FILIPI 2:5 - Buka Helaga (Hiri Motu) 1993

⁵ Keriso Iesu ena laloa bamona umui danu do umui laloa be namo.

FILIPI 2:5 Iomraidhean Croise

MATAIO 11:29

Egu huaia auna be emui pagana dekenai do umui atoa, lau dekenai diba do umui tahua, badina lau be dagedage lasi bona manau tauna. Vadaeni emui laumana be do idia laga-ani.

LUKA 22:27

Badana be daika, aniani gabuna dekenai do ia helai diho tauna, o hesiai tauna? Aniani gabuna dekenai ia helai diho tauna, ani? To lau be umui emui huanai lau noho, emui hesiai tauna bamona.

APOSETOLO EDIA KARA 10:38

Inai hereva be Iesu, Nasareta tauna, ena hereva. Dirava ese iena Lauma Helaga dekena amo Iesu ia hasiahua, bona ia lao gabu idauidau, kara namodia ia karaia, bona ia ese Diabolo ia hadikaia taudia ibounai ia hanamodia, badina be Dirava ia noho ia dekenai.

APOSETOLO EDIA KARA 20:35

Inai egu kara dekena amo, umui dekenai lau hadibaia vadaeni, dala namona be, do umui gaukara goada, manoka taudia do umui durua. Bona Lohiabada Iesu ena hereva do umui laloatao, ia gwau, ‘Henia kara ena moale be bada, abia kara ena moale be maragi.’ ”

ROMA 14:15

Bema oiemu aniani gauna dekena amo oiemu varavara tauna ena lalona oi hadikaia neganai, oi be lalokau dalana oi karaia lasi. Keriso be unai tau totona ia mase, vadaeni oi ese oiemu aniani gauna dekena amo do oi hamasea lasi.

ROMA 15:3

Badina be Keriso ese sibona ena namo ia tahua lasi, Buka Helaga dekenai ia torea hegeregerena, ia gwau: “Edia hereva dekenai oi idia hadikaia taudia ese lau danu idia hadikaia vadaeni.”

ROMA 15:5

Vadaeni Dirava, haheauka bona goada ia henia Diravana ese umui emui lalona do ia hatamonaia, Iesu Keriso ena kara umui karaia noho dainai.

1 KORINTO 10:33

Lauegu kara bamona do umui karaia. Lauegu kara ibounai be, taunimanima ibounai ese lau do idia ura henia totona lau karaia. Lauegu namo lau tahua lasi, to ibounai edia namo lau tahua noho, mauri do idia davaria totona.

EFESO 5:2

Lalokau ena dala dekenai do umui mauri noho, Keriso ese ita ia lalokau henia bamona, bona ia sibona ena mauri ia atoa diho ita dainai. Iena mauri ia henia, be boubou gauna mai bonana namona Dirava ena vairanai.

FILIPI 1:1

Paulo bona Timoteo, ai be Keriso Iesu ena hesiai taudia, ai ruaosi inai revareva ai torea inai. Leta be umui Dirava ena taudia Filipi dekenai, umui Keriso Iesu lalonai umui noho taudia, mai emui gunalaia taudia bona durua taudia dekenai danu.

1 PETERO 2:21

Dirava ese umui ia boiria, unai bamona do umui hisihisi totona. Badina be Keriso ese umui dainai hisihisi ia abia. Vadaeni iena kara toana umui dekenai ia hedinaraia, iena murinai do umui raka totona. Iena aena gabudia dekenai do umui raka.

1 PETERO 4:1

Keriso ese iena tauanina dekenai hisihisi ia abia dainai, umui ese iena laloa hegeregerena do umui laloa be namo. Inai bamona umui laloa neganai, goada do umui davaria. Badina be iena tauanina ia hisihisi noho tauna ese kara dika ia rakatania vadaeni.