FILIPI 3:9 - Buka Helaga (Hiri Motu) 1993

⁹ Lau ura be Keriso danu do lau hakapua momokani. Lau sibona egu kara maoromaoro, Taravatu lau badinaia dekena amo, be hari lau dogoatao lasi. Hari lau dogoatao noho kara maoromaoro, be Keriso lau abidadama henia dekena amo lau davaria gauna. Dirava ia henia kara maoromaoro be abidadama dekena amo.

FILIPI 3:9 Iomraidhean Croise

GENESE 7:23

Lohiabada ese tanobada dekenai noho mauri gaudia ibounai ia haorea, taunimanima bona boromakau, bona tano dekenai rau gaudia, bona ataiai manu danu. Noa sibona, bona ia danu lagatoi dekenai noho taudia bona gaudia sibona idia mauri noho.

1 KING TAUDIA 8:46

“Sedira oi dekenai oiemu bese taudia do idia kara dika, badina be dika ia karaia lasi tauna ta be lasi, vadaeni oi ese edia dika dainai do oi badu. Bona unai dainai idia dekenai tuari taudia oi koua lasi, vadaeni oiemu bese be tuari do idia lusi. Unai neganai kwalimu taudia ese oiemu bese taudia do idia guia, tano ta, kahirakahira o daudau dekenai do idia hakaua lao.

2 SIVARAI 32:25

To Hesekaia be mai ena hekokoroku dainai, ia ese Lohiabada ena bogahisihisi totona ia tanikiu henia lasi. Unai dainai Lohiabada ena badu be Hesekaia ena latanai, Iuda bona Ierusalema edia latanai danu.

2 SIVARAI 32:31

To Babulonia lohia taudia ese edia hereva gwauraia taudia idia siaia lao, Hesekaia ena tano dekenai ia vara toa kara ena anina do idia nanadaia totona. Unai neganai Dirava ese Hesekaia ia rakatania, ia tohoa, badina ia ura diba Hesekaia ena lalona be edena bamona.

SALAMO 14:3

To idia ibounai ese, kara dika idia karaia vadaeni. Idia ibounai be mai edia kerere. Idia ta lasi ese kara namona ia karaia. Lasi bona lasi momokani.

SALAMO 143:2

Lau, oiemu hesiai tauna do oi kota henia lasi, badina be idia mauri noho taudia ibounai edia huanai, ta be ia maoromaoro lasi oiemu vairana dekenai.

SALAMO 19:12

To edena tauna ese, sibona ena kerere karadia ia diba? Mani emu kara lauegu kara dika, hunia gaudia, do oi gwauatao.

HADIBAIA TAUNA 7:20

Kara maoromaoro tauna ta tanobada dekenai, be kara namo sibona ia karaia noho, a? Lasi momokani, ibounai ese nega haida kara dika do idia karaia diba.

ISAIA 46:13

Lau ese emui kwalimu dinana lau mailaia noho, ia be daudau lasi. Lauegu kwalimu be kahirakahira ia ginidae. Lau ese Ierusalema do lau hamauria. Bona lauegu hairaina be Israela dekenai do lau henia.”

ISAIA 53:11

Momokani iena mauri lalonai hisihisi ia abia, to unai murinai moale bada do ia davaria, badina be do ia diba, iena hisihisi be hisihisi kava lasi, to mai anina. Lauegu Hesiai Tauna, lau ura henia bada Tauna ese, taunimanima momo edia kerere davana do ia karaia, bona ia dainai, lau ese edia dika do lau gwauatao.

ISAIA 53:6

Ita ibounai ita raka boio vadaeni, idia boio mamoe bamona. Ita ta ta ibounai ese, sibona iseda dala ita raka vadaeni, bona unai dika davana, ita sibona ita karaia be maoro. To Lohiabada ese, ita ibounai iseda kara dika be, iena Hesiai Tauna ena latanai, ia atoa vadaeni.

ISAIA 6:5

Lau be lau boiboi, lau gwau, “Madi, lau be dika momokani! Badina egu uduna ia gwauraia hereva ibounai be miro bona dika, bona lau be hereva dika taudia edia huanai lau noho. To momokani lau ese King, Siahu Ibounai Lohiabada, egu matana dekenai lau itaia vadaeni.”

