FILIPI 4:12 - Buka Helaga (Hiri Motu) 1993

¹² Ogogami dekenai lau manada vadaeni, kohu momo ena mauri dekenai danu lau manada vadaeni. Mauri mai lalo namo ena dalana lau davaria vadaeni. Unai dainai gabu ibounai, nega ibounai, lau boga kunu o lau hitolo, be lau laloa momo lasi. Bona lauegu gau be momo, o hegeregere lasi neganai, egu lalona ia namo noho.

FILIPI 4:12 Iomraidhean Croise

NEHEMIA 9:20

Oiemu Lauma namona idia dekenai oi henia, ia ese dahaka do idia karaia, ia hadibadia. Bona oiemu mana aniani oi hadokoa lasi, to oi henidia noho, idia ania, bona edia ranu mase totona ranu oi henidia.

ISAIA 8:11

Mai ena siahu bada danu Lohiabada ese lau ia sisiba henia, lau ese Iuda taudia edia kara bamona do lau karaia lasi. Lohiabada ia gwau,

IEREMIA 31:19

Ai ese oi dekena amo ai raka siri, to hari aiemai lalona ai giroa vadaeni. Oi ese aiemai kerere davana oi henia murinai, ai ese mai lalohisihisi danu, aiemai kwarana ai atoa diho. Ai be ai hemarai, bona taunimanima ese ai idia matauraia lasi, badina ai be eregabe taudia neganai, ai ese ai kara dika dainai.’

MATAIO 11:29

Egu huaia auna be emui pagana dekenai do umui atoa, lau dekenai diba do umui tahua, badina lau be dagedage lasi bona manau tauna. Vadaeni emui laumana be do idia laga-ani.

MATAIO 13:52

Vadaeni Iesu ia hamaorodia, ia gwau, “Unai dainai bema taravatu hadibaia tauna ta be Guba Basileia ena diba tahua tauna do ia halaoa neganai, ia be ruma badana ena biaguna ta bamona. Ia ese kohu matamata bona kohu gunana danu edia haboua gabuna dekena amo do ia kokia, vadaeni idia do ia hedinaraia.”

2 KORINTO 10:1

Lau Paulo lau ura Keriso ena kara do umui laloa. Keriso ena manau bona iena manada dainai umui dekenai noinoi ta do lau gwauraia. Umui haida idia hereva, idia gwau, “Paulo be ita dekenai neganai, ia be mai manau bona mai manoka danu, to daudau ia noho neganai ai ia gwau henia.”

2 KORINTO 10:10

Momokani, haida be inai bamona idia hereva, idia gwau, “Paulo ena revareva be mai metau bona mai siahu danu, to ia sibona ita dekenai ia ginidae, bona iena tauanina ita itaia neganai, ia be manoka bona iena hereva be mamina lasi.”

2 KORINTO 11:27

Gaukara bada bona hekwarahi bada lau karaia vadaeni. Nega momo lau be mahuta dala lasi. Nega momo lau hitolo bona ranu mase, bona aniani ania lasi taravatu lau karaia. Nega momo keru ena mamina lau abia momokani, bona lauegu dabua be hegeregere lasi.

2 KORINTO 11:7

Umui diba vadaeni, lau ese Sivarai Namona umui dekenai lau harorolaia, bona davana lau abia lasi. Lauegu kara be manau, umui do lau matauraia totona. Unai dainai lau kerere, a?

2 KORINTO 11:9

Bona umui dekenai lau noho neganai nega haida lau be moni hegeregere lasi, to umui dekenai lau noia lasi. Badina be lau dekenai idia hegeregere lasi gaudia be Makedonia Keristani taudia ese lau dekenai idia siaia mai. Hekwarahi o metau umui dekenai lau henia lasi, bona vaira neganai danu do lau henia lasi.

DEUTERONOMI 32:10

Ia ese taunimanima noho lasi tano dekenai, idia ia davaria. Rei lasi tano dekenai idia ia davaria. Lohiabada ese idia ia naria bona ia ubua. Ia ese idia ia gimaia, sibona ena lalokau tauna ia gimaia bamona,