FILIPI 3:1 - Buka Helaga (Hiri Motu) 1993

¹ Vadaeni, lauegu varavara e, Lohiabada lalonai umui noho dainai, do umui moale. Inai hereva tamona umui dekenai lau torea lou, torea lou, lau hesiku lasi. Badina be inai bamona moale ese umui do ia hamauria.

FILIPI 3:1 Iomraidhean Croise

1 SIVARAI 15:28

Unai bamona, Israela taudia ibounai ese Lohiabada ena Taravatu Maua idia abia mailaia, mai moale ena boiboi, bona mai kibi idauidau, bona botaia gaudia edia regena danu, bona gita badadia bona maragidia edia regena namona danu.

1 SIVARAI 16:10

Ita be Lohiabada ena, unai dainai do ita moale bada noho. Lohiabada ena bese taudia ibounai e, ia dainai do ita moale be namo!

1 SIVARAI 29:22

Unai dainai unai dina dekenai Lohiabada ena vairanai idia aniani bona idia inuinu, mai edia moale bada danu. Unai neganai, nega iharuana dekenai, idia ese Solomona, Davida ena natuna tau, be king idia halaoa. Lohiabada ena ladana dekenai, edia bese ena king idia abia hidi, bona Sadoka danu be edia hahelagaia tauna idia abia hidi.

NEHEMIA 8:10

Nehemia ia gwau, “Umui emui ruma dekenai do umui lao, aniani namona do umui ania, uaina do umui inua. Bona edia aniani bona uaina be lasi taudia dekenai aniani bona uaina do umui henia. Badina hari dina be helaga, iseda Lohiabada ena dina. Unai dainai do umui lalohisihisi lasi, badina be Lohiabada dainai ita moale neganai, goada do ita abia.”

IOBU 22:26

Unai neganai, oi ese nega ibounai Dirava do oi abidadama henia, bona do oi davaria, ia be oiemu moale ena badina momokani.

SALAMO 149:2

Israela taudia ese, idia ia karaia Diravana do idia moalelaia. Siona taudia ese edia King do idia moalelaia be namo.

SALAMO 32:11

Kara maoromaoro taudia e, do umui moale! Lohiabada ena kara dainai do umui moale! Lohiabada umui kamonai henia taudia e, mai moale bada danu do umui boiboi.

SALAMO 33:1

Kara namo taudia e, Lohiabada ena vairanai do umui moale bada. Dirava idia kamonai henia taudia ese, ia dekenai idia hanamoa be namo.

SALAMO 37:4

Oiemu moale be Lohiabada dekena amo do oi tahua, vadaeni ia ese, oi ura henia gaudia oi dekenai do ia henia.

SALAMO 42:4

Guna neganai, nega namona lau abia dinadia, be lau laloa lou, vadaeni lalohisihisi dainai egu kudouna ia makohia bamona. Guna be taunimanima momo danu lau raka lao, Dirava ena Ruma lalonai lau hakaudia vareai. Ai ese mai moale bada bona boiboi danu, Dirava hanamoa ane ai abia. Unai bamona ai ese Lohiabada ena aria ai karaia.

SALAMO 5:11

To oi dekenai idia abidadama henia taudia, be do idia moale, do idia moale momokani ela bona hanaihanai. Oi ese oiemu ladana idia ura henia taudia ibounai, bona oi dekenai idia moale taudia, be do oi gimaia noho.

SALAMO 97:1

Lohiabada be King! Tanobada, do oi moale! Bona umui davara ena motumotu ibounai do umui moale bada!

ISAIA 41:16

Umui ese idia do oi negea daekau, bona lai ese idia do ia hodaia lao. Lai guba ese idia do ia kokia ore. Unai neganai do umui moale, badina lau be emui Dirava. Umui ese lau do umui hanamoa, lau be Israela ena Dirava Helagana dainai.

ISAIA 61:10

Ierusalema be ia moale bada noho, Lohiabada ese ia karaia vadaeni gaudia dainai. Ierusalema be headava matamata hahine bamona, iena headava totona dabua namona ia karaia noho. Dirava ese hamauria ena dabua, be Ierusalema dekenai ia atoa vadaeni. Kwalimu danu Lohiabada ese Ierusalema dekenai ia henia vadaeni.

ISAIA 65:14

Kamonai! Egu hesiai taudia ese ane do idia abia, edia moale be bada dainai, to umui, be emui lalohisihisi bada dainai, do umui taitai, mai boiboi bada danu, badina emui laumadia be do idia laloa hekwarahi momokani.

IOELA 2:23

“Siona taudia e, do umui moale. Lau Lohiabada, emui Dirava ese, umui totona lau karaia gaudia dainai do umui moale. Lau ese umui dekenai, medu hegeregerena lau henia vadaeni, uhe do umui hadoa totona. Bona lau ese medu momo umui dekenai lau siaia vadaeni, guna lau siaia hegeregerena.

SEPANAIA 3:14

Siona taudia e, mai moale bada danu ane do umui abia. Israela taudia e, do umui boiboi. Ierusalema taudia e, mai emui kudoudia ibounai do umui moale!

