FILIPI 3:6 - Buka Helaga (Hiri Motu) 1993

⁶ Lauegu goada lau hedinaraia, lau ese ekalesia lau dagedage henia. Bema tau ta ese kara maoromaoro ia davaria diba Taravatu ia badinaia dekena amo, lau be kerere ta lasi momokani.

FILIPI 3:6 Iomraidhean Croise

2 SAMUELA 21:2

Unai dainai, Davida ese Gibeona taudia ia boiria. Inai Gibeona taudia be Israela taudia lasi, idia be Amoro bese taudia. Amoro taudia oredia idia mase vadaeni, to inai Gibeona hanua orea maragina sibona do noho. Gunaguna Israela taudia ese idia gwauhamata Gibeona taudia do idia hamasea lasi, to Saulo ese idia ibounai ia alaia toho, badina ia ura Israela bona Iuda taudia sibona be Israela tano dekenai do idia noho.

2 KING TAUDIA 10:16

Iehu ma ia gwau, “Oi mai, ita lao, bona do oi itaia dahaka siahu karadia Lohiabada dainai lau karaia noho.” Vadaeni idia ruaosi be kariota dekenai Samaria dekenai idia lao.

HADIBAIA TAUNA 7:16

Unai dainai do oi kara maoromaoro auka herea lasi, bona aonega do oi tahua auka herea lasi, oi sibona do oi alaia garina. Oi sibona do oi alaia ena namo be dahaka?

LEVITIKO 13:16

“To inai hidio ena bero bema ia namo lou, bona ia kurokuro lou, unai tau be hahelagaia tauna dekenai ma do ia lao.

MATAIO 23:25

“Taravatu hadibaia taudia bona Farisea taudia, kara koikoi taudia, dika do umui davaria momokani! Badina be umui ese kapusi bona mereki edia murina kahana sibona umui huria goevagoeva, to edia lalona kahana be dadia kara bona lebulebu kara dekenai idia honu momokani.

MATAIO 5:20

Umui lau hamaoroa, umui emui kara maoromaoro ese taravatu hadibaia taudia bona Farisea taudia edia kara bema ia hereaia lasi, umui be Guba Basileia lalonai do umui raka vareai diba lasi, lasi bona lasi momokani.

LUKA 1:6

Idia ruaosi be kara maoromaoro taudia Dirava ena vairana dekenai, Lohiabada ena taravatu bona ena hereva ibounai idia badinaia momokani.

APOSETOLO EDIA KARA 21:20

Kwarana taudia ese inai hereva idia kamonai neganai, ibounai ese Dirava idia hanamoa. Gabeai Paulo dekenai idia hereva, idia gwau, “Emai varavara tauna e, oi itaia Iuda taudia momo herea ese Iesu idia abidadama henia noho, bona idia ibounai ese Mose ena taravatu idia badinaia namonamo noho danu.

APOSETOLO EDIA KARA 22:5

Hahelagaia Tauna Badana bona Kaunsolo tau badadia ibounai be egu hereva idia hamomokania diba. Idia ese revareva lau dekenai idia henia, iseda varavara Damaseko dekenai idia torea. Vadaeni lau lao, unai Damaseko Keristani taudia do lau kwatua totona. Lau ura Ierusalema dekenai idia do lau abia mai, auri dekenai kwatua, edia kerere davana idia abia totona.

APOSETOLO EDIA KARA 26:5

Idia be nega daudau idia diba, bona bema idia ura, idia gwauraia diba, guna lau be Farisea tauna. Unai orea be taravatu metaudia ibounai idia badinaia, lau danu.

APOSETOLO EDIA KARA 8:3

To Saulo ese ekalesia taudia ia hadikaia momokani, ruma ibounai lalonai ia raka vareai, tatau bona hahine ia veria, dibura rumadia lalonai ia koua.

ROMA 7:9

Guna neganai Taravatu be lau diba lasi. Unai neganai lau mauri noho. To gabeai Taravatu lau dekenai ia ginidae. Unai neganai kara dika lau ura henia dikadika.

1 KORINTO 10:32

Umui ibounai do umui noho namonamo, vadaeni Iuda taudia, Iuda lasi taudia, bona Dirava ena ekalesia taudia ese emui kara namo do idia itaia, be do umui hakaudia kerere lasi.

1 KORINTO 15:9

Badina be aposetolo ibounai ese lau idia hereaia, lau be namo lasi aposetolo tauna lau idia gwauraia. Badina be Dirava ena ekalesia oreana lau dagedage henia.

FILIPI 2:15

Unai dekena amo umui be kerere ta lasi, bona emui lalona dekenai dika ta do ia noho lasi, Dirava ena natuna taudia edia kara bamona. Bona umui be inai tanobada taudia mai edia dika bona mai edia kerere bada danu edia huanai umui noho. Umui ese idia edia huanai diari bamona do umui hedinarai, hisiu ese tanobada idia hadiaria bamona.

FILIPI 3:9

Lau ura be Keriso danu do lau hakapua momokani. Lau sibona egu kara maoromaoro, Taravatu lau badinaia dekena amo, be hari lau dogoatao lasi. Hari lau dogoatao noho kara maoromaoro, be Keriso lau abidadama henia dekena amo lau davaria gauna. Dirava ia henia kara maoromaoro be abidadama dekena amo.

1 TIMOTEO 1:13

Momokani, gunaguna lau ese Keriso lau hereva dika henia, lau dagedage henia, bona iena ladana lau hadikaia. To Dirava ese lau ia bogahisihisi henia, badina be abidadama lau do diba lasi, bona egu kara ena dika lau do diba lasi dainai.

GUNALAIA TAUDIA 6:30

Unai neganai hanua taudia ese Ioasa idia hamaoroa, idia gwau, “Oiemu natuna do oi hakaua iniseni, ai ese do ai alaia mase. Badina be ia ese Bala ena boubou patana ia makohia vadaeni, bona Bala ena badinai ia gini Asera au helagana ia utua diho dainai.”