FILIPI 1:9 - Buka Helaga (Hiri Motu) 1993

⁹ Dirava lau noia noho inai bamona: Umui emui lalokau be do ia bada lao noho, mai emui laloa diari, bona mai emui aonega danu.

FILIPI 1:9 Iomraidhean Croise

IOBU 17:9

To kara maoromaoro tauna, be iena dala dekenai do ia raka noho, bona kara goevagoeva taudia edia goada, be do idia bada lao.

SALAMO 119:66

Aonega bona lalona kehoa be lau dekenai do oi hadibaia, badina be oiemu taravatu lau abidadama henia noho.

AONEGA HEREVADIA 4:18

To kara maoromaoro taudia idia raka noho dalana, be daba rere bamona. Edia dala ena diari be ia bada lao noho, ela bona dina tubua momokani ia hedinarai.

1 KORINTO 14:20

Lauegu varavara taudia e, natuna maragi bamona do umui laloa lasi. Momokani, dika karaia totona natuna maragi bamona do umui laloa karaia. To inai laloa dobu gaudia totona, tau badadia bamona inai gaudia do umui laloa.

2 KORINTO 8:7

Umui Korinto taudia be emui dala ibounai dekenai kara namodia momokani umui karaia noho. Emui abidadama, bona hereva, bona diba, bona haheauka, bona lalokau be mai sivarai danu. Lau ura inai harihari gaudia henia kara danu dekena amo umui be mai sivaraina.

EFESO 5:17

Unai dainai do umui kavakava lasi, to Lohiabada ena ura gaudia sibona do umui tahua.

KOLOSE 1:9

Unai dainai emui sivarai ai kamonai dinana ia mai bona harihari, guriguri umui dainai ai ruaosi ese ai hadokoa lasi. Dirava ai noia, ia ese iena ura dalana umui dekenai do ia hadibaia, bona Lauma Helaga ena diba bona diari umui dekenai do ia henia.

KOLOSE 3:10

bona mauri matamata umui kwatua vadaeni. Inai mauri matamata be Dirava ese ia havaraia. Bona ia ese nega ibounai diba matamata ia henia noho, ia lao bona Dirava ena toana momokani do umui abia.

1 TESALONIKA 3:12

Namona be Lohiabada ese emui lalokau umui ta ta dekenai, bona taunimanima ibounai dekenai do ia habadaia, umui dekenai ai lalokau henia ena bada hegeregerena.

1 TESALONIKA 4:1

Aiemai varavara taudia e, edena bamona do umui mauri Dirava hamoalea totona dalana, be umui dekenai ai hadibaia vadaeni. Oibe, bona inai mauri dalana umui badinaia noho. To hari Iesu ena ladana dainai, umui ai noia goadagoada, taunimanima edia vairanai, inai bamona mauri namona kara do umui habadaia.

2 TESALONIKA 1:3

Aiemai varavara taudia e, nega ibounai umui totona Dirava ai hanamoa. Unai be ia maoro, badina be umui emui abidadama ia bada lao noho, bona emui lalokau umui ta ta dekenai danu ia bada lao noho.

FILEMONA 1:6

Oi be aiemai turana, badina be iseda abidadama be tamona. Unai dainai lauegu guriguri be inai abidadama ese aonega bada oiemu lalona dekenai do ia havaraia, vadaeni do oi diba momokani dahaka gau namodia Keriso Iesu dekena amo ita davaria noho.

HEBERU 5:14

To aniani korikori be tau badadia idia ania diba. Idia sibona ese edia lalona idia hadibaia lou, hadibaia lou, ela bona idia manada vadaeni. Unai neganai idia be maoro bona kerere edia toana idia diba namonamo.

1 PETERO 1:22

Umui ese hereva momokani umui badinaia dainai, umui ese sibona emui laumadia umui hagoevaia vadaeni, bona emui Keristani varavara umui lalokau henidia noho. Umui ta ta do umui lalokau henia, mai emui lalona ibounai.

2 PETERO 3:18

To iseda Lohiabada bona Hamauria Tauna Iesu Keriso ena hariharibada, bona iena diba, bona laloa diari lalonai do umui tubu daekau noho. Hairai diarina bona mataurai bada be iena, harihari ia lao bona hanaihanai. Amen.