FILIPI 1:16 - Buka Helaga (Hiri Motu) 1993

¹⁶ Inai bamona taudia idia diba vadaeni Dirava ese Sivarai Namona ena momokani do lau gwauraia dagina be lau dekenai ia henia vadaeni. Bona lau idia lalokau henia dainai idia harorolaia.

FILIPI 1:16 Iomraidhean Croise

IOBU 16:4

Bema umui be lauegu gabu dekenai umui noho neganai, lau ese umui dekenai do lau hereva diba, umui ese lau dekenai umui hereva henia hegeregerena. Lau ese danu haroro umui emui latanai do lau gwauraia diba, bona egu kwarana mai aonega danu, umui dekenai do lau abia isi diba.

IOBU 6:14

“Bema tau ta ese iena turana ia bogahisihisi henia diba, to ia bogahisihisi henia lasi, unai tau ese Siahu Ibounai Dirava dekenai gari henia kara, be ia rakatania vadaeni.

SALAMO 69:26

Badina be oi ese oi panisia vadaeni tauna, be idia ese ma idia dagedage henia noho. Bona oi ese oi haberoa tauna, be idia ese ma idia hisihisi henia noho.

1 KORINTO 9:17

Bema lauegu ura sibona dainai inai gaukara lau karaia neganai, davana lau abia be namo. To inai be Dirava ena oda dainai lau karaia.

2 KORINTO 2:17

Umui diba vadaeni, ai be haida bamona lasi, Dirava ena hereva ai hoihoilaia lasi. Lasi momokani. Ai be lalona momokani taudia bona inai dagi Dirava dekena amo ai abia. Ai be Keriso ena hesiai taudia dainai, Dirava ena vairana dekenai ai hereva noho, mai laloa maoromaoro danu.

FILIPI 1:10

Unai dekena amo gau namodia edia toana do umui diba. Vadaeni mai goeva danu, bona kerere lasi do umui noho, ela bona Keriso do ia giroa mai dinana.

FILIPI 1:12

Lauegu varavara taudia e, lau ura umui diba, inai lau dekenai idia vara gaudia ese Sivarai Namona idia koua lasi. Lasi, inai lauegu hisihisi ese Sivarai Namona ia durua bona ia hatubua noho.

FILIPI 1:5

badina be umui ese lau umui durua noho, Sivarai Namona do lau harorolaia totona. Emui durua ia doko lasi, umui matamaia dinana ia mai bona hari.

FILIPI 1:7

Umui lau lalokau henia bada, bona inai lalokau be maoro danu, badina be inai: Umui bona lau be Dirava ena hariharibada ita abia hebou vadaeni. Inai hariharibada ia noho, harihari, dibura ruma lalonai lau noho neganai. Bona guna danu, dibura ena murimuri dekenai lau noho, Sivarai Namona ena momokani lau gwauraia, bona Keriso lau harorolaia neganai, unai hariharibada ia noho.

FILIPI 2:22

To umui be Timoteo ena kara namona umui diba. Mero ese iena tamana ia durua bamona, ia ese lau ia durua vadaeni. Sivarai Namona dainai ai ruaosi ai gaukara hebou vadaeni.

FILIPI 4:15

Filipi taudia e, umui diba, Sivarai Namona gwauraia loaloa lau hamatamaia neganai, Makedonia lau rakatania murinai, ekalesia orea ta ese lau ia durua lasi, umui sibona. Oibe, umui sibona ese moni hegeregere lau dekenai umui henia.

FILIPI 4:3

Oi danu, lauegu durua tauna namona e, inai hahine ruaosi oi durua be namo, badina idia ese lau danu idia gaukara hebou Sivarai Namona totona. Klemento bona lau danu idia gaukara hebou taudia haida danu ese lau idia durua. Idia edia ladana be Dirava ena mauri buka lalonai idia torea vadaeni.