SEPANAIA 3:17

Lohiabada, emui Dirava be umui dekenai ia noho, bona iena siahu ese kwalimu umui dekenai ia henia noho. Lohiabada ese umui do ia moalelaia bada, bona iena lalokau dekena amo, mauri matamata umui dekenai do ia henia. Umui totona Dirava do ia moale, mai ena ane abia danu, guriguri dina badana dekenai idia karaia bamona.”

SEKARAIA 10:7

Israela taudia be tuari taudia goadadia bamona do idia lao, bona idia be do idia moale, uaina idia inua tatau bamona. Idia edia tubuna taudia ese, edia kwalimu do idia laloaboio lasi. Lohiabada ese ia karaia vadaeni gaudia dainai do idia moale.

MATAIO 5:12

Umui moale bada momokani, badina emui davana guba dekenai ia bada, badina be unai bamona danu, peroveta taudia gunadia be taunimanima ese idia dagedage henia.

LUKA 1:47

Lauegu laumana danu be Dirava, egu Hamauria Tauna dainai ia moale bada noho.

ROMA 5:11

To inai sibona lasi, Dirava ese ita ia hamoalea vadaeni, badina be iseda Lohiabada Iesu Keriso ese Dirava ena turana ita ia halaoa vadaeni.

2 KORINTO 13:11

Lauegu varavara e, hereva dokona be inai: Do umui moale, do umui namo momokani, do umui goada, do umui laloa tamona, maino lalonai do umui noho. Bona lalokau bona maino ena Dirava ese umui danu do ia noho.

EFESO 6:10

Lauegu hereva dokona be inai: Lohiabada ena siahu dekena amo do umui siahu, bona Lohiabada ena goada dekena amo do umui goada.

DEUTERONOMI 12:18

To inai gaudia umui ania diba, Lohiabada, emui Dirava, ena vairanai, Lohiabada emui Dirava ese ia abia hidi gabuna dekenai. Oibe, oi bona oiemu natuna, bona oiemu hesiai taudia, bona Levi taudia oiemu hanua dekenai idia noho ese Lohiabada ena gabu dekenai unai gaudia umui ania diba. Bona Lohiabada, emui Dirava ena vairanai, emui gaukara ibounai dainai do umui moale.

DEUTERONOMI 16:11

“Lohiabada ena vairana dekenai do umui moale, umui, bona emui natudia, emui hesiai taudia, bona emui hanua dekenai idia noho Levi taudia, idau bese taudia, tamana bona sinana lasi maragidia, bona vabu danu. Umui ibounai be Lohiabada ese ia abia hidi tomadiho gabuna dekenai do umui moale hebou.

FILIPI 3:3

To ita ese kopina utua kara korikori ita abia vadaeni, idia be lasi. Badina be Lauma Helaga dekena amo Dirava ita tomadiho henia noho, bona Keriso Iesu danu ita hakapua noho, bona tauanina ena toana gauna ita abidadama henia lasi.

FILIPI 4:4

Nega ibounai do umui moale, Lohiabada lalonai umui noho dainai. Ma lau gwau lou: Do umui moale.

FILIPI 4:8

Lauegu varavara taudia e, lauegu hereva orena be inai. Inai bamona karadia sibona do umui laloa: Kara namodia, taunimanima edia ladana idia hanamoa karadia, momokani karadia, bogahisihisi henia karadia, kara maoromaoro, kara goevagoeva, lalokau karadia, bona taunimanima namodia matauraia karadia.

1 TESALONIKA 4:1

Aiemai varavara taudia e, edena bamona do umui mauri Dirava hamoalea totona dalana, be umui dekenai ai hadibaia vadaeni. Oibe, bona inai mauri dalana umui badinaia noho. To hari Iesu ena ladana dainai, umui ai noia goadagoada, taunimanima edia vairanai, inai bamona mauri namona kara do umui habadaia.

1 TESALONIKA 5:16

Nega ibounai do umui moale.

IAMESI 1:2

Lauegu varavara taudia e, bema dibagani idauidau ese umui dekenai ia ginidae neganai, inai bamona do umui laloa be namo: Inai be moale gauna sibona.

1 PETERO 3:8

Egu hereva ena anina be inai: Umui ibounai mai lalona tamona danu do umui noho, umui ta ta dekenai durua do umui henia. Umui ta ta dekenai do umui lalokau henia, tadikaka bamona. Umui ta ta dekenai do umui bogahisihisi henia, do umui manau.

1 PETERO 4:13

Lasi, to Keriso danu umui hisihisi hebou dainai do umui moale. Badina be gabeai, Keriso ena hairai ia hedinaraia neganai, do umui moale bada herea.

2 PETERO 3:1

Lauegu lalokau taudia e, inai be lauegu revareva iharuana umui dekenai. Lauegu revareva ruaosi edia badina be inai: Umui emui lalodia do lau hagoadaia. Vadaeni mai emui laloa maoromaoro danu, lauegu hadibaia hereva ma do umui laloa lou.

1 SAMUELA 2:1

Unai neganai Hana be inai bamona ia guriguri: “Lohiabada ese lauegu kudouna ia hamoalea, lauegu goada ia bada, Lohiabada dainai. Lau dekenai idia dagedage taudia lau kirikirilaia. Lohiabada ese lau ia hamauria dainai lau moale.