FILIPI 3:8 - Buka Helaga (Hiri Motu) 1993

⁸ Oibe, inai gaudia sibona lasi, to gau ibounai lau laloa be anina lasi gaudia, inai mai anina bada gauna do lau abia totona, gauna be inai: Keriso Iesu, lauegu Lohiabada do lau diba momokani. Ia dainai gau ibounai lau negea vadaeni. Lau laloa idia be momoru, Keriso do lau abia momokani totona.

FILIPI 3:8 Iomraidhean Croise

1 KING TAUDIA 14:10

Unai bamona oi karaia dainai, lau ese oi Ieroboama oiemu bese taudia do lau hadikaia. Oiemu natuna tau bona tubuna tau ibounai, maragidia bona burukadia danu, oiemu bese ibounai do lau alaia ore. Idia be Israela dekena amo do lau kokia, haida ese kukuri idia daroa oho bamona.

2 KING TAUDIA 9:37

bona Iesebele ena tauanina be Ieserele tano ena kopina do ia noho, hosi ena kukuri bamona. Unai dainai tau ta be do ia hereva lasi, ‘Iesebele ena tauanina be iniseni.’ ”

IOBU 20:7

To ia be do ia mase hanaihanai, ia sibona ena kukuri bamona. Idia itaia vadaeni taudia do idia gwau, ‘Ia be edeseni ia lao?’

SALAMO 126:6

Io, momokani, uhe idia abia lao neganai idia tai noho taudia, be mai moale danu do idia giroa mai, bona anina idia mailaia neganai ane do idia abia.

SALAMO 73:25

Guba dekenai dahaka do lau davaria? Oi sibona, ani? Unai dainai tanobada dekenai, gau ta lau ura henia lasi, oi sibona.

ISAIA 53:11

Momokani iena mauri lalonai hisihisi ia abia, to unai murinai moale bada do ia davaria, badina be do ia diba, iena hisihisi be hisihisi kava lasi, to mai anina. Lauegu Hesiai Tauna, lau ura henia bada Tauna ese, taunimanima momo edia kerere davana do ia karaia, bona ia dainai, lau ese edia dika do lau gwauatao.

MALAKI 2:3

“Umui dainai lau ese emui natudia do lau panisidia, bona umui atoa boubou gaudia edia kukuri dekena amo emui vairana do lau dahua. Bona lau ese egu vairana dekena amo umui do lau lulua lao, boromakau edia miro atoa gabuna dekenai.

NUMERA 14:30

Guna lau gwauhamata henia vadaeni, umui be unai tano dekenai do umui noho. To umui ta lasi do ia noho, Kaleba bona Iosua sibona be unai tano dekenai do idia noho.

LUKA 1:43

Lauegu namo be dahaka, be lauegu Lohiabada ena sinana ese lau dekenai ia vadivadi inai?

LUKA 11:20

To, bema lau ese Dirava ena Laumana dainai lauma dikadia lau lulua murimuri dekenai, Dirava ena Basileia be umui dekenai ia ginidae vadaeni.

IOANE 14:20

Unai neganai umui be do umui diba, lau be egu Tamana lalonai, umui danu lauegu lalonai, lau danu umui emui lalona dekenai.

IOANE 14:7

Bema lau umui diba, egu Tamana danu do umui diba. Harihari ia lao, egu Tamana umui diba vadaeni, bona umui itaia danu vadaeni.”

IOANE 16:3

Unai bamona do idia karaia, badina lauegu Tamana be idia diba lasi, bona idia diba lasi lau.

IOANE 17:3

Mauri hanaihanai be inai: Idia ese oi Dirava momokani tamona do idia diba, bona Iesu Keriso, oi ese oi siaia tauna danu do idia diba.

IOANE 17:8

Badina be lau dekenai oi henia herevadia lau henia vadaeni idia dekenai, vadaeni idia ese idia abia dae, bona idia diba momokani, lau be oi dekena amo lau mai, ma idia hamomokania danu oi ese lau oi siaia.

IOANE 20:13

Idia hereva Maria dekenai, idia gwau, “Hahine e, dahaka dainai oi tai?” Ia haere idia dekenai, ia gwau, “Egu Lohiabada be idia abia siri vadaeni, idia atoa gabuna be lau diba lasi.”

IOANE 20:28

Toma ese ia haere henia, ia gwau, “Egu Lohiabada! Egu Dirava!”

APOSETOLO EDIA KARA 20:24

“To lauegu mauri lau laloa lasi, badina be lau ura lauegu heau lau haorea, bona egu gaukara, Lohiabada Iesu ese lau dekenai ia henia gaukara do lau haorea. Inai gaukara be, Dirava ena hariharibada Sivarai Namona do lau gwauraia hedinarai.

ROMA 8:18

Lau laloa hari inai nega ita abia noho hisihisi be bada lasi, to gabeai do ita abia Dirava dekena amo hairaina be bada herea.

ROMA 8:39

o ataiai gaudia, o dobu gabuna gaudia, o tanobada dekenai karaia gaudia, ta ese Dirava ena lalokau, Keriso Iesu iseda Lohiabada ese ia hedinaraia vadaeni gauna, dekena amo ita do ia kokia diba lasi.

1 KORINTO 2:2

Umui dekenai lau noho neganai lau be idau gauna ta lau laloa diba lasi, Iesu Keriso sibona mo. Oibe, Iesu Keriso satauro dekenai ia mase sibona lau laloa.

1 KORINTO 9:10

Ia ese ita danu ia laloa lasi, a? Lau diba momokani unai hereva be ita totona ia torea. Badina be Dirava ese kara inai bamona ia ura henia: Tano ia geia tauna bona aniani ia mage neganai ia utua tauna, idia ruaosi ese edia gaukara davana idia abia be namo.

