FILIPI 2:9 - Buka Helaga (Hiri Motu) 1993

⁹ Unai dainai Dirava ese Keriso ia abia isi, gabu bada herea momokani ia henia. Bona ladana ta ia henia, inai ladana ese ladana ibounai ia hereaia.

FILIPI 2:9 Iomraidhean Croise

GENESE 3:15

Lau ese tuari do lau havaraia oi bona hahine emui huana dekenai. Taunimanima bona gaigai dohore idia tuari. Taunimanima ese oiemu kwarana do idia botaia, bona oi ese edia aena do oi koria.”

SALAMO 110:1

Lohiabada ese egu Lohiabada dekenai ia hamaoroa, ia gwau, “Lauegu idiba kahana dekenai do oi helai, ela bona oi dekenai idia tuari henia taudia, be oiemu aena atoa gauna dohore lau halaoa.”

SALAMO 110:5

Lohiabada be oiemu imana idibana kahana dekenai, ia ese oi ia hagoadaia noho. Iena badu dinana dekenai, ia ese king taudia do ia halusia.

SALAMO 89:27

Lau Lohiabada ese egu vara guna natuna ia do lau halaoa, bona ia be king badana momokani do ia lao, king ibounai ia ese do ai hereaia.

SALAMO 91:14

Dirava ia gwau, “Lau idia lalokau henia taudia, be lau ese do lau hamauria. Bona lau idia diba, bona edia Lohiabada dekenai lau idia abia dae taudia, be do lau naridia namonamo.

ISAIA 52:13

Lohiabada ia hereva, ia gwau, “Lauegu Hesiai Tauna be, iena gaukara lalonai do ia kwalimu. Ia ese mataurai bona hanamoa do ia davaria.

ISAIA 53:12

Unai dainai lau ese hanamoa bada ena gabu, be ia dekenai do lau henia. Ia be tau badadia bona siahu taudia danu do ia noho, badina ia ese iena mauri ia dogoatao lasi, to mai abidadama danu, iena mauri ia atoa diho, bona kerere taudia danu ia mase hebou. Ia ese taunimanima momo edia kara dika davana ia karaia, bona ia guriguri, idia edia kerere be lau Dirava ese do lau gwauatao totona.”

ISAIA 9:7

Iena King siahuna, be do ia bada daekau lao, bona iena basileia be nega ibounai, mai maino danu do ia noho. Ia ese Davida ena king siahuna do ia abia, bona ia ese Davida ena basileia, do ia haginia bona naria noho, mai kota maoromaorona, bona kara momokani danu, hari ela bona hanaihanai. Inai kara be Siahu Ibounai Lohiabada ese do ia karaia momokani.

DANIELA 7:14

Badana ese siahu bona mataurai bona dagi bada be unui Tau dekenai ia henia, bese ibounai bona iduhu ibounai bona gado ibounai taudia ese iena hesiai gaukara do idia karaia. Iena siahu be do ia noho hanaihanai, bona iena basileia be do ia doko diba lasi.

MATAIO 11:27

Ma Iesu ia gwau, “Gau ibounai be lauegu Tamana ese lau dekenai ia henia vadaeni. Tau ta lasi ese Natuna ia diba. Tamana sibona ese Natuna ia diba. Bona tau ta lasi ese Tamana ia diba. Natuna sibona ese Tamana ia diba. To bema Natuna ia ura tau ta dekenai Tamana ia hedinarai henia, be unai tau ese Tamana do ia diba.

MATAIO 28:18

Vadaeni Iesu ia raka kahirakahira idia dekenai, ia hereva henia idia dekenai, ia gwau, “Siahu ibounai guba dekenai bona tanobada dekenai be lau dekenai ia henia vadaeni.

LUKA 10:22

Gau ibounai be egu Tamana ese ia henia vadaeni lau dekenai. Tau ta be Natuna ia diba lasi, iena Tamana sibona. Bona tau ta be Tamana ia diba lasi, iena Natuna sibona. To bema Natuna ia ura tau ta dekenai Tamana ia hedinarai henia, be unai tau ese Tamana do ia diba.”

IOANE 13:3

Iesu danu ia diba iena Tamana ese gau ibounai iena imana dekenai ia henia vadaeni, ia diba danu Dirava dekena amo ia mai vadaeni, bona Dirava dekenai do ia lao.

IOANE 17:11

“Harihari lau be tanobada dekenai do lau noho lasi, idia be tanobada dekenai do idia noho, to lau be oi dekenai do lau mai. Egu Tamana Helaga e, lau dekenai oi henia taudia be oiemu ladana ena siahu dekena amo do oi dogoatao, vadaeni idia be do idia tamona, ita ruaosi ita tamona hegeregerena.

IOANE 17:12

Idia danu ai noho neganai, lau dekenai oi henia taudia lau naria, bona lau dogoatao, oiemu ladana dekenai idia noho. Lau naridia namonamo, idia ta ia boio lasi, dika ia davaria tauna sibona mo, Buka Helaga ena hereva hamomokania totona.

IOANE 17:5

Egu Tamana e, harihari oiemu hairai dekena amo do oi hanamoa lau dekenai, tanobada do ia vara lasi neganai, oiemu vairana dekenai lau abia hairaina.

