FILIPI 1:21 - Buka Helaga (Hiri Motu) 1993

²¹ Badina be, mauri be dahaka? Lau dekenai mauri ena badina be, Keriso danu lau noho. Bona bema lau mase neganai, namo ma bada herea do lau davaria.

FILIPI 1:21 Iomraidhean Croise

1 KORINTO 1:30

To Dirava ese Keriso danu umui ia hakapua tamona, bona Dirava ese Keriso, be iseda aonega ia halaoa vadaeni. Keriso sibona dekena amo Dirava ena vairanai ita maoromaoro diba. Keriso dainai Dirava ena helaga taudia ita lao, bona ura kwalimu ita abia.

1 KORINTO 3:22

Paulo, o Apolo, o Petero, o inai tanobada, o mauri, o mase, o harihari ia noho gaudia, o gabeai do idia vara gaudia. Inai ibounai be umui emui,

2 KORINTO 5:1

Ita be inai bamona ita diba: Inai tanobada dekenai ita noho palai ruma, iseda tauanina, bema ia dika neganai, Dirava ese iena ruma ta guba dekenai be ita dekenai do ia henia. Inai ruma be taunimanima ese idia karaia lasi, to ia be noho hanaihanai gauna.

2 KORINTO 5:6

Unai dainai iseda lalona bona iseda kudouna idia goada noho nega ibounai. Io, dahaka dahaka ia vara, ita be gari ta lasi, badina ita diba Lohiabada bona iena guba dekenai ita noho diba lasi, bema inai tauanina dekenai ita do noho neganai.

2 KORINTO 5:8

Io, iseda lalona bona kudouna idia goada noho, bona ita ura bada iseda tanobada tauanina ita rakatania, vadaeni Lohiabada dekenai do ita noho.

GALATIA 2:20

Lau be Keriso danu iena satauro dekenai lau mase vadaeni. To hari lau mauri noho, be lauegu mauri lasi, to Keriso be egu lalona dekenai ia mauri noho. Bona inai mauri, egu tauanina lalonai ia noho gauna, be Dirava ena Natuna lau abidadama henia dainai lau mauri noho. Ia ese lau ia lalokau henia, bona lau dainai iena mauri ia atoa diho.

GALATIA 6:14

To lau be gau ta do lau heagilaia lasi, iseda Lohiabada Iesu Keriso ena satauro sibona do lau heagilaia. Badina be Iesu ena satauro dekena amo, lau dekenai tanobada gaudia idia mase, bona lau be tanobada gaudia dekenai lau mase.

FILIPI 1:20

Lauegu ura badana, bona lau laloa bada noho gauna be inai: Egu gaukara do lau karaia namonamo, bona hemarai karana ta do lau karaia lasi. Lau ura harihari, bona nega ibounai, Keriso do lau gwauraia hedinarai, mai gari lasi danu, bona mai egu lalona ibounai. Unai dekena amo taunimanima do idia diba Keriso ena siahu be bada momokani. Oibe, lau mauri o lau mase, be gau ta lasi, gau badana be Keriso do lau hanamoa.

FILIPI 1:22

To bema egu mauri dekena amo gaukara namona ma lau karaia diba, sedira edena dala do lau abia hidi? Mase do lau abia hidi, o mauri do lau abia hidi?

FILIPI 1:23

Egu ura be rua, lau daradara noho. Lau ura bada Keriso dekenai do lau lao. Unai be namo herea.

FILIPI 2:21

Badina be ibounai ese sibona edia gau idia tahua, to Iesu Keriso ena gau idia tahua lasi.

KOLOSE 3:4

Keriso be iseda mauri ena badina korikori. Ia be do ia hedinarai neganai, umui danu be Dirava ena hairai diarina dekenai do umui hedinarai, Keriso danu.

APOKALUPO 14:13

Vadaeni gado ta, guba dekena amo lau kamonai, ia gwau, “Inai hereva do oi torea: Harihari ia lao, Lohiabada idia abidadama henia noho neganai idia mase taudia be do idia moale.” Ma Lauma Helaga danu ia hereva, ia gwau, “Oibe, idia ese edia gaukara mai hekwarahi dekena amo do idia laga-ani, bona idia be do idia laga-ani kava lasi. Badina be edia kara namodia ena sivarai, be idia danu nega tamona do ia lao noho.”