FILIPI 1:7 - Buka Helaga (Hiri Motu) 1993

⁷ Umui lau lalokau henia bada, bona inai lalokau be maoro danu, badina be inai: Umui bona lau be Dirava ena hariharibada ita abia hebou vadaeni. Inai hariharibada ia noho, harihari, dibura ruma lalonai lau noho neganai. Bona guna danu, dibura ena murimuri dekenai lau noho, Sivarai Namona ena momokani lau gwauraia, bona Keriso lau harorolaia neganai, unai hariharibada ia noho.

FILIPI 1:7 Iomraidhean Croise

APOSETOLO EDIA KARA 20:23

Inai gau sibona lau diba, hanua hanua ibounai lalonai Lauma Helaga ese ia sisiba henia lau, ia gwau, ‘Dibura ruma bona hisihisi momo do oi davaria.’

APOSETOLO EDIA KARA 21:33

Tuari biaguna be Paulo dekenai ia lao, ia dogoatao, oda ia gwauraia, auri rua dekenai idia kwatua. Gabeai ia henanadaia, ia gwau, “Inai tau be daika, bona dahaka ia karaia?”

1 KORINTO 13:7

Lalokau be taunimanima durua kara dekenai ia hesiku lasi. Nega ibounai iena abidadama ia goada noho. Nega ibounai Dirava ena nega namona ia naria noho mai moale danu. Bona metau ibounai lalonai ia gini goada noho.

1 KORINTO 9:23

Iesu ena Sivarai Namona dainai, inai kara ibounai lau karaia noho. Bona lau diba, bema inai gaukara lau karaia noho, lau danu ese Sivarai Namona ena mauri hanamoa gaudia do lau abia.

2 KORINTO 3:2

Aiemai ladana ia hanamoa ena revareva be umui sibona. Bona inai revareva ena toretore be aiemai kudouna dekenai ia torea. Ibounai ese inai revareva ena anina idia diba, bona idia duahia diba danu.

2 KORINTO 7:3

Umui lau gwau henia lasi. Guna lau hereva bamona, umui ai lalokau henia, vadaeni ita mauri neganai do ita noho hebou, o ita mase neganai do ita noho hebou.

GALATIA 5:6

Badina be Iesu Keriso danu ai hakapua neganai, kopina utua kara bona kopina utua lasi kara ruaosi be anina lasi, to abidadama sibona. Oibe, abidadama, lalokau dekenai ia gaukara, inai sibona be mai anina.

EFESO 3:1

Unai dainai lau Paulo, be Keriso Iesu ese ia guia, umui Iuda lasi taudia do lau durua totona. Vadaeni umui dainai Dirava lau guriguri henia noho.

EFESO 4:1

Unai dainai lau, Lohiabada ese iena hesiai gaukara lalonai lau ia guia tauna, umui lau sisiba henia inai: Dirava ese umui ia boiria vadaeni, unai dainai iena boiboi hegeregerena do umui noho, do umui noho maoromaoro.

EFESO 6:20

Inai Sivarai Namona totona lau be Dirava ena hereva gwauraia tauna. Bona inai dainai lau be dibura ruma lalonai lau noho. Lau dainai do umui noinoi, Sivarai Namona do lau herevalaia goadagoada, Dirava ena ura hegeregerena.

FILIPI 1:12

Lauegu varavara taudia e, lau ura umui diba, inai lau dekenai idia vara gaudia ese Sivarai Namona idia koua lasi. Lasi, inai lauegu hisihisi ese Sivarai Namona ia durua bona ia hatubua noho.

FILIPI 1:13

Badina be Kaisara ena ruma idia gimaia tuari taudia ibounai, bona iniseni idia noho taudia ibounai danu idia diba vadaeni, Keriso ena hesiai gaukara dainai lau be dibura ruma dekenai lau noho.

FILIPI 1:14

Bona Keristani varavara taudia momo ese lau idia laloa, Keriso dainai dibura lalonai lau noho. Vadaeni inai idia laloa noho dainai, edia lalona ese goada idia davaria. Edia gari idia laloa lasi, bona Sivarai Namona idia harorolaia goada noho.

