FILIPI 2:12 - Buka Helaga (Hiri Motu) 1993

¹² Lauegu lalokau taudia e, umui dekenai lau noho neganai lau umui kamonai henia. Vadaeni harihari umui dekenai lau noho lasi neganai danu lau do umui kamonai henia, inai be gau badana. Mai gari bona mai heudeheude danu emui hamauria do umui tahua noho.

FILIPI 2:12 Iomraidhean Croise

ESERA 10:3

Namona be ita ese iseda Dirava dekenai do ita gwauhamata, inai hahine ibounai, mai edia natudia danu do ita negea, bona siaia lao. Ai ese oi, bona Dirava ena oda idia gari henia taudia, emui sisiba hereva do ai kamonai henia. Ai ese Dirava ena Taravatu do ai karaia.

SALAMO 119:120

Lohiabada e, oi garina lau gari noho. Oiemu kota henia karadia lau laloa neganai, lau gari.

SALAMO 2:11

Lohiabada do umui tomadiho henia, mai emui gari danu, Mai heudeheude danu Lohiabada do umui hanamoa.

AONEGA HEREVADIA 10:16

Kara maoromaoro taudia ese, edia gaukara davana be mauri abia totona idia henia, to kara dika taudia edia gaukara davana ese, edia dika ia habadaia noho.

AONEGA HEREVADIA 13:4

Lahedo tauna ese gau ia ura dikadika, to gau ta ia abia lasi. Gaukara auka tauna ese, ia ura henia gaudia ibounai do ia davaria.

ISAIA 66:2

Inai lauegu imana ese, tanobada bona guba ibounai idia karaia vadaeni, ani? Unai dainai inai gaudia ibounai be lauegu!” Ma Lohiabada ia gwau, “To lau ese lau ura henia tauna be inai: Ia laloa manau noho tauna, bona iena dika dainai iena lalona ia giroa tauna. Lau dekenai ia gari, bona lau dekenai ia kamonai henia tauna, be lau ese lau ura henia noho.

ISAIA 66:5

Lohiabada ena hereva umui gari henia noho taudia e, Lohiabada ena hereva do umui kamonai, badina ia gwau, “Umui ese lau umui badinaia noho dainai, emui bese taudia haida ese umui idia badu henia noho, bona umui dekena amo idia gini siri noho. Idia ese umui idia kirikirilaia noho, idia gwau, ‘Namona be Lohiabada ese iena hairaina do ia hedinaraia, unai neganai emui moale do ai itaia.’ To inai bamona kiri taudia ese, hemarai bada do idia davaria!

MATAIO 11:12

Ioane Bapatiso ese iena haroro ia hamatamaia ia mai bona harihari, Guba Basileia abia totona be taunimanima ese idia heatu henia noho, bona heatu taudia ese idia ura dogoatao momokani.

MATAIO 11:29

Egu huaia auna be emui pagana dekenai do umui atoa, lau dekenai diba do umui tahua, badina lau be dagedage lasi bona manau tauna. Vadaeni emui laumana be do idia laga-ani.

APOSETOLO EDIA KARA 16:29

Dibura ruma gima tauna ia boiboi lamepa idia mailaia, bona ia heau vareai haragaharaga. Mai heudeheude danu Paulo bona Sila edia aena badinai ia moru diho.

APOSETOLO EDIA KARA 9:6

To oi toreisi, hanua lalonai oi raka vareai, unuseni tau ta ese oi do ia hamaoroa dahaka do oi karaia.”

ROMA 2:7

Taunimanima haida ese kara namo idia karaia noho nega ibounai. Idia ese Dirava ena hairai, iena hanamoa, bona iena doko diba lasi maurina idia tahua noho nega ibounai. Inai bamona taudia dekenai be Dirava ese mauri hanaihanai do ia henia.

1 KORINTO 15:58

Unai dainai, lauegu varavara taudia e, egu lalokau, do umui gini goada, do umui marere lasi. Nega ibounai Lohiabada ena gaukara do umui karaia goadagoada. Badina be umui diba Lohiabada ena gaukara lalonai, emui hekwarahi be hekwarahi kava lasi momokani.

1 KORINTO 2:3

Unai dainai umui emui huanai lau noho neganai lau be goada lasi. Lau gari, bona lau heudeheude momo.

1 KORINTO 4:14

Inai hereva lau torea lasi umui be do umui hemarai totona. Lasi, to umui be lauegu natuna, lauegu lalokau dainai, lau ura umui lau sisiba henia.

2 KORINTO 7:15

Tito ese umui ia lalokau henia bada, bona iena lalokau ia bada lao noho. Badina be ia laloatao noho, umui ese iena hereva umui kamonai henia momokani. Bona umui ese ia umui abia dae, mai emui gari bona mataurai danu.