IEREMIA 23:6

Ia be King neganai, Iuda taudia edia noho mauri be namo, bona Israela taudia be mai maino danu do idia noho. Bona idia ese inai King ena ladana do idia atoa, ‘Lohiabada be Iseda Kara Maoromaoro.’ ”

IEREMIA 33:16

Unai dinadia lalonai Iuda taudia do idia mauri, bona Ierusalema taudia do idia noho namonamo. Bona Ierusalema ena ladana be inai bamona do idia gwauraia: ‘Lohiabada be Iseda Kara Maoromaoro.’ ”

DANIELA 9:24

“Lagani 490 be nega Dirava ese ia maka karaia oiemu taudia bona oiemu hanua helaga dekenai, edia kara kerere do idia haorea, bona edia kara dika do idia hadokoa momokani. Edia kara dika davana do idia karaia haorea, bona kara maoromaoro do idia karaia ia lao hanaihanai. Helaga Herea Gabuna danu be do idia hahelagaia lou. Inai kara idia vara ese mata hanai bona peroveta herevana do idia hamomokania.

MATAIO 9:13

Umui lao, inai Buka Helaga hereva ena anina do umui laloa, inai bamona ia torea: ‘Lau be bogahisihisi lau ura, to boubou gauna be lau ura lasi.’ Badina be kara maoromaoro taudia boiria totona lau mai lasi, to kara dika taudia boiria totona lau mai.”

ROMA 1:17

Badina be Sivarai Namona ese ia hedinaraia edena bamona Dirava ese taunimanima ia gwauraidia maoromaoro iena vairana dekenai. Inai maoromaoro be taunimanima idia abia, ena badina korikori be, edia abidadama sibona mo dainai. Badina Buka Helaga ia gwau, “Dirava ese ia gwauraia ia maoromaoro tauna, be iena abidadama dainai do ia mauri.”

ROMA 10:10

Badina be iseda kudouna ena abidadama dekena amo Dirava ena vairanai do ita maoromaoro, bona inai abidadama be iseda uduna dekenai ita gwauraia hedinarai, be mauri do ita davaria.

ROMA 16:7

Lauegu varavara taudia Anedroniko bona Iunia danu, lauegu hanamoa idia dekenai do umui henia. Idia be Iuda taudia lau hegeregere, bona idia be lau danu nega tamona dibura ruma dekenai ai noho. Edia sivarai be ia bada aposetolo taudia edia huanai. Idia danu be Keriso ena orea dekenai idia vareai guna, lau be gabeai.

ROMA 5:21

Unai dainai ita gwau kara dika be mai ena siahu, badina be mase ia havaraia. To unai bamona danu ita gwau, Dirava ena hariharibada be mai ena siahu bada herea, badina be ia ese ita taunimanima be maoromaoro taudia ia halaoa. Ma ia ese danu mauri hanaihanai ita dekenai ia henia. Iseda Lohiabada Iesu Keriso ese inai hariharibada kara ia karaia.

ROMA 8:1

Unai dainai Keriso Iesu dekenai idia hakapua bona ia lalonai idia noho taudia be Dirava ese edia kerere davana do ia gwauraia lasi.

ROMA 8:3

Iseda tauanina ena ura dikadia ita karaia dainai, ita be manoka. Unai dainai Taravatu ese iseda mauri ia hanamoa diba lasi. To Taravatu ese ia karaia diba lasi gauna be Dirava ese ia karaia diba. Ia ese sibona ena Natuna ia siaia mai, kara dika kokia totona. Ia mai neganai, iena tauanina be ita kara dika taudia iseda tauanina hegeregerena. Bona Keriso dekena amo, Dirava ese taunimanima edia kara dika ia gwauraia be dika momokani.

1 KORINTO 1:30

To Dirava ese Keriso danu umui ia hakapua tamona, bona Dirava ese Keriso, be iseda aonega ia halaoa vadaeni. Keriso sibona dekena amo Dirava ena vairanai ita maoromaoro diba. Keriso dainai Dirava ena helaga taudia ita lao, bona ura kwalimu ita abia.

