FILIPI 1:6 - Buka Helaga (Hiri Motu) 1993

⁶ Bona lau diba momokani, inai gaukara namona umui lalonai ia hamatamaia Diravana ese unai gaukara do ia naria noho, ela bona ia karaia haorea Keriso Iesu ia giroa mai dinana dekenai.

FILIPI 1:6 Iomraidhean Croise

SALAMO 138:8

Lohiabada e, lau diba oi ese lau dekenai oi gwauhamata gaudia ibounai, be do oi karaia momokani. Lohiabada e, oiemu lalokau bona bogahisihisi do idia noho hanaihanai. Oi ese oi hamatamaia vadaeni gaukara, be mani do oi rakatania lasi.

IOANE 6:29

Iesu ia haere, ia gwau, “Dirava ena gaukara be inai: Ia siaia tauna dekenai do umui abidadama henia.”

APOSETOLO EDIA KARA 11:18

Inai hereva idia kamonai neganai, edia hereva idia hadokoa, bona Dirava idia hanamoa, idia gwau, “Namo, Dirava ese lalona giroa ia henia vadaeni idau bese taudia dekenai, mauri do idia abia totona.”

APOSETOLO EDIA KARA 16:14

Hahine ta ena ladana be Lidia, ia be Dirava ia gari henia hahine. Iena hanua be Tuatira, bona ena gaukara be dabua kakakaka ia hoia. Aiemai hereva ia kamonai, bona Lohiabada ese iena lalona ia kehoa, bona ia ese Paulo ia kamonai henia.

1 KORINTO 1:8

Keriso ese umui do ia haginia goada ela bona dokona. Vadaeni Lohiabada Iesu Keriso ena mai dinana dekenai umui be kerere ta lasi.

2 KORINTO 1:15

Umui emui abidadama lau hamomokania dainai, lauegu palani gunana be umui dekenai do lau mai, umui do lau hanamoa nega rua totona.

2 KORINTO 2:3

Umui emui kara be, lau umui ura hamoalea, unai dainai lau ura lasi umui dekenai lau mai, lalohisihisi do umui davaria garina. Unai lau laloa dainai, unai egu revareva gunana umui dekenai lau torea. Badina be lau diba momokani, bema gau ta totona lau moale neganai, umui danu inai gau totona do umui moale.

2 KORINTO 7:16

Lau moale bada noho, badina lau diba momokani, lau daradara sisina lasi, umui be gau ibounai umui karaia maoromaoro noho.

2 KORINTO 9:4

To bema Makedonia taudia haida ese lau do idia bamoa, bona bema ai davaria umui be hegaegae lasi neganai, aiemai hemarai do ia bada herea, ani? Umui danu do umui hemarai, umui ai heagilaia kava dainai.

GALATIA 5:10

Lau be Lohiabada lau abidadama henia, ia ese umui do ia durua, vadaeni lauegu hadibaia hereva do umui rakatania lasi. Inai emui laloa ia hakererea gwauraia tauna ena ladana lau diba lasi. To Dirava ese unai tau ena kerere davana do ia henia.

EFESO 4:12

Inai bamona harihari gaudia ia henia, be Dirava ena taudia ibounai do ia durua totona. Inai be Dirava ena hesiai gaukara do idia karaia namonamo, bona Keriso ena tauanina do ia gini goada totona.

FILIPI 1:10

Unai dekena amo gau namodia edia toana do umui diba. Vadaeni mai goeva danu, bona kerere lasi do umui noho, ela bona Keriso do ia giroa mai dinana.

FILIPI 1:29

Dirava ese iena hariharibada umui dekenai ia henia, Keriso dekenai do umui abidadama henia totona. To inai sibona lasi. Dirava ese danu hariharibada umui dekenai ia henia, Keriso dainai do umui hisihisi totona.

