FILIPI 2:2 - Buka Helaga (Hiri Motu) 1993

² Unai dainai umui lau noia, lauegu moale do umui habadaia momokani inai kara dekena amo: Emui lalona do idia tamona, emui lalokau be tamona, bona emui lauma danu tamona.

FILIPI 2:2 Iomraidhean Croise

SALAMO 122:8

Lau ese egu turana bona egu varavara lau laloa noho, bona Ierusalema dekenai lau hereva, lau gwau, “Maino be oiemu lalona dekenai do ia noho be namo.”

IOANE 3:29

Headava matamata hahine be headava matamata tauna ese ia biagua. To headava matamata tauna ena turana be ia gini noho, ia kamonai noho, vadaeni headava matamata tauna ena gadona ia kamonai neganai ia moale bada. Unai dainai, lauegu moale be ia momokani vadaeni.

APOSETOLO EDIA KARA 1:14

Idia ibounai be, nega momo guriguri totona idia haboua, mai edia lalona tamona, hahine haida danu idia dekenai idia haboua, bona Maria, Iesu ena sinana, bona Iesu ena tadina taudia danu.

APOSETOLO EDIA KARA 2:1

Pentekoste ena dina ia ginidae neganai, Iesu idia abidadama henia taudia ibounai gabu tamona dekenai idia haboua.

APOSETOLO EDIA KARA 2:46

Dina ibounai mai laloa tamona danu Dubu Helaga lalonai idia haboua, bona edia ruma dekenai idia aniani hebou, mai moale bona mai laloa manau danu.

APOSETOLO EDIA KARA 5:12

Toa kara bona hoa kara momo aposetolo taudia idia karaia hanua taudia edia vairana dekenai, bona ibounai Dubu Helaga dekenai idia haboua noho, Solomona ena Dehe lalonai, mai edia lalona tamona danu.

ROMA 12:16

Do umui noho hebou mai moale bona lalona tamona danu. Umui sibona do umui habadaia lasi, to manau taudia danu do umui noho hebou. Umui sibona emui aonega do umui hekokorokulaia lasi.

1 KORINTO 1:10

Lauegu varavara taudia e, iseda Lohiabada Iesu Keriso ena ladana dainai umui lau noia, umui parara lasi. Hereva tamona do umui gwauraia, bona do umui gaukara hebou mai lalona tamona danu.

2 KORINTO 13:11

Lauegu varavara e, hereva dokona be inai: Do umui moale, do umui namo momokani, do umui goada, do umui laloa tamona, maino lalonai do umui noho. Bona lalokau bona maino ena Dirava ese umui danu do ia noho.

2 KORINTO 2:3

Umui emui kara be, lau umui ura hamoalea, unai dainai lau ura lasi umui dekenai lau mai, lalohisihisi do umui davaria garina. Unai lau laloa dainai, unai egu revareva gunana umui dekenai lau torea. Badina be lau diba momokani, bema gau ta totona lau moale neganai, umui danu inai gau totona do umui moale.

2 KORINTO 7:7

Oibe, Tito ia ginidae dainai ai moale. To inai sibona lasi dainai, ai moale bada ena badina ta danu be, Tito ia gwau umui ese ia umui abia dae namo herea. Bona Tito ese ai ia hamaoroa, umui ura bada lau do umui itaia. Lau dainai umui tai, bona lau umui lalokau noho, bona lau umui badinaia noho, inai hereva ia gwauraia neganai, lauegu moale be ia bada momokani.

FILIPI 1:4

Bona umui totona lau noinoi neganai, lauegu guriguri be mai moale danu,

FILIPI 2:16

Mauri sivaraina be idia dekenai do umui hedinaraia, vadaeni Keriso ena dinana dekenai lau be do lau moale. Do lau gwau, “Lau gaukara kava lasi, bona lau hekwarahi kava lasi.”

FILIPI 2:20

Badina be lau dekenai ta ia noho lasi Timoteo hegeregerena, iena laloa bona lauegu laloa be tamona. Bona ia ura bada umui do ia durua.

FILIPI 4:2

Euodia bona Sunutuke e, umui lau noia, umui be Lohiabada ena hahine taudia dainai, do umui laloa tamona be namo.

KOLOSE 2:5

Badina be lauegu tauanina be umui dekenai ia noho lasi, to lauegu laumana be umui danu ia noho. Bona lau moale danu, badina emui gaukara be maoromaoro, bona Keriso umui abidadama henia mai goada, bona mai emui lalona tamona danu.

2 TESALONIKA 2:13

Aiemai varavara taudia e, ai be umui dainai nega ibounai Dirava ai hanamoa. Badina be Dirava ese umui ia abia hidi guna, mauri umui abia totona. Bona hereva momokani umui abidadama henia dainai, Lauma Helaga ena siahu dekena amo, Dirava ese iena helaga taudia umui ia halaoa vadaeni.

2 TIMOTEO 1:4

Oiemu tai lau laloa, bona lau ura bada oi do lau itaia, do lau moale bada totona.

FILEMONA 1:20

Unai dainai, lauegu tadina e, mani emu kara egu noinoi do oi abia dae, Lohiabada ena ladana dainai. Lauegu lalona do oi hamoalea, Keriso lalonai ita be tadikaka dainai.

2 IOANE 1:4

Mai moale bada danu hereva lau kamonai, oiemu natuna haida ese hereva momokani ena dala dekenai idia raka noho. Inai bamona idia karaia be Tamana Dirava ese ita dekenai ia henia oda hegeregerena.

3 IOANE 1:4

Bema lau kamonai, egu natuna Keristani taudia ese Dirava ena hereva momokani ena dala dekenai idia raka noho, vadaeni lau moale bada herea. Moale ta ese unai moale ia hereaia diba lasi.