FILIPI 1:10 - Buka Helaga (Hiri Motu) 1993

¹⁰ Unai dekena amo gau namodia edia toana do umui diba. Vadaeni mai goeva danu, bona kerere lasi do umui noho, ela bona Keriso do ia giroa mai dinana.

FILIPI 1:10 Iomraidhean Croise

GENESE 20:5

Inai tau ese ia hamaoroa lau dekenai, ia gwau, ‘Inai be lauegu taihuna, ani?’ Hahine danu ia hamaoroa lau dekenai, ia gwau, ‘Ia be lauegu taihuna.’ Inai kara lau karaia neganai, lauegu laloa be mai maoromaoro danu, bona lauegu imana be miro lasi.”

IOBU 12:11

Emui uduna ese, aniani edia mamina idia tohoa noho bamona, emui taiana danu ese, hereva edia mamina idia tohoa noho.

IOBU 34:3

Badina be malana ese aniani ia mamia toho bamona, iseda taiadia danu ese aonega hereva idia tohoa noho.

MIKA 3:2

To umui ese kara dika umui ura henia, bona kara maoromaoro umui ura henia lasi. Umui ese egu bese edia kopina umui kokia noho, bona edia turiana ena varovaro umui utua maragimaragi noho.

MATAIO 16:23

Iesu ena vairana be ia giroa, Petero dekenai ia gwau henia, ia gwau, “Satani e, lauegu murina kahana oi lao. Lau hamorua totona oi hereva, badina oiemu laloa be Dirava ena lasi, to taunimanima edia.”

MATAIO 26:33

Petero ese ia haere Iesu dekenai, ia gwau, “Taunimanima ibounai ese oi do idia rakatania, to lau be lasi.”

IOANE 1:47

Iesu ese Natanaela ia itaia, ia dekenai ia mai noho, vadaeni ia herevalaia, ia gwau, “Israela tauna korikori be inai, ia be koikoi diba lasi momokani tauna!”

IOANE 3:20

Badina be kara dika taudia ibounai ese diari idia ura lasi, diari gabuna dekenai idia lao lasi, edia kara do idia hedinaraia garina.

APOSETOLO EDIA KARA 24:16

Inai dainai lau goada karaia noho, mai lalona maoromaoro danu lau noho Dirava ena vairana dekenai, bona taunimanima edia vairanai danu.

ROMA 12:2

Inai tanobada taudia edia kara bamona do umui karaia lasi, to Dirava ese emui lalona do ia hagiroa, vadaeni do umui matamata, bona idau momokani. Unai dekena amo Dirava ena ura be do umui diba momokani. Do umui diba edena kara be namo, edena kara Dirava ia ura henia, bona edena kara be goeva momokani.

ROMA 12:9

Taunimanima umui lalokau henia koikoi lasi, to umui lalokau henia momokani. Dika do umui negea momokani, to namo do umui dogoatao momokani.

ROMA 16:17

Lauegu varavara taudia e, ekalesia orea idia hapararaia taudia bona taunimanima haida edia abidadama idia hadikaia taudia do umui naria namonamo. Ai ese umui dekenai ai henia vadaeni hadibaia hereva idia ura hamakohia gwauraia. Idia dekena amo do umui raka siri.

ROMA 2:18

Umui be Dirava ena ura umui diba. Bona iena Taravatu ese umui ia hadibaia vadaeni, inai dainai kara maoromaoro karaia dalana umui diba.

ROMA 7:16

To lau ura lasi karadia lau karaia neganai, inai be lau gwauraia Taravatu be ia maoro.

ROMA 7:22

Momokani, egu kudouna be Dirava ena Taravatu dekenai ia moale bada.

ROMA 8:7

Unai dainai tauanina sibona ia laloa tauna ese Dirava dekenai ia tuari henia, badina be Dirava ena Taravatu ia badinaia lasi, bona do ia badinaia diba lasi.

1 KORINTO 1:8

Keriso ese umui do ia haginia goada ela bona dokona. Vadaeni Lohiabada Iesu Keriso ena mai dinana dekenai umui be kerere ta lasi.

1 KORINTO 10:32

Umui ibounai do umui noho namonamo, vadaeni Iuda taudia, Iuda lasi taudia, bona Dirava ena ekalesia taudia ese emui kara namo do idia itaia, be do umui hakaudia kerere lasi.

1 KORINTO 8:13

Momokani lau gwau, bema aniani ese lauegu varavara ia hakaua kara dika lalonai, lau be vamu do lau ania lasi ela bona hanaihanai, lauegu varavara tauna do lau hadikaia garina.

2 KORINTO 1:12

Ai be gau ta totona ai heagi noho, gauna be inai: Mai laloa namo danu ai diba momokani, aiemai kara, tanobada lalonai, bona umui emui vairanai danu, be mai momokani bona mai laloa maoromaoro danu. Tanobada taunimanima edia aonega dekena amo inai kara ai karaia lasi. To Dirava ena hariharibada ena siahu ese ai ia biagua dainai ai karaia.