2 KORINTO 4:4

Oibe, idia abidadama henia diba lasi, badina be inai tanobada ena dirava ese edia lalona ia koua, dibura dekena amo. Vadaeni Keriso ena hairaina bona iena Sivarai Namona ena diari idia itaia diba lasi. Keriso be Dirava ena toana momokani Tauna.

2 KORINTO 4:6

Guna neganai Dirava ia hereva, ia gwau, “Dibura dekena amo diari do ia hedinarai.” Unai Dirava danu ese aiemai lalona dekenai iena diari ia atoa, ai do ia hadiaria totona. Inai diari be inai bamona: Ai diba momokani Dirava ena hairai diarina be Keriso ena vairana dekenai ia hedinarai noho.

GALATIA 1:16

Dirava ese iena Natuna lau dekenai ia hedinaraia, iena Sivarai Namona Iuda lasi bese taudia dekenai do lau haroro henia totona. Momokani, iena Natuna be lau dekenai ia hedinaraia neganai, lau ese tau ta ena sisiba lau tahua lasi.

EFESO 4:13

Unai dekena amo ita ibounai iseda abidadama do ia tamona, bona iseda diba Dirava ena Natuna dekenai danu be tamona. Bona ita be tau badadia do ita halaoa, oibe, Keriso ena bada hegeregerena danu do ita abia gwauraia.

FILIPI 1:1

Paulo bona Timoteo, ai be Keriso Iesu ena hesiai taudia, ai ruaosi inai revareva ai torea inai. Leta be umui Dirava ena taudia Filipi dekenai, umui Keriso Iesu lalonai umui noho taudia, mai emui gunalaia taudia bona durua taudia dekenai danu.

FILIPI 3:10

Lauegu ura bada be Keriso, bona iena toreisi lou siahuna do lau diba. Bona lau ura ia ese ia abia hisihisi be lau danu do lau abia, iena mase dalana dekenai danu lau ura do lau mase.

FILIPI 3:12

Lau gwau lasi lau kwalimu vadaeni, o lau goeva momokani vadaeni. Lasi, to mai egu goada ibounai kwalimu ahuna lau tahua noho, do lau dogoatao gwauraia. Keriso Iesu ia ura inai bamona do lau goadalaia, bona inai totona ia ese lau ia abia, iena murinai do lau raka.

FILIPI 3:7

To inai guna lau idia hanamoa gaudia, be harihari Keriso dainai, lau gwau idia be dika.

2 TIMOTEO 4:6

To lauegu nega be kahirakahira ia ore. Taunimanima ese uaina idia bubua, Dirava ena boubou gauna totona. Inai bamona danu, lauegu rarana be kahirakahira do ia bubua, Dirava ena boubou gauna totona. Lauegu mauri dokona be ia kahirakahira momokani.

HEBERU 3:14

Guna Keriso ita abidadama henia. Vadaeni namona be inai abidadama do ita badinaia noho, ela bona ita mase. Bema inai bamona ita karaia neganai, ita be Keriso ena taudia korikori.

1 PETERO 2:7

Umui abidadama taudia dekenai, inai Nadi be namo bada herea. To abidadama henia lasi taudia dekenai, Buka Helaga ena hereva inai bamona ia torea vadaeni: “Ruma haginia taudia ese idia negea Nadina be, kona ena Nadi namo herea ia halaoa vadaeni.”

2 PETERO 1:2

Hariharibada bona maino umui abia badabada be namo. Oibe, do umui abia, badina be Dirava, bona iseda Lohiabada Iesu umui diba namonamo dainai.

2 PETERO 1:3

Dirava ese iena siahu dekena amo iseda mauri hanamoa gaudia ibounai, bona ia badinaia totona goada ibounai, be ita dekenai ia henia vadaeni. Ita durua totona, Dirava ese iena diba bada ita dekenai ia harihari henia. Vadaeni, iena hairai bona iena siahu ita diba momokani. Bona ita ia abia hidi Tauna danu ita diba momokani.

2 PETERO 1:8

Inai bamona kara namodia, bema umui dekenai idia noho neganai, idia ese emui lauma do idia hagoadaia. Vadaeni inai goada umui abia dainai, bona Iesu Keriso iseda Lohiabada umui diba dainai, do umui noho kava lasi, to emui kara be mai anina.

2 PETERO 3:18

To iseda Lohiabada bona Hamauria Tauna Iesu Keriso ena hariharibada, bona iena diba, bona laloa diari lalonai do umui tubu daekau noho. Hairai diarina bona mataurai bada be iena, harihari ia lao bona hanaihanai. Amen.

1 IOANE 1:3

Ai ese ai itaia bona ai kamonai gaudia umui dekenai ai hamaorolaia noho, umui ese aiemai orea tamona lalonai do umui vareai totona. Badina be ai ura Tamana bona iena Natuna Iesu Keriso danu orea tamona taudia do ita lao.

1 IOANE 2:19

Inai taudia ese iseda orea idia rakatania. To guna idia be iseda taudia korikori lasi, unai dainai ita dekena amo idia raka siri. Bema idia be iseda orea taudia korikori neganai, idia be ita danu do idia noho hebou. To idia ese ita idia rakatania, vadaeni unai dekena amo idia hedinaraia, idia be iseda orea lasi taudia.

1 IOANE 5:20

Ita diba danu, Dirava ena Natuna ia mai vadaeni, bona ia ese iseda lalona ia hadiaria, vadaeni ita ese Dirava Momokani ita diba. Ita be Dirava ena lalona dekenai ita noho, badina be iena Natuna Iesu Keriso danu ena lalona dekenai ita noho. Iesu Keriso be Dirava Momokani, bona ia be mauri hanaihanai.