FILIPI 2:6 - Buka Helaga (Hiri Motu) 1993

⁶ Ia be nega ibounai Dirava bamona ia noho. Oibe, Keriso be Dirava danu ia hegeregere, to ia laloa lasi unai bamona do ia noho, ia sibona do ia dogoatao gauna.

FILIPI 2:6 Iomraidhean Croise

ISAIA 7:14

Unai dainai Lohiabada sibona ese oi dekenai toa ta do ia henia, inai bamona: Kekeni ta, tau ia do diba lasi, be do ia rogorogo, natuna ta do ia havaraia, mero ta, bona iena ladana do idia atoa, Emanuela.

ISAIA 8:8

Io, inai Asuria tuari oreana be Iuda tano do idia vareai mai, abata bamona. Inai abata ese Iuda tano ibounai do ia koua, bona iena dobu be do ia daekau lao, ela bona taunimanima edia aiona dekenai bamona.” Dirava be ita dekenai ia noho! Iena hanina ia atodia maoromaoro noho, bona iseda tano idia naria noho.

ISAIA 9:6

Badina be ita totona natuna ta ia vara! Dirava ese ita dekenai, natuna mero do ia henia! Bona ia be iseda gunalaia tauna do ia lao, bona iena ladana do idia gwauraia, “Sisiba Henia Tauna Namo Herea,” “Siahu Bada Dirava,” “Hanaihanai Noho Tamana,” “Maino ena Lohia.”

IEREMIA 23:6

Ia be King neganai, Iuda taudia edia noho mauri be namo, bona Israela taudia be mai maino danu do idia noho. Bona idia ese inai King ena ladana do idia atoa, ‘Lohiabada be Iseda Kara Maoromaoro.’ ”

MIKA 5:2

Lohiabada ia gwau, “Betelehema Eparata, Iuda ena hanua ibounai edia huanai oi be maragi momokani. To oi dekena amo Lohia Badana ta do ia vara, bona ia ese Israela do ia biagua, egu ladana dekenai. Iena tubuna bona iena iduhu be gunaguna idia noho, ia mai bona hari danu.”

SEKARAIA 13:7

Siahu Ibounai Lohiabada ia gwau, “Tuari kaia e, oi noga, bona mamoe naria tauna, lau totona ia gaukara noho tauna, do oi tuari henia. Do oi alaia mase, vadaeni mamoe be gabu idauidau do idia heau boio. Lau ese egu bese taudia do lau heatu henia.

MATAIO 1:23

“Umui kamonai, tau ia diba lasi kekeni ese ena natuna do ia abia, mero ta. Iena ladana do idia atoa, Emanuela.” Emanuela ena anina be, “Dirava ita dekenai ia noho.”

IOANE 1:18

Matamaia neganai ia mai bona harihari tau ta ese Dirava ia itaia lasi. To iena Natuna tamona sibona, Tamana dekenai momokani ia noho Tauna, ia ese Dirava ena toana ita dekenai ia hedinaraia vadaeni.

IOANE 10:30

Lau bona egu Tamana, ai be tamona.”

IOANE 10:33

Iuda taudia idia gwau, “Kara namona ta totona do ai hodoa lasi oi, to Dirava ena ladana oi hadikaia dainai, badina oi be taunimanima sibona, to oi sibona be Dirava oi halaoa!”

IOANE 10:38

To iena kara be lau karaia noho. Bema lau umui abidadama henia lasi, namona be lau karaia gaudia do umui abidadama henia, vadaeni emui lalona be do idia kehoa, bona do umui diba lauegu Tamana be lauegu lalona dekenai ia noho, lau danu be egu Tamana ena lalona dekenai lau noho.”

IOANE 14:28

Lauegu hereva umui kamonai vadaeni, lau gwau do lau lao idau gabu dekenai, bona umui dekenai ma do lau giroa mai. Bema lau umui lalokau henia, egu Tamana dekenai do lau lao herevana do umui moalelaia, badina egu Tamana ese lau ia hereaia.

IOANE 14:9

Iesu ia gwau, “Filipo e, lau be nega daudau umui danu lau noho vadaeni, umui diba lasi lau, a? Lau ia itaia tauna ese egu Tamana danu ia itaia. To edena bamona, oi gwau, ‘Tamana do oi hedinaraia ai dekenai?’

IOANE 17:5

Egu Tamana e, harihari oiemu hairai dekena amo do oi hanamoa lau dekenai, tanobada do ia vara lasi neganai, oiemu vairana dekenai lau abia hairaina.

