FILIPI 2:1 - Buka Helaga (Hiri Motu) 1993

¹ Keriso ese emui mauri ia naria dainai, goada umui abia noho, ani? Keriso ena lalokau ese lalo namo umui ia henia, ani? Keriso ena Lauma ena mauri lalonai umui noho, ani? Umui ibounai ta ta dekenai bogahisihisi bona durua umui henia noho, ani?

FILIPI 2:1 Iomraidhean Croise

SALAMO 133:1

Bema Dirava ena taudia do idia noho hebou, mai edia laloa tamona neganai, unai kara be namo, bona mai ena moale danu.

ISAIA 16:11

Unai dainai, Moaba dainai, egu kudouna ia tai noho, gita badana ese ia tai bamona. Kiri Haresete danu dainai lau tai noho.

LUKA 2:25

Tau ta Ierusalema dekenai ia noho, iena ladana be Simeona. Ia be kara maoromaoro tauna bona Dirava dekenai ia gari tauna. Ia be Israela dekenai Hamauria Tauna ia naria noho, bona ia be Lauma Helaga ese ia hahonua.

IOANE 14:18

“Lau be do lau rakatania lasi umui, sibona umui noho. Lau be umui dekenai do lau mai.

IOANE 14:27

“Maino umui dekenai lau rakatania, lauegu maino lau henia umui dekenai. Tanobada ese ia henia maino bamona lasi, be lau ese lau henia umui dekenai. Umui laloa hekwarahi lasi, bona umui gari lasi.

IOANE 17:13

Harihari lau mai oi dekenai. To tanobada dekenai lau noho neganai, inai hereva lau gwauraia, lauegu moale ese edia kudoudia do ia hahonua momokani totona.

APOSETOLO EDIA KARA 2:46

Dina ibounai mai laloa tamona danu Dubu Helaga lalonai idia haboua, bona edia ruma dekenai idia aniani hebou, mai moale bona mai laloa manau danu.

APOSETOLO EDIA KARA 4:32

Abidadama taudia ibounai mai kudouna tamona bona mai lalona tamona danu idia noho. Bona tau ta ia laloa lasi iena gau be iena sibona, to edia gau ibounai be idia haria, ibounai edia.

ROMA 5:5

Inai bamona Dirava ita naria noho neganai, ita naria kava lasi, badina be Dirava ese iena Lauma Helaga ita dekenai ia henia vadaeni. Inai Lauma ese Dirava ena lalokau iseda kudouna lalonai ia atoa. Unai dainai ita ese taunimanima ita lalokau henia momokani.

ROMA 8:26

Lauma Helaga danu ia mai, ita goada lasi taudia ia durua noho. Ita be guriguri dala maorona ita diba lasi. Unai dainai Lauma Helaga ese ita totona ia noinoi Dirava dekenai, mai taitai bada danu. Iena noinoi herevadia be taunimanima idia gwauraia diba lasi gaudia.

1 KORINTO 12:13

Oibe, ita ibounai Lauma tamona lalonai ita idia bapatisoa, vadaeni tauanina tamona ita lao vadaeni. Ita be Iuda taudia, Iuda lasi taudia, idia guia taudia, bona ura kwalimu taudia. To Dirava ese ita ibounai dekenai Lauma tamona ia henia vadaeni, ia dekena amo ita inua totona.

1 KORINTO 15:31

Lauegu varavara taudia e, dina ibounai lau idia alaia mase gwauraia, to lau gari lasi. Inai bamona lau hereva ena badina be dahaka? Badina korikori be, umui bona lau be Keriso Iesu iseda Lohiabada lalonai ita mauri noho, bona umui lau heagilaia dainai.

1 KORINTO 3:16

Umui diba lasi, a? Umui be Dirava ena dubu helaga, bona Dirava ena Lauma be umui emui lalona dekenai ia noho!

2 KORINTO 13:14

Lohiabada Iesu Keriso ena hari-haribada, Dirava ena lalokau, bona Lauma Helaga ena turana kara be umui ibounai dekenai do idia noho.

