dirava be iseda heau mauri gabuna momokani.

AONEGA HEREVADIA 15:8

Taunimanima namodia idia guriguri neganai, Lohiabada ia moale noho, to kara dika tauna ena boubou gauna, be Lohiabada ese ia ura henia lasi momokani.

AONEGA HEREVADIA 16:3

Oi ura karaia gaudia ibounai totona, Lohiabada do oi noia, ia ese do ia hanamoa gwauraia, unai neganai oiemu palani ibounai edia anina do idia vara momokani.

SOLOMONA ENA ANE 2:14

Oi be egu pune manu, oi be nadi ena matudia lalonai oi hunia noho. Lau ura oiemu vairana do lau itaia, bona lau ura oiemu gadona do lau kamonai.

IEREMIA 32:16

Unai tano biaguna pepa be Baruku Neraia dekenai lau henia murinai, lau ese Lohiabada dekenai lau guriguri, lau gwau,

IEREMIA 33:3

Do oi boiboi lau dekenai, vadaeni lau ese oi dekenai do lau haere, bona gau badadia, hunia gaudia, oi do diba lasi gaudia, be oi dekenai do lau hamaoroa.

DANIELA 3:16

Sataraka bona Misaka bona Abetenigo ese king idia haere henia, idia gwau, “Nebukanesa e, inai hereva dekenai aiemai haere be lasi.

DANIELA 6:10

Unai hereva Daniela ia diba neganai, ia lao iena ruma dekenai. Ataiai daihutuna ta dekenai be uindo toi idia noho Ierusalema itaia lao ena kahana dekenai. Nega ibounai ia karaia bamona, unai uindo dekenai ia tui diho dina ta nega toi, bona Dirava dekenai ia guriguri henia.

MATAIO 10:19

Umui idia kota henia neganai umui emui lalona do idia hekwarahi lasi, do umui gwauraia herevadia totona. Badina be unai neganai do umui gwauraia herevadia be Dirava ese do ia henia umui dekenai.

MATAIO 13:22

Ava ginigini dekenai ia moru gauna be tau ta ese hereva ia kamonai, to tanobada ena laloa metau idauidau bona kohu ura henia dikadika ese Dirava ena hereva idia koua. Unai dainai ia be anina lasi.

MATAIO 6:34

Umui emui lalona do idia hekwarahi lasi kerukeru totona. Badina be kerukeru ese sibona ena metau do ia huaia. Bema umui laloa momo vaira dinadia totona, unai dina edia hekwarahi do umui habadaia sibona.”

MATAIO 6:8

Idia danu do umui hegeregere lasi, badina be emui Tamana guba dekenai ia noho, be umui ura gaudia ia diba vadaeni, do umui noinoi henia lasi neganai.

LUKA 10:41

To Iesu ese ia haere henia, ia gwau, “Mareta e, Mareta e, gau momo totona oi laloa momo bona oi hekwarahi,

LUKA 12:22

Iesu ese iena diba tahua taudia dekenai ma ia hamaoroa, ia gwau, “Unai dainai lau hamaoroa umui dekenai, emui lalona idia hekwarahi lasi emui mauri totona, dahaka do umui ania. O emui tauanina totona, dahaka dabua do umui karaia.

LUKA 12:29

Unai dainai, aniani gaudia bona inuinu gaudia do umui tahua momo lasi, bona emui lalona do idia hekwarahi lasi.

LUKA 18:1

Iesu ese parabole ta idia dekenai ia hamaoroa, nega ibounai do idia guriguri, do idia hesiku lasi totona.

LUKA 18:7

Unai dainai, Dirava ese ia abia hidi taudia, dina bona hanuaboi ia dekenai idia taitai taudia, be idia dekenai idia badu taudia edia davana do ia henia lasi, a? Dirava ese iena taudia do ia durudia haraga lasi, a?

