FILIPI 3:2 - Buka Helaga (Hiri Motu) 1993

² Dika bada idia karaia noho taudia, unai sisia, do umui naridia namonamo. Idia ese tauanina idia utua kava gwauraia.

FILIPI 3:2 Iomraidhean Croise

SALAMO 119:115

Umui kara dika taudia e, lau dekena amo do umui raka siri, badina lau ese Dirava ena taravatu lau ura badinaia.

SALAMO 22:16

Kara dika taudia orea ta ese lau idia hagegea. Idia be sisia bamona lau idia koua noho, egu imana bona aena idia koria noho.

SALAMO 22:20

Tuari kaia dekena amo lau do oi hamauria. Unai sisia edia siahu dekena amo, lauegu mauri do oi hamauria.

AONEGA HEREVADIA 26:11

Kavakava tauna ese, iena kara kava ma ia karaia lou noho, iena mumuta dekenai ia giroa lou noho sisia bamona.

MATAIO 24:10

Vadaeni taunimanima momo edia abidadama do idia rakatania, vadaeni idia ta ta ese ta ta do idia samania, bona idia ta ta ese ta ta do idia badu henia.

MATAIO 7:15

“Umui naria namonamo, peroveta koikoi taudia garina. Idia mai noho, edia toana be mamoe bamona, to edia lalona be uda sisia dagedage bamona.

MATAIO 7:6

“Helaga gaudia sisia dekenai do umui henia lasi, idia giroa bona umui idia koria garina, bona emui kavabukavabu be boroma edia vairana dekenai do umui negea lasi. Badina be edia aena dekenai do idia moia garina.

ROMA 2:28

Bema tau ta ia gwau ia be Iuda tauna, kopina utua kara ia karaia sibona dainai, ia be Iuda momokani lasi, bona iena kopina utua be tauanina gauna sibona.

2 KORINTO 11:13

Unai taudia be aposetolo koikoidia, gaukara koikoi taudia, Keriso ena aposetolo momokani lasi.

GALATIA 5:13

Lauegu varavara taudia e, ura kwalimu taudia do umui lao totona Dirava ese umui ia boiria. To namo lasi inai bamona umui laloa, “Lau be ura kwalimu tauna, lauegu tauanina ena ura gaudia sibona do lau karaia.” Lasi, to lalokau dekenai umui ta ta dekenai durua do umui henia.

GALATIA 5:15

To lauegu sisiba do umui kamonai namonamo. Bema umui ta ta umui hadikaia bona heatu henia neganai, do umui naria namonamo, umui sibona do umui haorea garina.

GALATIA 5:6

Badina be Iesu Keriso danu ai hakapua neganai, kopina utua kara bona kopina utua lasi kara ruaosi be anina lasi, to abidadama sibona. Oibe, abidadama, lalokau dekenai ia gaukara, inai sibona be mai anina.

FILIPI 3:19

Edia dokona be hel dekenai, badina be edia dirava be edia tauanina ena ura. Edia hemarai karadia idia heagilaia, bona inai tanobada gaudia sibona idia laloa.

FILIPI 3:3

To ita ese kopina utua kara korikori ita abia vadaeni, idia be lasi. Badina be Lauma Helaga dekena amo Dirava ita tomadiho henia noho, bona Keriso Iesu danu ita hakapua noho, bona tauanina ena toana gauna ita abidadama henia lasi.

1 TIMOTEO 1:19

Inai tuari lalonai, abidadama bona laloa maoromaoro do oi dogoatao auka. Haida be laloa maoromaoro dekena amo idia raka siri vadaeni. Unai dainai edia abidadama ia dika, vanagi be davara nadi dekenai ia kamokau, bona ia dika bamona.

TITO 1:16

Idia gwau Dirava idia diba, to edia kara dekena amo idia ese Dirava idia negea. Idia be dika bada, Dirava idia kamonai henia lasi, bona kara namona ta idia karaia diba lasi.

2 PETERO 2:22

Inai kara idia karaia, ena anina be aonega hereva momokani rua bamona, idia gwau, “Sisia be iena mumuta dekenai ma ia giroa lao noho,” bona “Boroma be idia huria, to kopukopu dekenai ma ia giroa lou.”

IUDA 1:4

Badina be haida ese umui emui orea dekenai hunia dala dekenai idia vareai vadaeni. Gunaguna Buka Helaga ia gwau unai bamona taudia be Dirava ena Kota dekenai edia kerere davana do idia davaria momokani. Idia ese Dirava idia negea. Idia ese Dirava ena hariharibada idia hadibaia kerere, edia lebulebu karadia do idia karaia diba totona. Inai taudia ese iseda Lohiabada Iesu Keriso, iseda Biaguna tamona, idia negea vadaeni.

APOKALUPO 2:9

“Oiemu hisihisi bona metau lau diba. Lau diba oi be ogogami, to momokani oi be kohu momo tauna. Lau diba sibodia idia gwauraia Iuda taudia ese oi idia hereva dika henia. Idia be Iuda taudia momokani lasi. Idia be Satani ena orea taudia.

APOKALUPO 21:8

To lau badinaia totona idia gari taudia, abidadama lasi taudia, kara bodaga taudia, taunimanima idia alaia taudia, lebulebu taudia, meamea taudia, kaivakuku dekenai idia tomadiho henia taudia, bona koikoi taudia ibounai, idia ibounai edia davana be dika. Idia be unai gohu, lahi bona salipa idia araia noho gabuna lalonai do idia lao. Inai be mase iharuana.”

APOKALUPO 22:15

To murimuri dekenai be kara bodaga taudia, bona dika bada idia karaia taudia, meamea taudia, matabodaga taudia, ala-ala taudia, kaivakuku idia tomadiho henia taudia, bona koikoi idia ura henia bona badinaia taudia idia noho.

APOKALUPO 3:9

Oi kamonai! Haida be idia sibodia idia gwauraia Iuda taudia, to idia be Iuda taudia momokani lasi. Idia be Satani ena orea taudia. Lau ese idia do lau guia, idia do lau hakaua, vadaeni oiemu aena badinai do idia tui diho. Vadaeni, do idia diba lau ese oi lau lalokau henia.