2 KORINTO 2:14

To Dirava lau tanikiu henia, ia ese nega ibounai ai ia hakaua, vadaeni Keriso lalonai ai noho dainai ia ese ai dekenai kwalimu ia henia. Aiemai haroro gaukara dekena amo Dirava ese iena hereva ia hedinaraia, vadaeni taunimanima ibounai be Keriso ena sivarai idia diba. Inai bamona diba be bonana namona bamona gabu ibounai dekenai ia lao noho.

GALATIA 4:6

Umui be iena natuna do ia hamomokania totona, Dirava ese iena Natuna ena Lauma iseda kudouna lalonai ia atoa. Vadaeni inai Lauma ese inai bamona ia boiboi, ia gwau, “Lauegu Tamana e, lauegu Tamana lalokau e!”

GALATIA 5:22

To Lauma Helaga ese inai bamona karadia ia havaraia: Lalokau, moale, maino, haheauka, bogahisihisi, kara maoromaoro, abidadama momokani kara,

EFESO 4:4

Tauanina be tamona. Lauma Helaga danu be tamona. Dirava ese umui ia boiria totona ena davana namona naria kara danu be tamona.

FILIPI 1:8

Lau hereva momokani Dirava ena vairana dekenai, Keriso Iesu ena lalokau bada ese egu lalokau umui dekenai ia havaraia vadaeni.

FILIPI 3:3

To ita ese kopina utua kara korikori ita abia vadaeni, idia be lasi. Badina be Lauma Helaga dekena amo Dirava ita tomadiho henia noho, bona Keriso Iesu danu ita hakapua noho, bona tauanina ena toana gauna ita abidadama henia lasi.

KOLOSE 2:2

Inai bamona lau karaia, umui emui lalona do idia goada totona, bona lalokau dekenai do umui noho hebou totona. Lau ura danu laloa diari momokani bona aonega do umui davaria, vadaeni emui abidadama do ia goada. Bona inai dekena amo Dirava ena hunia hereva ena anina do umui diba. Keriso sibona be inai hunia hereva ena anina.

KOLOSE 3:12

Umui be Dirava ena taudia, ia ese umui ia lalokau henia, bona umui ia abia hidi, iena. Unai dainai inai bamona karadia, dabua bamona do umui atoa: Bogahisihisi, durua, manau, manada bona haheauka.

HEBERU 6:18

Vadaeni, inai Dirava ena hereva gaudia rua idia noho, gwauhamata bona hereva helagana, bona idia senisi diba lasi. Ita diba unai hereva ruaosi idia noho, bona ita diba Dirava ia koikoi diba lasi. Unai dainai ita be mase dekena amo ita heau, bona Dirava ena mauri ita davaria vadaeni taudia. Vadaeni inai Dirava ena hereva ruaosi ese iseda lalona idia hagoadaia noho. Bona unai dainai, iseda abidadama do ita dogoatao noho, badina be ita diba ita naria noho davana namona, mauri hanaihanai, be do ita abia momokani.

1 PETERO 1:2

Tamana Dirava ese idaunegai umui ia abia hidi, iena Lauma Helaga ese umui ia hahelagaia vadaeni, Iesu Keriso ena rarana ese umui do ia huria totona. Vadaeni Iesu Keriso do umui kamonai henia, bona do umui goevagoeva momokani. Hariharibada bona maino umui ese do umui abia badabada be namo.

1 IOANE 3:24

Iena taravatu ia badinaia noho tauna be Dirava ena lalona dekenai ia noho, bona Dirava danu be unai tau ena lalona dekenai ia noho. Dirava ese iena Lauma ita dekenai ia henia vadaeni, bona inai Lauma ese ita ia hadibaia noho, Dirava be iseda lalona dekenai ia noho.

1 IOANE 4:12

Taunimanima ta ese Dirava ia itaia lasi. To bema ita ta ta ita lalokau henia neganai, Dirava sibona ese iseda lalona dekenai do ia noho, bona iena lalokau iseda lalona dekenai be lalokau namo herea momokani.

1 IOANE 4:16

Bona ita diba momokani, Dirava ese ita ia lalokau henia. Bona Dirava ena lalokau ita abidadama henia noho. Dirava be lalokau. Tau ta bema lalokau ena dala dekenai ia noho, ia be Dirava ena lalona dekenai ia noho. Dirava danu be unai tau ena lalona dekenai ia noho.