IOANE 20:28

Toma ese ia haere henia, ia gwau, “Egu Lohiabada! Egu Dirava!”

IOANE 5:18

Unai hereva dainai Iuda taudia idia ura be Iesu idia alaia mase, badina ia be Sabati ia hadikaia. Unai sibona lasi, ia danu ia gwau Dirava be iena Tamana momokani, ia sibona Dirava danu ia hegeregere ia gwauraia.

IOANE 5:23

Unai dainai taunimanima ibounai ese Natuna do idia matauraia, Tamana idia matauraia hegeregerena. Natuna ia matauraia lasi tauna ese Tamana danu ia matauraia lasi, badina be Dirava sibona ese Natuna ia siaia vadaeni.

ROMA 9:5

Edia sene taudia be Heberu tau badadia, ma danu Keriso be idia edia huanai iena tauanina dekenai ia vara, badina ia be edia bese tauna ta. Keriso be Dirava, bona ia be gau ibounai edia biaguna. Nega ibounai iena ladana do ita hanamoa. Amen.

2 KORINTO 4:4

Oibe, idia abidadama henia diba lasi, badina be inai tanobada ena dirava ese edia lalona ia koua, dibura dekena amo. Vadaeni Keriso ena hairaina bona iena Sivarai Namona ena diari idia itaia diba lasi. Keriso be Dirava ena toana momokani Tauna.

2 KORINTO 8:9

Badina be iseda Lohiabada Iesu Keriso ena hariharibada umui diba vadaeni. Ia be kohu momo tauna, to umui durua totona ogogami tauna bamona ia lao, iena ogogami dekena amo umui ese kohu momo do umui abia totona.

1 TIMOTEO 1:17

Dirava be Noho Hanaihanai King, ia mase diba lasi, matana dekenai ita itaia diba lasi, ia sibona mo be Dirava. Ia do ita matauraia, bona ia do ita hanamoa bada, harihari ia lao bona hanaihanai. Amen.

1 TIMOTEO 3:16

Momokani, Dirava ena dala ita badinaia, be hunia gauna badana, ani? Bona Dirava ese inai hereva ena anina be ita dekenai ia hedinaraia, inai bamona: Taunimanima edia tauanina dekenai Keriso ia hedinarai, Lauma Helaga ese iena kara maoromaoro momokani ia gwauraia. Aneru ese ia idia itaia. Bese ibounai edia huanai ia idia harorolaia. Tanobada taudia ese ia idia hamomokania, bona idia ese ia idia abidadama henia. Guba dekenai Dirava ese ia abia daekau, bona ia ese ladana bada momokani ia abia.

TITO 2:13

Bona inai hariharibada ese danu ita ia hadibaia vadaeni, Keriso do ita abidadama henia, bona iena gwauhamata ena anina do ita naria, mai moale bada danu. Oibe, ita ese Dirava badana bona iseda Hamauria Tauna Iesu Keriso edia hairai do ia hedinarai Dinana do ita naria noho.

HEBERU 1:3

Inai Natuna be Dirava ena hairaina ena diari, bona iena toana be Dirava ena toana hegeregerena momokani. Iena hereva be mai siahu bada danu. Inai siahu dekena amo, ia ese tanobada bona guba ibounai ia naria, bona ia haheaua noho. Ia ese taunimanima edia kara dika ia huria ore, vadaeni Dirava, Siahu Momokani Diravana ena idiba kahanai ia helai diho, guba dekenai.

HEBERU 1:6

To Dirava ese iena Natuna vara guna be tanobada dekenai ia mailaia neganai, ia gwau: “Dirava ena aneru ibounai, be lauegu Natuna dekenai do idia tomadiho.”

HEBERU 1:8

To Dirava ese iena Natuna inai bamona ia herevalaia, ia gwau: “Dirava e, oiemu King dagina ia noho hanaihanai. Oiemu Basileia, mai maoromaoro danu do oi biagua.

HEBERU 13:8

Iesu Keriso be varani bona hari ia idau lasi. Bona do ia idau lasi, ela bona hanaihanai.

APOKALUPO 21:6

Ma ia gwau, “Ia ore vadaeni! Lau be Matamana bona Dokona, lau be gau ibounai edia badina, bona egu gaukara ibounai be do lau karaia haorea. Bema tau ta ia ranu mase, lau be ranu do lau henia, davana lasi. Inai ranu be lohilohi gabuna dekena amo ia daekau noho mauri ranuna.