FILIPI 4:3 - Buka Helaga (Hiri Motu) 1993

³ Oi danu, lauegu durua tauna namona e, inai hahine ruaosi oi durua be namo, badina idia ese lau danu idia gaukara hebou Sivarai Namona totona. Klemento bona lau danu idia gaukara hebou taudia haida danu ese lau idia durua. Idia edia ladana be Dirava ena mauri buka lalonai idia torea vadaeni.

FILIPI 4:3 Iomraidhean Croise

SALAMO 69:28

Edia ladana be mauri taudia edia buka, dekena amo do oi kokia, bona edia ladana be, kara maoromaoro taudia edia ladana danu do oi haboua lasi.

ESODO 32:32

Mani emu kara edia kara dika do oi gwauatao. To bema lasi, lauegu ladana, oi ese oi torea bukana dekena amo do oi kokia.”

ISAIA 4:3

Siona dekenai do noho taudia, Ierusalema idia rakatania lasi taudia be helaga do idia gwauraidia. Taudia be unai, Dirava ese mauri totona ia abia hidi, bona edia ladadia ia torea vadaeni.

ESEKIELA 13:9

Lau Lohiabada Dirava ese umui peroveta taudia emui dika davana do lau henia, badina umui mata hanai koikoi, bona peroveta hereva momokani lasi umui gwauraia noho. Umui be egu bese taudia edia hebou badadia lalonai do umui vareai lasi, bona emui ladadia be Israela taudia korikori edia ladadia danu do idia torea lasi, bona umui ese emui tano Israela dekenai do umui giroa lou lasi. Unai neganai do umui diba lau be Lohiabada Dirava.

DANIELA 12:1

Ma dabua aukana ia karaia tauna ia gwau, “Unai neganai Mikaela do ia toreisi. Ia be lohia aneru badana, oiemu bese taudia ia gimaia tauna. Unai neganai nega dika bada herea do ia vara. Matamana negana ia mai bona hari ia lao bona unai nega, be nega dika ta unai bamona do ia vara lasi. Bona unai neganai, oiemu bese taudia ese mauri do idia davaria, Dirava ena buka lalonai edia ladana idia torea vadaeni taudia ibounai.

LUKA 10:20

Gau tamona, lauma dikadia ese umui dekenai idia kamonai henia, be do umui moalelaia lasi, to inai sibona mo do umui moalelaia: Umui emui ladana be guba dekenai ia torea vadaeni.”

ROMA 12:1

Unai dainai, lauegu varavara taudia e, Dirava ena bogahisihisi bada herea dainai umui lau noia, emui tauanina umui henia Dirava dekenai. Boubou gauna bamona do umui henia, mai mauri bona mai helaga danu, Dirava umui dekenai do ia moale totona. Inai bamona tomadiho momokani Dirava dekenai umui henia be namo.

ROMA 16:12

Lauegu hanamoa hereva be Trupena bona Truposa dekenai do umui henia, idia ruaosi be Lohiabada totona idia hekwarahi bada. Lauegu turana lalokau Peresi dekenai danu egu hanamoa do umui henia. Gaukara bada ia karaia vadaeni Lohiabada totona.

ROMA 16:9

Urebano, lau danu Keriso ena hesiai gaukara ai karaia hebou tauna, bona Sitaku, lauegu lalokau tauna umui hanamodia, lau dainai.

FILIPI 1:12

Lauegu varavara taudia e, lau ura umui diba, inai lau dekenai idia vara gaudia ese Sivarai Namona idia koua lasi. Lasi, inai lauegu hisihisi ese Sivarai Namona ia durua bona ia hatubua noho.

FILIPI 1:16

Inai bamona taudia idia diba vadaeni Dirava ese Sivarai Namona ena momokani do lau gwauraia dagina be lau dekenai ia henia vadaeni. Bona lau idia lalokau henia dainai idia harorolaia.

FILIPI 1:27

Gau badana be inai: Keriso ena Sivarai Namona ena dala hegeregerena do umui mauri noho. Vadaeni umui dekenai lau noho, o umui dekenai lau noho lasi neganai, do lau diba umui gini goada noho. Bona do lau diba, mai emui laloa tamona bona ura tamona, Sivarai Namona abidadama henia totona do umui tuari hebou noho.

FILIPI 1:5

badina be umui ese lau umui durua noho, Sivarai Namona do lau harorolaia totona. Emui durua ia doko lasi, umui matamaia dinana ia mai bona hari.

FILIPI 1:7

Umui lau lalokau henia bada, bona inai lalokau be maoro danu, badina be inai: Umui bona lau be Dirava ena hariharibada ita abia hebou vadaeni. Inai hariharibada ia noho, harihari, dibura ruma lalonai lau noho neganai. Bona guna danu, dibura ena murimuri dekenai lau noho, Sivarai Namona ena momokani lau gwauraia, bona Keriso lau harorolaia neganai, unai hariharibada ia noho.

FILIPI 4:2

Euodia bona Sunutuke e, umui lau noia, umui be Lohiabada ena hahine taudia dainai, do umui laloa tamona be namo.

KOLOSE 1:7

Dirava ena hariharibada ena Sivarai namona be aiemai lalokau tauna Epafra, ese umui dekenai ia hadibaia. Ia be aiemai gaukara durua tauna ta, bona ia be Keriso ena hesiai tauna namona ta danu, ma umui totona ia gaukara noho.

APOKALUPO 13:8

Tanobada noho taudia ibounai, edia ladana be mauri buka dekenai idia torea lasi taudia ese, unai dagedage gauna do idia tomadiho henia. Inai mauri buka be Mamoe ena Natuna ena. Tanobada ia do karaia lasi neganai, Dirava ia diba unai Mamoe ena Natuna be do idia alaia mase.

APOKALUPO 17:8

Inai dagedage gauna oi itaia, be gunaguna ia noho, to harihari ia noho lasi. To nega daudau lasi, ia be guri dobu masemase gabuna dekena amo do ia daekau, vadaeni mase hanaihanai gabuna dekenai do ia lao. Tanobada dekenai noho taunimanima, idia momo be Dirava ese edia ladana mauri buka lalonai ia torea lasi, tanobada ia karaia neganai ia mai bona hari. Inai bamona taudia ese unai dagedage gauna do idia itaia, bona do idia hoa bada. Badina be inai: Guna be ia noho, hari be ia mauri noho lasi, to gabeai ma do ia hedinarai mai.

APOKALUPO 20:12

Bona mase taudia, ladana bada taudia bona ladana maragi taudia be lau itaia, helai gabuna badana ena vairanai idia gini. Vadaeni Dirava ese buka haida ia kehoa, bona buka ma ta ia kehoa, mauri bukana. Bona mase taudia be Dirava ese ia kota henia, edia kara buka lalonai ia torea hegeregerena.

APOKALUPO 20:15

Bona bema tau ta ena ladana be mauri bukana lalonai ia torea lasi neganai, Kota Biaguna ese unai tau be lahi gohuna lalonai ia negea diho.

APOKALUPO 21:27

To dika gauna ta be unai hanua dekenai do ia vareai diba lasi. Lebulebu idia karaia taudia, o koikoi taudia be do idia vareai lasi. Lasi momokani. Mamoe ena Natuna ena mauri bukana lalonai edia ladana idia torea taudia sibona be unai hanua dekenai do idia vareai.

APOKALUPO 3:5

Kwalimu taudia ese dabua kurokuro unai bamona do idia karaia, bona edia ladana danu be mauri buka dekena amo do lau kokia lasi. To egu Tamana ena vairanai, bona iena aneru edia vairanai, edia ladana be do lau gwauraia.