APOSETOLO EDIA KARA 5:31

Bona Dirava ese danu Iesu ia abia daekau iena imana idibana dekenai. Dirava ese inai Iesu iseda Gunalaia Tauna bona Hamauria Tauna ia halaoa vadaeni, Israela taudia ese edia lalona do idia giroa, bona edia kara dika do ia gwauatao totona.

EFESO 1:10

Inai palani do ia haorea nega korikori ia ginidae neganai, Dirava ese do ia karaia haorea. Inai palani ena anina be, Dirava ia karaia gaudia ibounai, guba dekenai bona tanobada dekenai, be Keriso ese do ia biagua.

KOLOSE 1:18

Ia be ekalesia ena kwarana, bona ekalesia be iena tauanina. Ia be unai tauanina ena mauri badina. Ia be vara guna Natuna, Dirava ese mase dekena amo ia hatorea isi tau ginigunana, unai dainai ia sibona be gau ibounai edia kwarana momokani.

2 TESALONIKA 1:12

Inai dala dekena amo, Lohiabada Iesu ena ladana be taunimanima ese do idia hanamoa umui dainai. Bona umui danu Lohiabada ese do ia hanamoa, iseda Dirava, bona Lohiabada Iesu Keriso edia hariharibada dainai.

HEBERU 1:4

Dirava ena Natuna ese aneru ia hereaia. Iena ladana ese aneru edia ladana ia hereaia bamona, iena siahu ese danu edia siahu ia hereaia.

HEBERU 1:9

Oi ese kara maoromaoro oi ura henia, to kara dika be oi badu henia. Unai dainai lau Dirava, oiemu Dirava, ese oi lau abia hidi. Oiemu kwarana dekenai moale ena dehoro lau bubua, bona oi dekenai lau henia hanamoa, ese oiemu bamona taudia edia hanamoa ia hereaia momokani.”

HEBERU 12:2

Iseda matana be Iesu dekenai do ita negea lao. Ia ese iseda abidadama ia havaraia, bona ia ese iseda abidadama do ia durua, ela bona dokona. Iesu be satauro dainai ia hesiku lasi. Lasi momokani. Ia diba guba ena moale be iena vairanai ia noho dainai, ia ese satauro ena hemarai bona ena mase ia laloa lasi. Bona hari ia be Dirava ena helai gabuna badana ena idiba kahanai ia helai noho.

HEBERU 2:9

To harihari Iesu ita itaia, ladana bada ia abia vadaeni. Guna nega sisina sibona, ia be aneru henunai ia noho. Inai bamona kara ia vara ena badina be inai: Dirava ena hariharibada dekena amo, Iesu be taunimanima ibounai dainai do ia mase totona. Ia ese inai hisihisi bona mase ia abia dainai, Dirava ese hairai bona mataurai dekena amo Iesu ia hanamoa bada.

1 PETERO 3:22

Bona Keriso ese guba dekenai ia vareai vadaeni, Dirava ena idiba kahanai ia helai noho. Aneru bona lohia bona siahu taudia ibounai be Keriso henunai idia noho.

2 PETERO 1:17

Oibe, Tamana Dirava ese Keriso ena ladana ia hanamoa bada, bona hairai ia henia neganai, ai danu be unuseni ai noho. Unai neganai, hairai bada gabuna dekena amo Dirava ia hereva, ia gwau, “Inai be lauegu Natuna, lauegu lalokau, lau ese ia lau ura henia bada.”

3 IOANE 1:7

Badina be Keriso ena ladana dainai edia hanua idia rakatania, bona edia laolao totona, durua kara ta Keristani lasi taudia dekena amo idia abia dae lasi.

APOKALUPO 1:5

bona Iesu Keriso dekena amo danu. Ia be Dirava ena hereva ia gwauraia maoromaoro tauna namona. Ia be mase dekena amo ia toreisi lou vara guna tauna. Ia be tanobada ena king ibounai edia biaguna. Ia ese ita ia lalokau henia, bona iena rarana dekena amo iseda kara dika ia huria ore vadaeni.

APOKALUPO 11:15

Aneru namba 7 ese iena kibi ia hiriria. Vadaeni gado badadia guba dekenai idia hereva, idia gwau, “Tanobada biagua siahuna be iseda Lohiabada bona iena Keriso idia abia vadaeni. Bona Lohiabada ese tanobada do ia biagua momokani, ela bona hanaihanai.”

APOKALUPO 19:16

Unai gunalaia tauna ena dabua bona iena mamuna dekenai be iena ladana ia torea. Inai ladana be inai bamona: “King ibounai edia King, bona lohia ibounai edia Lohia.”

APOKALUPO 3:21

Kwalimu taudia dekenai be lau ese gwaumaoro do lau henia, vadaeni idia ese lau danu egu helai gabuna badana latanai do ai helai hebou. Unai bamona danu, guna lau be lau kwalimu, bona harihari egu Tamana danu, iena helai gabuna badana latanai ai helai hebou noho.

APOKALUPO 5:12

Idia boiboi goada, idia gwau, “Inai Mamoe ena Natuna, guna idia alaia mase, ia be hegeregere momokani siahu bona kohu momo do ia abia. Ia be hegeregere momokani aonega bada, bona goada bada, mataurai, hairai bona hanamoa bada do ia abia!”