FILIPI 1:11 - Buka Helaga (Hiri Motu) 1993

¹¹ Umui emui kara ibounai be do idia namodia momokani. Iesu Keriso sibona ese inai bamona kara ia havaraia diba, Dirava ese hanamoa bona hairai do ia abia totona.

FILIPI 1:11 Iomraidhean Croise

SALAMO 1:3

Ma inai taudia be, sinavai badinai idia hadoa audia bamona, edia huahua atoa neganai, idia ese anina idia atoa bada herea. Edia raurau danu do idia kakoro lasi. Edia gaukara ibounai be ena anina ia vara, bona mai edia kwalimu danu.

ISAIA 5:2

Ia ese tano ia geia, nadi ibounai ia kokia ore, bona vain namo herea ia hadoa. Vain edia huanai, uma naria ruma ia haginia, bona nadi badana ia taraia, vain huahua ia lalonai do idia moia totona. Vadaeni ia naria, vain huahua do idia mage gwauraia, to vain huahua ibounai idia dika, edia mamina idia dika.

ISAIA 60:21

Oiemu taunimanima ibounai, be do idia kara maoromaoro, bona tano be idia ese do idia biagua ela bona hanaihanai. Lau ese idia lau hadoa, bona lau ese idia lau havaraia, idia ese egu siahu badana, be taunimanima ibounai dekenai do idia hedinaraia totona.

ISAIA 61:11

Uhe idia tubu noho bona idia vara noho, be momokani, ani? Unai bamona danu, Lohiabada Dirava ese iena bese taudia do ia hamauria momokani. Vadaeni bese idauidau taudia ibounai ese, Lohiabada do idia hanamoa.

ISAIA 61:3

Lohiabada ese lau ia siaia vadaeni, Siona dekenai idia taitai taudia ibounai dekenai be, moale bona laloa namo do lau henia, edia lalohisihisi be do ia ore totona. Bona hanamoa ane do lau henidia, edia laloa metau do ia ore totona. Do idia be au namodia bamona, Lohiabada sibona ese ia hadoa gaudia, bona idia ibounai ese kara maoromaoro do idia karaia. Bona taunimanima ese Dirava ena ladana do idia hanamoa, iena kara badadia dainai.

MATAIO 5:16

Umui emui diari taunimanima edia vairana dekenai unai bamona do umui hedinaraia, vadaeni umui emui kara namodia do idia itaia neganai, umui emui Tamana guba dekenai do idia hanamoa.

IOANE 15:16

“Umui ese lau umui abia hidi lasi. Lau ese umui lau abia hidi, bona emui gaukara lau henia umui dekenai, vadaeni do umui lao, emui huahua do idia atoa, do idia noho hanaihanai. Unai dekena amo lauegu ladana dekenai Tamana do umui noia gaudia ibounai, be ia ese do ia henia umui dekenai.

IOANE 15:2

Lauegu rigi ibounai bema huahua idia atoa lasi, be egu Tamana ese ia kokia. Mai huahua rigi ibounai be ia ese ia utua kwadogi, do idia goeva, bona huahua momo do idia atoa totona.

IOANE 15:8

Bema huahua momo do umui atoa neganai, egu Tamana be taunimanima ese do idia hanamoa. Unai dekena amo lauegu diba tahua taudia korikori do umui lao.

ROMA 15:28

Lau ura inai gaukara do lau haorea. Lau ura inai ogogami taudia totona inai idia gogoa moni ibounai do lau henia haorea. Vadaeni inai murinai umui dekenai do lau mai, ma Sipania dekenai do lau lao.

ROMA 6:22

To harihari kara dika dekena amo Dirava ese umui ia ruhaia vadaeni, bona ia ese iena hesiai taudia umui ia halaoa vadaeni. Vadaeni hari be gau namona umui davaria, unai be kara helaga, bona iena dokona be mauri hanaihanai.

1 KORINTO 10:31

Egu haere be inai: Umui aniani o umui inuinu, o dahaka dahaka umui karaia neganai, inai gau ibounai do umui karaia Dirava hanamoa totona.

2 KORINTO 9:10

Dirava ese taunimanima dekenai uhe ia henia, do idia hadoa totona, bona aniani ia henia, do idia ania totona. Ia ese uhe umui dekenai do ia henia, bona do ia hatubua bada. Bona ia ese emui bogahisihisi kara namodia dekena amo huahua momo do ia havaraia.