1 KORINTO 7:21

Dirava ese oi ia boiria neganai oi be hesiai tauna mai guia danu, a? Oi laloa lasi. To bema oi idia ruhaia dalana oi davaria neganai, do oi abia dae. Unai be namo.

1 KORINTO 7:32

Lau ura lasi laloa hekwarahi umui abia. Headava lasi tauna ese Lohiabada do ia hamoalea daladia ia laloa.

2 KORINTO 1:11

To gau badana be, umui ese ai do umui durua noho emui guriguri dekena amo. Vadaeni emui guriguri momo be Dirava ese do ia kamonai, bona ia ese ai do ia hanamoa. Unai neganai taunimanima momo ese ai do idia laloa, bona ai dainai Dirava do idia hanamoa bada.

EFESO 5:20

Nega ibounai, gau ibounai ia henia dainai, Tamana Dirava do umui tanikiu henia, iseda Lohiabada Iesu Keriso ena ladana dainai.

EFESO 6:18

Nega ibounai Lauma Helaga ena siahu dekena amo guriguri bona noinoi do umui gwauraia. Do umui hesiku lasi, to nega ibounai guriguri totona do umui noho hegaegae. Dirava ena taudia totona do umui guriguri nega ibounai.

KOLOSE 3:15

Keriso ena maino nega ibounai do umui abia noho emui kudouna lalonai, vadaeni do umui laloa karaia neganai, be do umui laloa maoromaoro. Badina be Dirava ese inai maino umui abia totona umui ia boiria, tauanina tamona do umui lao. Bona Dirava do umui tanikiu henia.

KOLOSE 3:17

Emui kara ibounai bona emui hereva ibounai, gau ibounai, be Lohiabada Iesu ena ladana dekenai do umui karaia. Bona Tamana Dirava do umui tanikiu henia Keriso ena ladana dainai.

KOLOSE 4:2

Umui guriguri goada, do umui hesiku lasi. Umui guriguri neganai, umui gwauraia gauna do umui laloa namonamo, bona Dirava do umui tanikiu henia.

1 TIMOTEO 2:1

Lauegu sisiba ginigunana be, lau ura emui guriguri gaukara lalonai, taunimanima ibounai dainai do umui noinoi karaia. Umui guriguri, bona umui noinoi neganai, Dirava do umui tanikiu henia.

1 TIMOTEO 5:5

To vabu korikori be varavara ta lasi. Ia ese Dirava ia abidadama henia noho, ia guriguri henia noho, bona Dirava ena durua ia noia noho, dina bona hanuaboi ibounai.

1 PETERO 4:7

Gau ibounai edia dokona ena nega be kahirakahira. Unai dainai do umui noho namonamo, mai laloa maoromaoro danu, bona do umui guriguri noho, nega ibounai.

1 PETERO 5:7

Ia ese umui ia naria noho. Unai dainai emui laloa hekwarahi gaudia ibounai be iena imana dekenai do umui atoa.

1 SAMUELA 1:15

To Hana ia haere, ia gwau, “Lohia e, lau be kekero lasi. Lau be lalohisihisi bada hahinena. Uaina o kekero muramura ta lau inua lasi, to lauegu lalohisihisi Lohiabada ena vairana dekenai lau gwauraia noho.

1 SAMUELA 30:6

Davida ena lalona be ia hisihisi bada, badina be iena tuari taudia ese nadi dekenai ia do idia hodoa mase totona idia herevalaia. Badina idia ibounai edia lalona be dika, edia natudia memero bona kekeni dainai. To Davida ese Lohiabada dekena amo goada ia davaria, iena Dirava dekenai ia abidadama henia dainai.

1 SAMUELA 7:12

Vadaeni Samuela ese nadi ta ia abia, Misipa bona Iesana edia huana dekenai ia haginia, bona unai nadi ena ladana ia atoa, Ebenesera. Ia gwau, “Lohiabada ese ita ia durua vadaeni, ia mai bona inai gabu dekenai.”