FILIPI 2:3 - Buka Helaga (Hiri Motu) 1993

³ Umui sibona emui ladana do umui habadaia gwauraia lasi, bona do umui hekokoroku lasi. To umui ibounai ta ta dekenai do umui manau. Umui ta ta nega ibounai inai bamona do umui laloa, “Haida be idia namo herea, to lau be namo lasi.”

FILIPI 2:3 Iomraidhean Croise

AONEGA HEREVADIA 13:10

Hekokoroku ese heai bona heatu ia havaraia noho, to aonega tauna ese sisiba ia tahua noho.

LUKA 18:14

“Lau hamaoroa umui dekenai, unai tau be iena ruma dekenai ia giroa lou, mai ena lalona maoro Dirava ena vairana dekenai, to inai Farisea tauna be lasi. Badina be sibona ia hekokoroku tauna be henunai do ia noho, to sibona ia manau tauna be do idia hanamoa.”

ROMA 12:10

Umui ta ta do umui lalokau henia, tadikaka edia lalokau ta ta dekenai bamona. Umui ta ta dekenai danu do umui matauraia.

ROMA 13:13

Iseda kara do ita naria namonamo, iseda raka be dina dekenai do ita raka. Do ita lebulebu lasi, do ita inua kekero lasi, do ita heudahanai lasi, do ita sihari kava lasi, do ita heai lasi, do ita mama lasi.

ROMA 2:8

To haida be idia sibona edia namo idia tahua, bona hereva momokani idia negea, kara kerere do idia karaia totona. Inai bamona taudia ese Dirava ena badu bona iena panisi do idia davaria.

1 KORINTO 15:9

Badina be aposetolo ibounai ese lau idia hereaia, lau be namo lasi aposetolo tauna lau idia gwauraia. Badina be Dirava ena ekalesia oreana lau dagedage henia.

1 KORINTO 3:3

Badina korikori be, umui be tauanina ena ura kara umui do karaia noho. Oibe, mama bona heai be umui emui huanai idia do noho. Idia do noho dainai, umui hedinaraia umui be tauanina umui abidadama henia noho, emui kara be tanobada taudia edia kara sibona.

2 KORINTO 12:20

Lau be lau gari, do lau ginidae neganai, umui do lau davaria, lauegu ura hegeregerena lasi. Umui ese danu lau do umui davaria, umui emui ura hegeregerena lasi. Vadaeni heai, mama, badu, dagedage, samania koikoi, maumau, hekokoroku bona laloa tamona hadikaia kara, inai kara ibounai do idia vara garina.

GALATIA 5:15

To lauegu sisiba do umui kamonai namonamo. Bema umui ta ta umui hadikaia bona heatu henia neganai, do umui naria namonamo, umui sibona do umui haorea garina.

GALATIA 5:26

Ita hekokoroku lasi, ita ta ta ita habadua lasi, bona ita ta ta dekenai kohu totona ita mama henia lasi.

EFESO 4:2

Nega ibounai do umui manau, do umui manada, bona do umui haheauka. Bema haida ese metau umui dekenai idia henia neganai, idia do umui lalokau henia noho.

EFESO 5:21

Keriso umui matauraia dainai, umui ibounai ta ta dekenai do umui matauraia.

FILIPI 2:14

Gau ibounai umui karaia neganai, do umui maumau lasi o hepapahuahu lasi.

KOLOSE 3:12

Umui be Dirava ena taudia, ia ese umui ia lalokau henia, bona umui ia abia hidi, iena. Unai dainai inai bamona karadia, dabua bamona do umui atoa: Bogahisihisi, durua, manau, manada bona haheauka.

KOLOSE 3:8

To harihari inai gaudia umui negea momokani: Badu, dagedage, laloa dika. Hereva dika bona hereva mirodia do umui gwauraia lasi.

1 TIMOTEO 6:4

do ita diba unai tau be hekokoroku tauna. Ia be gau ta ia diba lasi. Ia ese hepapahuahu bona heai sibona ia ura henia kava. To unai dekena amo idia vara gaudia be inai: Mama, heai, hereva dika, laloa dikadia.

1 PETERO 3:8

Egu hereva ena anina be inai: Umui ibounai mai lalona tamona danu do umui noho, umui ta ta dekenai durua do umui henia. Umui ta ta dekenai do umui lalokau henia, tadikaka bamona. Umui ta ta dekenai do umui bogahisihisi henia, do umui manau.

1 PETERO 5:5

Eregabe taudia e, umui ese gunalaia taudia do umui kamonai henia. Umui ibounai do umui laloa manau, vadaeni umui ta ta dekenai durua do umui henia. Badina be Buka Helaga ia gwau: “Dirava ese hekokoroku taudia edia dala ia koua, to manau taudia dekenai iena hariharibada ia henia.”