FILIPI 1:8 - Buka Helaga (Hiri Motu) 1993

⁸ Lau hereva momokani Dirava ena vairana dekenai, Keriso Iesu ena lalokau bada ese egu lalokau umui dekenai ia havaraia vadaeni.

FILIPI 1:8 Iomraidhean Croise

IOBU 16:19

Harihari danu egu uitnesi, egu hereva hamomokania tauna be guba dekenai ia noho. Egu hereva durua tauna be ataiai ia noho.

ISAIA 16:11

Unai dainai, Moaba dainai, egu kudouna ia tai noho, gita badana ese ia tai bamona. Kiri Haresete danu dainai lau tai noho.

ISAIA 63:15

Lohiabada e, guba, oiemu noho gabuna, mai helaga bona hairai danu, dekena amo ai do oi itaia noho. Oiemu lalokau bona bogahisihisi ai dekenai be edeseni? Oiemu goada bona siahu be edeseni? Ai dekenai oi laloa lasi, a?

IEREMIA 31:20

“Lau Lohiabada, lau hereva inai: Oi Israela, be lauegu natuna lalokauna, oi be lau lalokau henia bada merona. Oiemu ladana lau gwauraia neganai, mai lalokau danu oi lau laloa noho. Mai egu kudouna ibounai oi lau ura henia noho, vadaeni oi dekenai do lau bogahisihisi henia.

LUKA 1:78

Badina be iseda Dirava ena bogahisihisi ia bada ita dekenai. Iena hamauria do ia siaia mai ita dekenai, guba ena Diari matamata ia siaia bamona.

ROMA 1:9

Dirava ia diba momokani, iena gaukara lau karaia noho, mai egu lauma ena goada ibounai danu. Inai gaukara be, Dirava ena Natuna ena Sivarai Namona lau harorolaia. Dirava danu ia diba lau be hanaihanai doko lasi umui totona lau guriguri noho.

ROMA 9:1

Lau be Keriso ena tauna ta, unai dainai lau hereva momokani, lau hereva koikoi diba lasi. Lauma Helaga ese danu lauegu lalona dekenai ia hadibaia lau hereva koikoi lasi, bona egu hereva be inai:

2 KORINTO 13:9

Ai be manoka, bona umui be goada neganai ai be ai moale noho. Aiemai noinoi tamona be inai, do umui namo momokani.

2 KORINTO 6:12

Aiemai lalokau umui dekenai be ia bada, to emui lalokau ai dekenai be ia maragi.

2 KORINTO 7:15

Tito ese umui ia lalokau henia bada, bona iena lalokau ia bada lao noho. Badina be ia laloatao noho, umui ese iena hereva umui kamonai henia momokani. Bona umui ese ia umui abia dae, mai emui gari bona mataurai danu.

GALATIA 1:20

Lau torea noho gauna be momokani. Dirava ia diba lau koikoi lasi.

GALATIA 3:26

Umui ibounai be Dirava ena natuna, Keriso Iesu umui abidadama henia dainai.

GALATIA 4:19

Lauegu natuna e, lauegu lalokau! Hisihisi lau ania noho, hahine kahirakahira ia mara ena hisihisi bamona. Inai bamona do lau hisihisi, ela bona Iesu ena kara emui lalona dekenai do umui abia momokani.

FILIPI 2:1

Keriso ese emui mauri ia naria dainai, goada umui abia noho, ani? Keriso ena lalokau ese lalo namo umui ia henia, ani? Keriso ena Lauma ena mauri lalonai umui noho, ani? Umui ibounai ta ta dekenai bogahisihisi bona durua umui henia noho, ani?

FILIPI 2:26

Badina be ia ese umui ia laloa bada, bona iena lalona ia hekwarahi bada noho, iena gorere sivaraina umui kamonai dainai.

FILIPI 4:1

Unai dainai, lauegu Keristani varavara taudia e, egu lalokau taudia, umui lau laloa momo, mai bogahisihisi danu. Umui lau ura henia, bona umui dainai lau moale, badina umui be lauegu dagi ena toana. Lalokau taudia e, Lohiabada danu umui hakapua dainai, do umui gini goada noho.

KOLOSE 2:1

Lau ura umui diba, lau hekwarahi bada herea umui dainai, bona Laodikea taudia dainai danu. Bona lau idia diba lasi taudia momo dainai danu lau gaukara momo vadaeni.

KOLOSE 3:12

Umui be Dirava ena taudia, ia ese umui ia lalokau henia, bona umui ia abia hidi, iena. Unai dainai inai bamona karadia, dabua bamona do umui atoa: Bogahisihisi, durua, manau, manada bona haheauka.

1 TESALONIKA 2:5

Umui diba ai be nega ta ai ese umui ai hanamoa koikoi lasi, bona Dirava danu ia diba, emui kohu do ai abia totona Sivarai Namona ai gwauraia lasi.

1 TESALONIKA 2:8

Umui ai lalokau henia bada dainai, ai ese Sivarai Namona umui dekenai ai henia. Bona inai sibona lasi, to ai be ai noho hegaegae, aiemai mauri umui dainai do ai atoa diho, badina be umui ai lalokau henia bada noho.

2 TIMOTEO 1:4

Oiemu tai lau laloa, bona lau ura bada oi do lau itaia, do lau moale bada totona.

FILEMONA 1:12

Lau ese ia lau siaia lou oi dekenai inai. Mani emu kara do oi abia dae, badina be lauegu kudouna danu be ia lalonai ia noho.

FILEMONA 1:20

Unai dainai, lauegu tadina e, mani emu kara egu noinoi do oi abia dae, Lohiabada ena ladana dainai. Lauegu lalona do oi hamoalea, Keriso lalonai ita be tadikaka dainai.

1 IOANE 3:17

To, bema tau ta be mai ena kohu momo, bona iena tadikakana ia itaia mai ena ogogami, to ia bogahisihisi henia lasi, edena bamona ia hereva, “Lau ese Dirava lau lalokau henia?”