2 KORINTO 5:17

Bema tau ta Keriso danu ia hakapua tamona neganai, unai tau be tau matamatana. Iena kara gunadia be idia ore, mauri matamata ia abia vadaeni inai.

2 KORINTO 5:21

Keriso be kara dika lasi momokani, to Dirava ese dika ia karaia Tauna dekenai ia halaoa vadaeni ita dainai. Vadaeni bema Keriso lalonai ita noho neganai, Dirava ena kara maoromaoro do ita abia.

GALATIA 2:16

To ita diba Dirava ena vairanai tau ta lasi be maoromaoro Taravatu ia badinaia dekena amo. Lasi, to Dirava ena vairanai ita maoromaoro dalana be tamona, gauna be inai: Iesu Keriso bema ita abidadama henia neganai. Ita danu ese Keriso Iesu ita abidadama henia, Dirava ena vairanai do ita maoromaoro totona. Oibe, ita abidadama henia Keriso dekenai, Taravatu badinaia kara dekenai lasi, badina be tau ta lasi be maoromaoro Dirava ena vairanai, Taravatu ia badinaia dekena amo.

DEUTERONOMI 27:26

“ ‘Inai taravatu hereva ia abia dae lasi, bona ia kamonai henia lasi tauna be Dirava ese do ia hadikaia momokani.’ ” “Vadaeni taunimanima ibounai do idia haere, do idia gwau, ‘Amen.’

FILIPI 3:6

Lauegu goada lau hedinaraia, lau ese ekalesia lau dagedage henia. Bema tau ta ese kara maoromaoro ia davaria diba Taravatu ia badinaia dekena amo, lau be kerere ta lasi momokani.

2 TIMOTEO 1:9

Dirava ese ita ia hamauria vadaeni, bona ita ia boiria, ita be iena bese korikori taudia totona. Inai bamona ia karaia, iseda kara namodia dainai lasi, to iena ura bona iena hariharibada dainai. Iena hariharibada be ita dekenai Dirava ese ia henia, Keriso Iesu dekena amo, nega gunaguna momokani, tanobada ia do karaia lasi neganai.

TITO 3:5

ia ese ita ia hamauria. Iseda kara maoromaoro dainai ita ia hamauria lasi. Lasi, to iena bogahisihisi dainai ia ese ita ia hamauria, Lauma Helaga dekena amo. Ia ese vara lou ena mauri matamata ita dekenai ia henia, iseda dika ia huria ore dainai.

HEBERU 6:18

Vadaeni, inai Dirava ena hereva gaudia rua idia noho, gwauhamata bona hereva helagana, bona idia senisi diba lasi. Ita diba unai hereva ruaosi idia noho, bona ita diba Dirava ia koikoi diba lasi. Unai dainai ita be mase dekena amo ita heau, bona Dirava ena mauri ita davaria vadaeni taudia. Vadaeni inai Dirava ena hereva ruaosi ese iseda lalona idia hagoadaia noho. Bona unai dainai, iseda abidadama do ita dogoatao noho, badina be ita diba ita naria noho davana namona, mauri hanaihanai, be do ita abia momokani.

IAMESI 3:2

Ita ibounai ese nega momo kerere ita karaia. To bema tau ta ese iena hereva dekena amo kerere ta ia karaia lasi, ia be goeva bona namo momokani. Ia ese iena tauanina ibounai ia biagua bona naria diba.

2 PETERO 1:1

Lau Simona Petero inai. Lau be Iesu Keriso ena hesiai tauna, bona iena aposetolo tauna. Umui momo ese aiemai abidadama hegeregerena umui davaria vadaeni. Inai bamona taudia ibounai dekenai inai revareva lau torea. Inai abidadama ita abia be namo herea momokani, bona iseda Dirava bona Hamauria Tauna Iesu Keriso ena kara maoromaoro dainai ita davaria vadaeni.

1 IOANE 3:4

Kara dika tauna ese Dirava ena taravatu ia utua noho, badina kara dika be taravatu utua gauna.