2 KORINTO 2:17

Umui diba vadaeni, ai be haida bamona lasi, Dirava ena hereva ai hoihoilaia lasi. Lasi momokani. Ai be lalona momokani taudia bona inai dagi Dirava dekena amo ai abia. Ai be Keriso ena hesiai taudia dainai, Dirava ena vairana dekenai ai hereva noho, mai laloa maoromaoro danu.

2 KORINTO 6:3

Ai ura lasi taunimanima idia gwau aiemai gaukara ia dika. Unai dainai ai ese taunimanima hadikaia kara ta ai karaia lasi, lasi momokani!

2 KORINTO 8:8

Lau ura lasi umui lau oda henia. To haida edia lalokau dekena amo harihari gaudia idia mailaia sivaraina umui dekenai lau hadibaia. Unai dekena amo umui emui lalokau do lau tohoa, ia momokani o lasi.

GALATIA 5:11

Haida idia koikoi, idia gwau lau haroro noho gauna be, kopina utua kara be maoro. Lasi momokani! Bema unai bamona, dahaka dainai lau idia alaia gwauraia? Lasi, lau idia ura alaia badina korikori be, lau haroro gauna be Keriso ena satauro sibona dekena amo mauri ita davaria diba.

EFESO 4:15

To idia ese ita do idia koia lasi. Lasi momokani. Ita ese taunimanima do ita lalokau henia, bona inai lalokau dekena amo, hereva momokani do ita gwauraia. Vadaeni Keriso ena mauri dala lalonai do ita tubu daekau momokani, bona Keriso be iseda orea ena kwarana.

EFESO 5:10

Lohiabada ia ura henia karadia do umui tahua.

EFESO 5:27

Unai dainai ekalesia be Keriso ese do ia abia, iena. Ia ura iena ekalesia be iena vairanai nega ibounai, mai ena hairaina, miro lasi, makuku lasi bona bero ta lasi. Ia ura ekalesia be helaga bona goevagoeva momokani.

EFESO 6:24

Iseda Lohiabada Iesu Keriso idia lalokau henia hanaihanai taudia ibounai dekenai Dirava ese iena hariharibada do ia henia.

FILIPI 1:16

Inai bamona taudia idia diba vadaeni Dirava ese Sivarai Namona ena momokani do lau gwauraia dagina be lau dekenai ia henia vadaeni. Bona lau idia lalokau henia dainai idia harorolaia.

FILIPI 1:6

Bona lau diba momokani, inai gaukara namona umui lalonai ia hamatamaia Diravana ese unai gaukara do ia naria noho, ela bona ia karaia haorea Keriso Iesu ia giroa mai dinana dekenai.

FILIPI 2:16

Mauri sivaraina be idia dekenai do umui hedinaraia, vadaeni Keriso ena dinana dekenai lau be do lau moale. Do lau gwau, “Lau gaukara kava lasi, bona lau hekwarahi kava lasi.”

1 TESALONIKA 3:13

Inai dala dekenai Dirava ese goada umui dekenai do ia henia. Vadaeni iseda Lohiabada Iesu Keriso, mai ena helaga taudia ibounai idia mai neganai, umui be do umui goeva, bona mai helaga danu do umui gini, iseda Tamana Dirava ena vairana dekenai.

1 TESALONIKA 5:21

Hereva ibounai do umui laloa namonamo, idia be Dirava dekena amo idia mai o lasi, bona hereva namodia do umui dogoatao momokani.

1 TESALONIKA 5:23

Maino ena Dirava ese umui do ia hahelagaia. Emui lalona bona emui laumana bona emui tauanina be ia ese do ia naria noho. Mai kerere ta lasi danu do umui noho, ela bona iseda Lohiabada Iesu Keriso do ia giroa mai.

IOSUA 24:14

Ma Iosua ia gwau, “Unai dainai, Lohiabada do umui gari henia, iena hesiai gaukara do umui karaia, mai emui momokani, bona mai emui laloa maoromaoro danu. Unai dirava koikoidia, emui sene taudia Mesopotamia bona Aigupito dekenai idia tomadiho henia diravadia do umui negea, bona Lohiabada sibona mo ena hesiai gaukara do umui karaia.

1 IOANE 4:1

Lauegu lalokau taudia e, peroveta koikoi taudia momo be tanobada kahana ibounai dekenai idia lao noho. Unai dainai, bema taunimanima idia gwau, “Lau be Lauma Helaga lau abia vadaeni,” do umui naria namonamo. Idia ibounai do umui hamomokania lasi. To unai tau do umui tohoa guna, do umui davaria, Dirava ena Lauma ia abia momokani, o lasi.

APOKALUPO 2:2

“Oiemu kara lau diba. Oiemu gaukara mai hekwarahi bada, bona oiemu haheauka lau diba vadaeni. Lau diba oi ese kara dika taudia oi negea, bona sibodia idia gwauraia aposetolo taudia oi ese oi tohoa vadaeni. Oi davaria vadaeni idia be koikoi taudia.