FILIPI 1:4 - Buka Helaga (Hiri Motu) 1993

⁴ Bona umui totona lau noinoi neganai, lauegu guriguri be mai moale danu,

FILIPI 1:4 Iomraidhean Croise

MAREKO 5:5

Dina ibounai, hanuaboi danu, mase guria gabuna dekenai bona ororo dekenai, ia tai bona boiboi, bona iena kopina ia utua nadi dekenai.

LUKA 15:10

Lau hamaoroa umui dekenai, dika tauna ta ena lalona ia giroa dainai, Dirava ena aneru be unai bamona do idia moale.”

LUKA 15:7

Lau hamaoroa umui dekenai, inai bamona dika tauna ta ena lalona ia giroa dainai, guba dekenai moale do ia bada. To kara maoromaoro taudia 99, edia lalona idia giroa lasi dainai, guba dekenai moale do ia maragi.

ROMA 1:9

Dirava ia diba momokani, iena gaukara lau karaia noho, mai egu lauma ena goada ibounai danu. Inai gaukara be, Dirava ena Natuna ena Sivarai Namona lau harorolaia. Dirava danu ia diba lau be hanaihanai doko lasi umui totona lau guriguri noho.

FILIPI 2:2

Unai dainai umui lau noia, lauegu moale do umui habadaia momokani inai kara dekena amo: Emui lalona do idia tamona, emui lalokau be tamona, bona emui lauma danu tamona.

FILIPI 3:18

Badina be umui lau hamaoroa guna, bona hari, mai tai danu umui lau hamaoroa lou: Haida be idia raka kerere, idia ese Keriso ena mase satauro dekenai ena anina idia hadikaia noho.

FILIPI 4:1

Unai dainai, lauegu Keristani varavara taudia e, egu lalokau taudia, umui lau laloa momo, mai bogahisihisi danu. Umui lau ura henia, bona umui dainai lau moale, badina umui be lauegu dagi ena toana. Lalokau taudia e, Lohiabada danu umui hakapua dainai, do umui gini goada noho.

KOLOSE 2:5

Badina be lauegu tauanina be umui dekenai ia noho lasi, to lauegu laumana be umui danu ia noho. Bona lau moale danu, badina emui gaukara be maoromaoro, bona Keriso umui abidadama henia mai goada, bona mai emui lalona tamona danu.

1 TESALONIKA 1:2

Ai be nega ibounai Dirava ai tanikiu henia umui dainai. Bona aiemai guriguri lalonai umui emui ladana ai gwauraia hanaihanai.

FILEMONA 1:7

Oibe, lauegu tadina e, Keristani taudia ibounai oi lalokau henia bada dainai, idia edia lalona oi hagoadaia noho. Unai bamona oi karaia dainai, lau be lau moale, bona egu lalona ia namo noho.

2 IOANE 1:4

Mai moale bada danu hereva lau kamonai, oiemu natuna haida ese hereva momokani ena dala dekenai idia raka noho. Inai bamona idia karaia be Tamana Dirava ese ita dekenai ia henia oda hegeregerena.