FILIPI 4:10 - Buka Helaga (Hiri Motu) 1993

¹⁰ Lohiabada lalonai lau moale bada noho, badina be umui ese lau dekenai umui laloa lou dainai. Lau umui durua guna bamona, ma harihari umui durua lou. Nega sisina daudau umui ura bada lau umui durua, to umui be dala lasi ia mai bona harihari.

FILIPI 4:10 Iomraidhean Croise

2 SIVARAI 31:8

Hesekaia bona iena lohia taudia ibounai idia mai, bona inai harihari gaudia idia haboua vadaeni gaudia idia itaia neganai, idia ese Lohiabada bona iena bese Israela idia hanamoa.

SALAMO 85:6

Goada ai dekenai do oi henia lou, bona ai, oiemu bese taudia ese oi do ai hanamoa.

HOSEA 14:7

Lauegu naria henunai do idia noho lou. Uma namona bamona do idia tubu namonamo, bona vain umana bamona huahua momo do idia atoa. Ladana bada danu do idia abia, Lebanona ena uaina hegeregerena.

2 KORINTO 11:9

Bona umui dekenai lau noho neganai nega haida lau be moni hegeregere lasi, to umui dekenai lau noia lasi. Badina be lau dekenai idia hegeregere lasi gaudia be Makedonia Keristani taudia ese lau dekenai idia siaia mai. Hekwarahi o metau umui dekenai lau henia lasi, bona vaira neganai danu do lau henia lasi.

2 KORINTO 6:7

Ai be hereva momokani ai harorolaia noho. Aiemai gaukara be Dirava ena siahu dekena amo ai karaia noho. Aiemai kara maoromaoro be tuari gauna emai imana ruaosi dekenai bamona, vadaeni inai bamona ai tuari auka noho, Dirava ena gaukara karaia totona.

GALATIA 6:10

Unai dainai, dala ita davaria neganai, taunimanima ibounai dekenai kara namodia do ita karaia. To Keriso ena abidadama henia taudia do ita durua bada herea be namo.

GALATIA 6:6

Dirava ena hadibaia hereva ia tahua tauna ese iena hadibaia tauna dekenai harihari gaudia do ia henia be namo, iena gaukara davana.

FILIPI 1:1

Paulo bona Timoteo, ai be Keriso Iesu ena hesiai taudia, ai ruaosi inai revareva ai torea inai. Leta be umui Dirava ena taudia Filipi dekenai, umui Keriso Iesu lalonai umui noho taudia, mai emui gunalaia taudia bona durua taudia dekenai danu.

FILIPI 1:3

Umui lau laloa negadia ibounai Dirava lau tanikiu henia noho.

FILIPI 2:30

Badina be Keriso ena gaukara totona Epafrodito kahirakahira ia mase. Iena mauri ia negea gwauraia, lau dekenai durua totona, bona umui karaia diba lasi durua gauna, be ia ese do ia karaia totona.