FILIPI 4:4 - Buka Helaga (Hiri Motu) 1993

⁴ Nega ibounai do umui moale, Lohiabada lalonai umui noho dainai. Ma lau gwau lou: Do umui moale.

FILIPI 4:4 Iomraidhean Croise

SALAMO 146:2

Egu mauri dinadia ibounai lalonai, lau ese Lohiabada do lau hanamoa. Ane dekenai, Lohiabada do lau hanamoa egu mauri dinadia ibounai lalonai.

SALAMO 33:1

Kara namo taudia e, Lohiabada ena vairanai do umui moale bada. Dirava idia kamonai henia taudia ese, ia dekenai idia hanamoa be namo.

HABAKUKU 3:18

to lau be Lohiabada Dirava dekenai, do lau moale bada noho, badina ia be lauegu Hamauria Tauna.

MATAIO 5:12

Umui moale bada momokani, badina emui davana guba dekenai ia bada, badina be unai bamona danu, peroveta taudia gunadia be taunimanima ese idia dagedage henia.

APOSETOLO EDIA KARA 16:25

To hanuaboi momokani neganai, Paulo bona Sila idia guriguri noho bona ane dekenai Dirava idia hanamoa, dibura taudia danu idia kamonai.

APOSETOLO EDIA KARA 5:41

Unai neganai, aposetolo taudia ese kaunsolo idia rakatania mai moale bada danu. Edia moale badina be, Dirava ese idia ia abia hidi vadaeni Iesu ena ladana dainai hisihisi do idia abia.

ROMA 12:12

Lohiabada ena namo umui dekenai do umui laloa noho mai moale danu. Nega dika ia mai neganai do umui gini goada. Guriguri do umui goadalaia nega ibounai.

2 KORINTO 6:10

Aiemai lalona idia hisihisi, to ai laloa lasi, nega ibounai ai moale noho. Ai be ogogami taudia, to ai laloa lasi, taunimanima momo dekenai Dirava ena kohu momo ai henia. Ai be gau ta lasi taudia bamona, to ai laloa lasi, badina gau ibounai be aiemai.

GALATIA 1:8

To bema ai ese, o guba ena aneru ta ese sivarai idauna, guna ai haroro gauna bamona lasi, ai harorolaia neganai, Dirava ese ai bona idia do ia hadikaia ore be namo.

FILIPI 2:18

Inai bamona danu, umui ibounai emui moale dainai, lau danu be do lau moale.

FILIPI 3:1

Vadaeni, lauegu varavara e, Lohiabada lalonai umui noho dainai, do umui moale. Inai hereva tamona umui dekenai lau torea lou, torea lou, lau hesiku lasi. Badina be inai bamona moale ese umui do ia hamauria.

1 PETERO 4:13

Lasi, to Keriso danu umui hisihisi hebou dainai do umui moale. Badina be gabeai, Keriso ena hairai ia hedinaraia neganai, do umui moale bada herea.