FILIPI 3:12 - Buka Helaga (Hiri Motu) 1993

¹² Lau gwau lasi lau kwalimu vadaeni, o lau goeva momokani vadaeni. Lasi, to mai egu goada ibounai kwalimu ahuna lau tahua noho, do lau dogoatao gwauraia. Keriso Iesu ia ura inai bamona do lau goadalaia, bona inai totona ia ese lau ia abia, iena murinai do lau raka.

FILIPI 3:12 Iomraidhean Croise

IOBU 17:9

To kara maoromaoro tauna, be iena dala dekenai do ia raka noho, bona kara goevagoeva taudia edia goada, be do idia bada lao.

SALAMO 119:5

Lau ura bada oiemu hereva do lau badinaia, mai maoromaoro bona momokani danu, nega ibounai.

SALAMO 138:8

Lohiabada e, lau diba oi ese lau dekenai oi gwauhamata gaudia ibounai, be do oi karaia momokani. Lohiabada e, oiemu lalokau bona bogahisihisi do idia noho hanaihanai. Oi ese oi hamatamaia vadaeni gaukara, be mani do oi rakatania lasi.

SALAMO 42:1

Dirava e, dia ese sinavai ranu ia ura henia bada bamona, unai bamona lau ese oi lau ura henia noho.

SALAMO 63:8

Lau ese oi lau dogoatao noho, bona oiemu imana idibana ese lau ia hagoadaia noho.

SALAMO 84:2

Lau ura bada unuseni do lau noho. Egu lalona ibounai ese, Lohiabada ena Dubu Helaga ia ura henia noho. Egu tauanina bona egu kudouna dekena amo, Mauri Diravana dekenai ane lau abia noho, mai moale ena boiboi danu.

SALAMO 94:15

Badina kota biagudia ese mai maoromaoro bona momokani sibona, kota hereva do idia gwauraia, bona kara maoromaoro taudia ibounai ese, inai kota maoromaorona do idia durua.

AONEGA HEREVADIA 4:18

To kara maoromaoro taudia idia raka noho dalana, be daba rere bamona. Edia dala ena diari be ia bada lao noho, ela bona dina tubua momokani ia hedinarai.

ISAIA 51:1

Lohiabada ia gwau, “Kara maoromaoro ena dala umui raka noho taudia e, Lohiabada umui tahua noho taudia e, lau dekenai do umui kamonai! Nadi badana, ia dekena amo umui lau utua gauna do umui laloa. Guri danu do umui laloa, ia dekena amo umui lau geia gauna.

HOSEA 6:3

Namona be Lohiabada do ita diba totona dalana do ita tahua namonamo. Ia be ita dekenai do ia mai momokani, daba rere ia mai momokani bamona. Ia be ita dekenai do ia mai momokani, lahara ena medu ese tano ia hapariparia noho momokani bamona.”

MATAIO 5:48

Unai dainai umui be do umui maoromaoro momokani, umui emui Tamana guba dekenai ia noho ia maoromaoro momokani bamona.

APOSETOLO EDIA KARA 9:15

Bona Lohiabada ia gwau, “Oi lao, badina inai tau be lau ese lau abia hidi vadaeni, idau bese taudia bona king bona Israela taudia edia vairanai lauegu ladana do ia gwauraia.

ROMA 8:39

o ataiai gaudia, o dobu gabuna gaudia, o tanobada dekenai karaia gaudia, ta ese Dirava ena lalokau, Keriso Iesu iseda Lohiabada ese ia hedinaraia vadaeni gauna, dekena amo ita do ia kokia diba lasi.

1 KORINTO 13:10

To gabeai diba goeva momokani ia mai neganai, unai kahana sibona ita diba gaudia be do idia ore.

1 KORINTO 13:12

Harihari ita be Dirava ena gaudia kahana sibona ita diba, bona ita itaia goeva lasi, hevarivari gunana lalonai gau ita itaia goeva lasi bamona. To nega gabeai ita ese Dirava ena vairana do ita itaia momokani. Unai neganai gau ibounai do ita diba momokani, Dirava ese hari ita ia diba momokani bamona.

1 KORINTO 9:24

Umui diba, ani, heau helulu dekenai idia heau taudia ibounai idia heau noho, to tau tamona sibona ese kwalimu ahuna ia abia. Unai bamona do umui heau goadagoada, kwalimu ahuna do umui abia totona.

2 KORINTO 13:9

Ai be manoka, bona umui be goada neganai ai be ai moale noho. Aiemai noinoi tamona be inai, do umui namo momokani.

2 KORINTO 7:1

Lauegu turana lalokau e, inai gwauhamata hereva ibounai be ita totona Dirava ese ia gwauraia. Unai dainai tauanina bona lauma hamiroa karadia ibounai do ita hadokoa, bona iseda mauri ita hagoevaia be namo. Vadaeni Dirava ena vairanai do ita noho namonamo, mai goeva bona mai gari danu.

GALATIA 5:17

Badina be iseda tauanina ena ura be idau, Lauma Helaga ena ura danu be idau. Idia ruaosi ta ta idia heatu henia. Unai dainai emui ura karadia umui karaia diba lasi.