FILIPI 1:5

badina be umui ese lau umui durua noho, Sivarai Namona do lau harorolaia totona. Emui durua ia doko lasi, umui matamaia dinana ia mai bona hari.

FILIPI 2:22

To umui be Timoteo ena kara namona umui diba. Mero ese iena tamana ia durua bamona, ia ese lau ia durua vadaeni. Sivarai Namona dainai ai ruaosi ai gaukara hebou vadaeni.

FILIPI 4:14

To egu hisihisi lalonai lau umui durua be namo, bona maoro danu.

FILIPI 4:15

Filipi taudia e, umui diba, Sivarai Namona gwauraia loaloa lau hamatamaia neganai, Makedonia lau rakatania murinai, ekalesia orea ta ese lau ia durua lasi, umui sibona. Oibe, umui sibona ese moni hegeregere lau dekenai umui henia.

FILIPI 4:3

Oi danu, lauegu durua tauna namona e, inai hahine ruaosi oi durua be namo, badina idia ese lau danu idia gaukara hebou Sivarai Namona totona. Klemento bona lau danu idia gaukara hebou taudia haida danu ese lau idia durua. Idia edia ladana be Dirava ena mauri buka lalonai idia torea vadaeni.

KOLOSE 4:18

Lau Paulo, lau sibona ese egu imana dekenai lauegu hanamoa hereva lau torea noho inai. Lau do umui laloa, lau be do dibura ruma lalonai lau noho. Dirava ena hariharibada umui dekenai do ia noho.

KOLOSE 4:3

Unai guriguri neganai, ai dainai danu Dirava do umui noia, ia ese dala do ia kehoa, ai ese iena hunia hereva Keriso totona do ai harorolaia. Inai bamona lau haroro dainai dibura ruma lalonai lau noho.

1 TESALONIKA 5:5

Umui ibounai be diari ena taudia, umui be dina ena taudia. Ita be hanuaboi ena taudia lasi, bona dibura ena taudia lasi.

2 TIMOTEO 1:8

Unai dainai, iseda Lohiabada ena sivarai do oi gwauraia hedinarai, do oi hemarai lasi. Lau be Sivarai Namona dainai dibura ruma dekenai lau noho, ani? Lau totona do oi hemarai lasi. Lasi, to Dirava ena goada dekena amo do oi haheauka noho, bona lau danu Sivarai Namona totona do ita hisihisi hebou.

2 TIMOTEO 2:9

Sivarai Namona lau harorolaia dainai, hisihisi lau abia noho, bona dibura tauna bamona auri dekena amo lau idia guia. To Dirava ena hereva idia guia diba lasi.

FILEMONA 1:13

Lauegu ura korikori be ia do lau dogoatao, vadaeni dibura ruma lalonai Sivarai Namona dainai lau noho neganai, ia ese lau do ia durua noho. Unai dekena amo ia ese oiemu gabu do ia abia bamona, lau durua totona.

HEBERU 3:1

Unai dainai, lauegu Keristani varavara taudia e, umui be Dirava ese ia abia hidi vadaeni. Lau ura Iesu do umui laloa, ia be Dirava ese ia siaia vadaeni, iseda abidadama ena Hahelagaia Tauna Badana do ia lao.

1 PETERO 4:13

Lasi, to Keriso danu umui hisihisi hebou dainai do umui moale. Badina be gabeai, Keriso ena hairai ia hedinaraia neganai, do umui moale bada herea.

1 PETERO 5:1

Harihari lau ura umui ekalesia gunalaia taudia dekenai lau hereva henia. Lau danu be ekalesia gunalaia tauna ta. Lauegu matana dekena amo, Keriso ena hisihisi lau itaia, bona iena hairai do ia hedinaraia neganai, lau danu be mai lauegu davana namona. Umui lau noia,

2 PETERO 1:13

Lau laloa inai bamona: Lau be do lau mauri noho neganai, inai gaudia umui dekenai do lau sisiba henia, umui hagoadaia totona. Inai be maoro.

1 IOANE 3:14

Iseda tadikakana ita lalokau henidia dainai, ita diba mase ita rakatania, bona mauri dekenai ita hanaia vadaeni. Tau ta bema ia ese iena tadikakana ia lalokau henia lasi, unai tau be mase lalonai ia do noho.