FILIPI 3:10 - Buka Helaga (Hiri Motu) 1993

¹⁰ Lauegu ura bada be Keriso, bona iena toreisi lou siahuna do lau diba. Bona lau ura ia ese ia abia hisihisi be lau danu do lau abia, iena mase dalana dekenai danu lau ura do lau mase.

FILIPI 3:10 Iomraidhean Croise

IEREMIA 9:23

Lohiabada ia gwau, “Aonega taudia ese edia aonega dainai, do idia hekokoroku lasi. Goada taudia ese edia goada dainai, do idia hekokoroku lasi, bona kohu momo taudia ese edia kohu dainai, do idia hekokoroku lasi.

MATAIO 20:23

Iesu ma ia gwau, “Lauegu kapusi be do umui inua. To lauegu idiba kahanai bona lauegu lauri kahanai do idia helai taudia be lau ese do lau abia hidi lasi. Egu Tamana ese ia diba taudia dekenai do ia henidia.”

IOANE 10:18

Tau ta ese lauegu mauri ia kokia lasi, lau sibona lau atoa diho. Lau be mai siahu do lau atoa diho, bona mai egu siahu do lau abia lou. Inai bamona siahu be egu Tamana dekena amo lau abia vadaeni.”

IOANE 17:3

Mauri hanaihanai be inai: Idia ese oi Dirava momokani tamona do idia diba, bona Iesu Keriso, oi ese oi siaia tauna danu do idia diba.

ROMA 8:17

Bema ita be Dirava ena natuna neganai, ita ese Dirava ena bese taudia do idia abia hanamoa gaudia be ita danu do ita abia, bona Dirava ese Keriso ia henia hanamoa gaudia do ita abia danu. Badina bema Keriso danu ita hisihisi nega tamona, be ia danu iena hairaina do ita abia nega tamona.

ROMA 8:29

Dirava ese ia diba guna taudia ia abia hidi, iena Natuna ena toana do idia abia, bona iena Natuna ena tadina do idia lao. Vadaeni Keriso be edia gunalaia tauna do ia lao.

ROMA 8:36

Buka Helaga ia torea hegeregerena, ia gwau: “Ai be oi dainai dina ibounai idia alaia gwauraia ai, bona ai idia haboua noho, mamoe do idia haboua, alaia totona bamona.”

2 KORINTO 1:10

Bona ia ese mase dika momokani dekena amo ai ia hamauria vadaeni, bona ai do ia hamauria noho. Ai abidadama henia noho danu, vaira neganai ia ese ai do ia hamauria lou.

2 KORINTO 1:5

Badina be Keriso danu hisihisi ita abia ena bada hegeregerena, Dirava ena durua ita abia danu ia bada, Keriso dainai.

2 KORINTO 13:4

Momokani, ia be manoka dainai satauro dekenai ia mase, to Dirava ena siahu dainai hari ia mauri noho. Ai be ia danu ai hakapua dainai ai be manoka, to Dirava ena siahu dainai ai mauri noho Keriso danu. Bona inai siahu be umui emui huanai do ai gaukaralaia.

GALATIA 2:20

Lau be Keriso danu iena satauro dekenai lau mase vadaeni. To hari lau mauri noho, be lauegu mauri lasi, to Keriso be egu lalona dekenai ia mauri noho. Bona inai mauri, egu tauanina lalonai ia noho gauna, be Dirava ena Natuna lau abidadama henia dainai lau mauri noho. Ia ese lau ia lalokau henia, bona lau dainai iena mauri ia atoa diho.

GALATIA 6:17

Lauegu hereva dokona be inai: Tau ta ese lau dekenai hisihisi do ia henia lou lasi. Badina be lauegu kopina ena bero toana ese idia hedinaraia lau be Iesu ena hesiai tauna mai guia danu.

EFESO 4:13

Unai dekena amo ita ibounai iseda abidadama do ia tamona, bona iseda diba Dirava ena Natuna dekenai danu be tamona. Bona ita be tau badadia do ita halaoa, oibe, Keriso ena bada hegeregerena danu do ita abia gwauraia.

FILIPI 3:8

Oibe, inai gaudia sibona lasi, to gau ibounai lau laloa be anina lasi gaudia, inai mai anina bada gauna do lau abia totona, gauna be inai: Keriso Iesu, lauegu Lohiabada do lau diba momokani. Ia dainai gau ibounai lau negea vadaeni. Lau laloa idia be momoru, Keriso do lau abia momokani totona.

KOLOSE 1:24

Bona harihari, mai moale danu, umui dainai hisihisi lau davaria noho. Lau ura Keriso ena ekalesia, iena tauanina, do lau durua. Keriso ena hisihisi haida, ekalesia durua totona, be idia do noho. Vadaeni lauegu tauanina ena hisihisi dekena amo Keriso ena hisihisi, ia ore lasi gauna, lau karaia haorea gwauraia.

KOLOSE 2:13

Guna umui ese kerere idauidau umui karaia, bona emui tauanina ena ura dikadia umui karaia. Umui be Iuda lasi taudia, ma Taravatu danu umui badinaia lasi. Unai bamona umui dika dainai, emui lauma idia mase. To Dirava ese umui ia hamauria lou Keriso danu. Momokani, Dirava ese unai iseda dika ibounai ia gwauatao.

KOLOSE 3:1

Dirava ese Keriso danu umui ia hatorea isi lou mauri dekenai. Unai dainai guba gaudia abia totona do umui gaukara noho. Unuseni Keriso be Dirava ena idiba kahanai, helai gabuna badana latanai ia helai noho.

1 PETERO 1:3

Dirava, iseda Lohiabada Iesu Keriso ena Tamana do ita hanamoa bada. Iena bogahisihisi ia bada herea. Ia ese Iesu Keriso mase dekena amo ia hatorea isi lou. Bona unai dainai ita be matamata vadaeni, ita vara lou. Vadaeni mauri korikori ena ura namona laloa ese iseda lalona ia hahonua.

2 PETERO 1:13

Lau laloa inai bamona: Lau be do lau mauri noho neganai, inai gaudia umui dekenai do lau sisiba henia, umui hagoadaia totona. Inai be maoro.

1 IOANE 2:3

Bema Dirava ena taravatu herevadia ita kamonai henia neganai, unai anina be Dirava ita diba momokani.

1 IOANE 2:5

To Dirava ena hereva ia badinaia tauna ese Dirava ia lalokau henia noho, mai maoromaoro bona momokani danu. Bema tau ta ia hereva, ia gwau, “Lau be Dirava ena lalona dekenai lau noho,” vadaeni unai tau ese Keriso ena mauri dalana hegeregerena do ia noho be namo. Unai dala dekena amo do ita diba namonamo ita be Keriso ena lalona dekenai ita noho.

APOKALUPO 1:18

Lau be lau mauri noho. Guna be lau mase vadaeni, to harihari lau mauri noho, ma do lau noho ela bona hanaihanai. Mase ena ki, bona mase taudia edia gabu ena ki, be lauegu imana dekenai ia noho.