FILIPI 2:12

Lauegu lalokau taudia e, umui dekenai lau noho neganai lau umui kamonai henia. Vadaeni harihari umui dekenai lau noho lasi neganai danu lau do umui kamonai henia, inai be gau badana. Mai gari bona mai heudeheude danu emui hamauria do umui tahua noho.

FILIPI 2:13

Badina be Dirava ese umui emui lalona dekenai ia gaukara noho. Ia ese ura namodia bona goada umui dekenai ia henia noho, vadaeni iena ura karadia do umui karaia.

FILIPI 2:16

Mauri sivaraina be idia dekenai do umui hedinaraia, vadaeni Keriso ena dinana dekenai lau be do lau moale. Do lau gwau, “Lau gaukara kava lasi, bona lau hekwarahi kava lasi.”

KOLOSE 2:12

Umui emui bapatiso neganai, Keriso danu umui idia guria hebou. Bona unai bapatiso neganai, Keriso danu umui toreisi lou hebou. Inai bamona ia vara, badina be Dirava ena siahu umui abidadama henia dainai. Unai siahu ese Keriso ia hatorea isi lou mase dekena amo.

1 TESALONIKA 1:3

Ai be Tamana Dirava ena vairanai, emui abidadama bona emui kara namodia ai herevalaia. Iesu Keriso umui lalokau henia bada dainai, umui gaukara noho mai goada danu. Mai laloa goada danu, iseda Lohiabada Iesu Keriso umui naria noho danu.

2 TESALONIKA 1:11

Unai dainai nega ibounai umui totona ai guriguri noho. Iseda Dirava ai noia, ia ese umui do ia durua, vadaeni umui ese iena boiboi ena dala do umui badinaia namonamo, iena ura hegeregerena momokani. Bona Dirava ai noia danu, ia ese iena siahu dekena amo umui do ia hagoadaia, vadaeni umui ese umui ura karaia kara namodia ibounai do umui karaia, bona emui abidadama ese umui dekenai ia havaraia gaukara ibounai, be do umui karaia haorea momokani.

2 TESALONIKA 3:4

Ai be Lohiabada ai abidadama henia dainai, ai ese umui danu ai abidadama henia. Ai diba momokani, umui dekenai ai hadibaia hereva be umui karaia noho, bona do umui karaia noho.

FILEMONA 1:21

Lau diba momokani, oi ese egu hereva do oi kamonai henia. Unai dainai inai revareva oi dekenai lau torea noho. Lau diba oiemu kara Onesimo dekenai be do ia namo, bona egu noinoi gauna do ia hereaia danu.

HEBERU 10:35

Unai dainai emui abidadama goadana do umui rakatania lasi. Badina be iena davana be do ia bada herea.

HEBERU 12:2

Iseda matana be Iesu dekenai do ita negea lao. Ia ese iseda abidadama ia havaraia, bona ia ese iseda abidadama do ia durua, ela bona dokona. Iesu be satauro dainai ia hesiku lasi. Lasi momokani. Ia diba guba ena moale be iena vairanai ia noho dainai, ia ese satauro ena hemarai bona ena mase ia laloa lasi. Bona hari ia be Dirava ena helai gabuna badana ena idiba kahanai ia helai noho.

1 PETERO 5:10

Umui be nega sisina do umui hisihisi, vadaeni gabeai, hariharibada ibounai Diravana ese umui do ia hanamoa lou momokani, umui do ia haginia goada, bona emui abidadama do ia hagoadaia. Oibe, inai Dirava ese umui ia boiria vadaeni, iena noho hanaihanai hairaina Keriso Iesu danu do umui abia hebou totona.

2 PETERO 3:10

To Lohiabada ena Dina be do ia ginidae, henaoa tauna ia ginidae bamona. Unai Dina dekenai, guba be nega tamona do ia ore, mai regena bada danu. Guba dekenai noho gaudia, hisiu, hua, bona dina, be lahi bada herea ese idia do ia araia ore. Tanobada danu, bona ia lalonai noho gaudia ibounai, be lahi bada ese do ia araia ore.