EFESO 1:4

Tanobada ia do karaia lasi neganai, Dirava ese ita ia abia hidi, ita be iena taudia, Keriso lalonai ita noho dainai. Unai dekena amo, Dirava ena vairanai ita be helaga bona mai kerere ta lasi. Iena lalokau dainai,

EFESO 4:12

Inai bamona harihari gaudia ia henia, be Dirava ena taudia ibounai do ia durua totona. Inai be Dirava ena hesiai gaukara do idia karaia namonamo, bona Keriso ena tauanina do ia gini goada totona.

FILIPI 1:1

Paulo bona Timoteo, ai be Keriso Iesu ena hesiai taudia, ai ruaosi inai revareva ai torea inai. Leta be umui Dirava ena taudia Filipi dekenai, umui Keriso Iesu lalonai umui noho taudia, mai emui gunalaia taudia bona durua taudia dekenai danu.

FILIPI 3:16

Gau badana be inai: Guna ita abia dae hadibaia hereva ena dala do ita badinaia noho be namo.

FILIPI 3:3

To ita ese kopina utua kara korikori ita abia vadaeni, idia be lasi. Badina be Lauma Helaga dekena amo Dirava ita tomadiho henia noho, bona Keriso Iesu danu ita hakapua noho, bona tauanina ena toana gauna ita abidadama henia lasi.

FILIPI 3:8

Oibe, inai gaudia sibona lasi, to gau ibounai lau laloa be anina lasi gaudia, inai mai anina bada gauna do lau abia totona, gauna be inai: Keriso Iesu, lauegu Lohiabada do lau diba momokani. Ia dainai gau ibounai lau negea vadaeni. Lau laloa idia be momoru, Keriso do lau abia momokani totona.

1 TESALONIKA 5:15

Umui ta ta dekenai kara dika ena davana do umui henia lasi, to nega ibounai umui ta ta dekenai bona taunimanima ibounai dekenai kara namo do umui karaia.

2 TESALONIKA 2:13

Aiemai varavara taudia e, ai be umui dainai nega ibounai Dirava ai hanamoa. Badina be Dirava ese umui ia abia hidi guna, mauri umui abia totona. Bona hereva momokani umui abidadama henia dainai, Lauma Helaga ena siahu dekena amo, Dirava ese iena helaga taudia umui ia halaoa vadaeni.

1 TIMOTEO 5:10

iena kara namodia dainai be taunimanima ese idia hanamoa. Ia ese iena natuna ia naridia namonamo. Ia ese idau taudia dekenai aniani ia henia. Ia ese Dirava ena taudia edia aena ia huria. Ia ese hisihisi taudia ia durua, bona kara namodia ibounai ia goadalaia. Unai bamona vabu sibona edia ladana unai pepa dekenai do oi torea.

1 TIMOTEO 6:19

Inai dala dekenai, idia ese edia kohu korikori do idia haboua hegaegae, edia mauri gabeai do ia durua totona.

HEBERU 12:14

Mai maino danu taunimanima ibounai danu do umui noho, bona Dirava ena kara helagadia danu do umui karaia. Badina be kara helaga lasi tauna ese Lohiabada do ia itaia lasi.

HEBERU 12:23

Dirava ena vara guna natuna taudia edia hebou gabuna dekenai umui ginidae vadaeni. Unai natuna taudia edia ladana be guba dekenai idia torea vadaeni. Umui be Dirava dekenai umui ginidae vadaeni. Ia be taunimanima ibounai edia Kota Biaguna Badana. Dirava ese ia gwauraidia maoromaoro taudia ibounai edia lauma danu be unai gabu dekenai idia noho, mai edia goevagoeva danu.

HEBERU 13:21

Vadaeni, inai maino Diravana ese gau namodia ibounai umui dekenai do ia henia, bona idia dekena amo umui do ia hanamoa momokani. Vadaeni umui ese iena ura do umui karaia. Bona namona be Dirava ese Iesu Keriso ena siahu dekena amo, iseda lalona dekenai do ia gaukara, vadaeni Dirava hamoalea karadia do ita havaraia. Keriso dekenai hairai bada do ia noho ela bona hanaihanai. Amen.

IAMESI 3:2

Ita ibounai ese nega momo kerere ita karaia. To bema tau ta ese iena hereva dekena amo kerere ta ia karaia lasi, ia be goeva bona namo momokani. Ia ese iena tauanina ibounai ia biagua bona naria diba.

1 PETERO 5:10

Umui be nega sisina do umui hisihisi, vadaeni gabeai, hariharibada ibounai Diravana ese umui do ia hanamoa lou momokani, umui do ia haginia goada, bona emui abidadama do ia hagoadaia. Oibe, inai Dirava ese umui ia boiria vadaeni, iena noho hanaihanai hairaina Keriso Iesu danu do umui abia hebou totona.

2 PETERO 3:18

To iseda Lohiabada bona Hamauria Tauna Iesu Keriso ena hariharibada, bona iena diba, bona laloa diari lalonai do umui tubu daekau noho. Hairai diarina bona mataurai bada be iena, harihari ia lao bona hanaihanai. Amen.