FILIPI 3:5 - Buka Helaga (Hiri Motu) 1993

⁵ Lau vara, vadaeni pura tamona murinai lauegu kopina idia utua. Lau be Israela besena tauna lau vara, lauegu iduhu be Beniamina. Lauegu sene taudia danu be Heberu. Iuda edia Taravatu lau badinaia momokani, badina lau be Farisea orea tauna.

FILIPI 3:5 Iomraidhean Croise

GENESE 14:13

To heau mauri tauna ta ia lao, Aberamo, Heberu tauna dekenai ia hamaoroa. Aberamo be Mamare, Amoro tauna, Esakolo bona Anere edia kakana ena au helagadia kahirakahira ia noho. Inai tau toi be Aberamo danu idia turana karaia vadaeni.

GENESE 17:12

Emui memero ibounai ta ta dina 8 idia abia neganai, edia kopina do umui utua. Emui ruma dekenai vara hesiai taudia danu edia kopina do umui utua. Bona idau taudia dekena amo umui hoia hesiai taudia danu edia kopina do umui utua.

GENESE 40:15

Badina be momokani lau be Heberu taudia edia tano dekena amo lau idia henaoa lao, iniseni dekenai danu kerere ta lau karaia lasi, to dibura ruma dekenai lau idia koua kava.”

GENESE 41:12

Uhau tauna ta ia noho ai dekenai, ia be Heberu tauna, gima taudia edia kapena ena durua merona. Vadaeni ai ruaosi aiemai nihi ia dekenai ai hamaoroa, vadaeni ia ese aiemai nihi edia anina ai ta ta dekenai ia hadibaia.

IONA 1:9

Iona ia haere, ia gwau, “Lau be Heberu tauna. Lau ese Lohiabada, guba ena Dirava lau tomadiho henia noho. Ia ese tano bona davara ia karaia.”

LUKA 1:59

Dina namba 8 lalonai, idia be mero ena kopina utua totona idia haboua, vadaeni iena ladana be Sekaraia, iena tamana ena ladana, do idia atoa gwauraia.

LUKA 2:21

Dina namba 8 lalonai, mero ena kopina utua kara neganai, idia ese iena ladana idia atoa Iesu. Sinana ena bogana dekenai do ia hedinarai lasi neganai, aneru ese inai ladana ia atoa.

LUKA 5:38

To uaina matamata be kopina matamata dekenai do idia udaia, vadaeni ruaosi do idia namo.

APOSETOLO EDIA KARA 22:3

“Lau be Iuda tauna, Taso hanua lalonai lau vara, Kilikia tano dekenai. To lau be inai hanua Ierusalema lalonai lau bada, bona Gamaliela be lauegu hadibaia tauna. Ia ese iseda sene edia taravatu korikori lau dekenai ia hadibaia. Bona Dirava ena gaukara dekenai lau goada karaia, umui ese harihari umui goada karaia noho hegeregere.

APOSETOLO EDIA KARA 23:6

Paulo ese Kaunsolo taudia ia itaia, haida be Sadukea taudia, ma haida be Farisea taudia. Vadaeni Kaunsolo lalonai ia boiboi, ia gwau, “Egu varavara e, lau be Farisea tauna, bona Farisea tauna ena natuna. Iniseni idia kota henia lau, badina be lau laloa momokani, mase taudia dohore idia toreisi lou.”

APOSETOLO EDIA KARA 6:1

Unai neganai, Iesu ena diba tahua taudia idia momo daekau. Bona Helene gado idia hereva Iuda taudia, ese Heberu gado idia hereva Iuda taudia dekenai idia maumau. Idia gwau, “Dina ibounai, aniani idia haria neganai, aiemai vabu dekenai umui henia hegeregere lasi.”

ROMA 11:1

Vadaeni lau henanadai, Dirava ese iena bese ia negea momokani vadaeni, a? Lasi momokani. Lau danu be Israela tauna, Aberahamo ena bese, Beniamina ena iduhu tauna ta.

2 KORINTO 11:22

Idia be Heberu taudia, a? Lau danu. Idia be Israela besena, a? Lau danu. Idia be Aberahamo ena tubuna, a? Lau danu.

1 SAMUELA 4:6

Pilistia taudia ese unai boiboi idia kamonai, vadaeni idia ta ta dekenai idia henanadaia, idia gwau, “Unai boiboi badana Heberu taudia edia kamepa dekenai ena anina be dahaka?” Gabeai idia kamonai, Lohiabada ena Taravatu Maua be Israela taudia edia kamepa dekenai ia ginidae vadaeni.