EFESO 6:5

Hesiai mai guia taudia e, umui emui biaguna tanobada dekenai do umui kamonai henia mai gari bona mai heudeheude danu. Edia hesiai gaukara do umui karaia mai emui lalona ibounai danu, Keriso ena hesiai gaukara umui karaia bamona.

FILIPI 1:27

Gau badana be inai: Keriso ena Sivarai Namona ena dala hegeregerena do umui mauri noho. Vadaeni umui dekenai lau noho, o umui dekenai lau noho lasi neganai, do lau diba umui gini goada noho. Bona do lau diba, mai emui laloa tamona bona ura tamona, Sivarai Namona abidadama henia totona do umui tuari hebou noho.

FILIPI 1:29

Dirava ese iena hariharibada umui dekenai ia henia, Keriso dekenai do umui abidadama henia totona. To inai sibona lasi. Dirava ese danu hariharibada umui dekenai ia henia, Keriso dainai do umui hisihisi totona.

FILIPI 1:5

badina be umui ese lau umui durua noho, Sivarai Namona do lau harorolaia totona. Emui durua ia doko lasi, umui matamaia dinana ia mai bona hari.

FILIPI 1:6

Bona lau diba momokani, inai gaukara namona umui lalonai ia hamatamaia Diravana ese unai gaukara do ia naria noho, ela bona ia karaia haorea Keriso Iesu ia giroa mai dinana dekenai.

FILIPI 2:19

Lohiabada bema ia ura neganai, lau laloa nega daudau lasi lalonai Timoteo umui dekenai do lau siaia. Vadaeni emui sivarai do lau kamonai, bona egu lalona do ia moale.

FILIPI 4:1

Unai dainai, lauegu Keristani varavara taudia e, egu lalokau taudia, umui lau laloa momo, mai bogahisihisi danu. Umui lau ura henia, bona umui dainai lau moale, badina umui be lauegu dagi ena toana. Lalokau taudia e, Lohiabada danu umui hakapua dainai, do umui gini goada noho.

FILIPI 4:15

Filipi taudia e, umui diba, Sivarai Namona gwauraia loaloa lau hamatamaia neganai, Makedonia lau rakatania murinai, ekalesia orea ta ese lau ia durua lasi, umui sibona. Oibe, umui sibona ese moni hegeregere lau dekenai umui henia.

1 TESALONIKA 1:3

Ai be Tamana Dirava ena vairanai, emui abidadama bona emui kara namodia ai herevalaia. Iesu Keriso umui lalokau henia bada dainai, umui gaukara noho mai goada danu. Mai laloa goada danu, iseda Lohiabada Iesu Keriso umui naria noho danu.

2 TIMOTEO 2:10

Unai dainai, hisihisi ibounai lalonai lau haheauka, Dirava ese ia abia hidi vadaeni taudia do lau durua totona. Badina be lau ura idia danu ese Keriso Iesu ia mailaia hamauria namona do idia davaria. Inai hamauria ena hairaina be do ia noho ela bona hanaihanai.

HEBERU 12:1

Bona ita be edena bamona? Ita idia itaia noho taudia momo herea ese ita idia hagegea noho. Abidadama dalana ita dekenai idia ese idia hedinaraia vadaeni. Unai dainai, namona be ita idia hametaua gaudia ibounai, bona ita idia guia noho kara dikadia do ita negea momokani. Vadaeni iseda vairana dekenai ia noho heau helulu, be mai haheauka danu do ita heau goada.

HEBERU 4:1

Dirava ena gwauhamata ia do noho, gauna be inai: Ita be iena laga-ani dekenai do ita vareai. Unai dainai, namona be unai laga-ani totona do ita naria namonamo noho mai gari danu, umui ta do ia vareai hegeregere lasi garina.

HEBERU 4:11

Unai dainai, mai iseda goada ibounai, Dirava ena laga-ani do ita vareai toho. Bona ita ibounai ese Dirava ena hereva do ita utua lasi, gunaguna idia utua bamona, ita ta do ia boio garina.

HEBERU 5:9

Ela bona ia be namo momokani vadaeni, iena namo ese ibounai edia namo ia hereaia. Unai dainai ia be hegeregere vadaeni, ia dekenai idia kamonai henia taudia ibounai dekenai, be mauri hanaihanai do ia henidia. Dirava ese inai dala ia havaraia.

1 PETERO 2:11

Lauegu lalokau taudia e, umui be inai tanobada dekenai umui noho, idau taudia bona hanua lasi taudia bamona. Unai dainai, umui lau noia, tauanina ena ura dikadia do umui karaia lasi. Inai ura dikadia ese emui lauma idia tuari henia noho.

2 PETERO 3:18

To iseda Lohiabada bona Hamauria Tauna Iesu Keriso ena hariharibada, bona iena diba, bona laloa diari lalonai do umui tubu daekau noho. Hairai diarina bona mataurai bada be iena, harihari ia lao bona hanaihanai. Amen.