EFESO 1:12

Ai Iuda taudia be Keriso ai laloa bona abidadama henia taudia ginigunadia. Unai dainai Dirava ese ai ia makaia, iena hairai diarina do ai hanamoa bada, nega ibounai.

EFESO 1:14

Ita ese Lauma Helaga ita abia vadaeni, unai dainai ita diba momokani, Dirava ese ia gwauhamata iena taudia do ia henidia gaudia be dohore ita abia. Dirava ese ita ia hoia lou, bona Lauma Helaga dekena amo ita ia makaia, vadaeni ita diba momokani ita be ia dekenai dohore ita noho. Namona be iena hairai diarina ita hanamoa bada!

EFESO 2:10

Dirava ese ita ia karaia. Bona ia ese Keriso Iesu ena siahu dekena amo tau matamatadia ita ia halaoa, kara namodia do ita karaia totona. Dirava ese gunaguna inai bamona dala ia palani hegaegae ita totona.

EFESO 5:9

Badina be diari ese inai bamona gau namodia ia havaraia: Kara namodia, kara maoromaoro, bona hereva momokani.

FILIPI 4:17

Harihari gaudia umui dekena amo lau tahua lasi, to lau ura be inai emui kara namo dainai, Dirava ese davana namona umui dekenai do ia henia.

KOLOSE 1:10

Vadaeni Lohiabada ena ura hegeregerena do umui noho, bona nega ibounai umui ese ia do umui hamoalea. Emui mauri ese kara namodia edia anina do idia havaraia, bona Dirava ena diba bona diari ese umui do idia hatubua daekau.

KOLOSE 1:6

Umui dekenai Sivarai Namona ia ginidae, tanobada ibounai dekenai ia ginidae hegeregerena. Bona tanobada ibounai ese Sivarai Namona ena hanamoa idia davaria, umui ese ena hanamoa umui davaria hegeregerena. Io, inai hanamoa umui dekenai ia noho, Keriso Iesu dekenai umui abidadama henia dinana ia mai bona harihari. Unai dainai, umui be Dirava ena hariharibada umui diba momokani.

2 TESALONIKA 1:12

Inai dala dekena amo, Lohiabada Iesu ena ladana be taunimanima ese do idia hanamoa umui dainai. Bona umui danu Lohiabada ese do ia hanamoa, iseda Dirava, bona Lohiabada Iesu Keriso edia hariharibada dainai.

TITO 3:14

Iseda Keristani taudia ibounai, namona be kara namodia dekenai do idia manada, bona gau lasi taudia do idia durua. Namo lasi idia noho kava, to durua karadia do idia karaia noho.

HEBERU 12:11

Tamana ese metau bona hisihisi ita dekenai ia henia neganai, iseda lalona idia hisihisi, bona ita be moale lasi. To gabeai, inai matakani ese idia ia hamaoromaoroa vadaeni taudia ese, kara maoromaoro ena davana namona, mai maino danu do idia davaria.

1 PETERO 2:12

To Dirava idia diba lasi taudia edia vairanai, kara namodia do umui karaia. Momokani, hari idia ese umui idia gwauraia kerere noho. To bema emui kara namodia idia itaia neganai, idia ese Dirava do idia hanamoa, Keriso do ia giroa mai dinana dekenai.

1 PETERO 2:5

Umui danu be mauri nadidia bamona, bona Dirava ia ura umui do ia gaukaralaia, vadaeni Lauma Helaga ena ruma do umui lao. Vadaeni Dirava ena hesiai gaukara do umui karaia, hahelagaia taudia edia gaukara do umui karaia. Umui ese boubou gaudia bona harihari gaudia helagadia, Dirava do ia abia dae gaudia, ia dekenai do umui henia, Iesu Keriso ena ladana dainai.

1 PETERO 2:9

To Dirava ese umui ia abia hidi vadaeni, umui be iena bese, umui be King ena hahelagaia taudia, bese helagana, bona Dirava ena orea korikori taudia. Dirava ese umui ia abia hidi, iena hoa kara badadia do umui gwauraia hedinarai. Badina be ia ese dibura dekena amo umui ia boiria, vadaeni iena diari namo bada herea lalonai do umui noho.

1 PETERO 4:14

Umui be Keriso ena taudia dainai, do umui moale bema haida ese umui idia hereva dika henia. Badina inai anina be, Dirava ena Lauma, hairai Laumana, be umui dekenai ia noho vadaeni.