FILIPI 1:1 - Buka Helaga (Hiri Motu) 1993

¹ Paulo bona Timoteo, ai be Keriso Iesu ena hesiai taudia, ai ruaosi inai revareva ai torea inai. Leta be umui Dirava ena taudia Filipi dekenai, umui Keriso Iesu lalonai umui noho taudia, mai emui gunalaia taudia bona durua taudia dekenai danu.

FILIPI 1:1 Iomraidhean Croise

MAREKO 13:34

Ia be tau ta hanua daudau dekenai ia lao bamona, iena ruma ia rakatania, iena hesiai taudia dekenai siahu ia henia, idia ta ta mai edia gaukara. Bona ruma biaguna ese iduara naria tauna dekenai ia hamaoroa, ia naria namonamo.

IOANE 12:26

Tau ta bema ia ura lauegu hesiai gaukara do ia karaia, ia ese lauegu murina dekenai do ia raka. Vadaeni do lau noho gabuna dekenai, egu hesiai tauna danu do ia noho. Bema tau ta ese lauegu hesiai gaukara do ia karaia, egu Tamana ese do ia hanamoa.”

APOSETOLO EDIA KARA 1:20

“Badina be Salamo buka lalonai be inai bamona ia torea vadaeni: ‘Iena ruma be anina lasi be ia namo. Tau ta lalona dekenai do ia noho lasi.’ Ma Salamo ta lalonai inai bamona ia torea: ‘Iena dagi danu idau tauna ese do ia abia.’

APOSETOLO EDIA KARA 20:28

Umui sibona do umui naria namonamo, bona mamoe orea ibounai danu. Inai orea naria taudia Lauma Helaga ese umui ia halaoa vadaeni. Dirava ena ekalesia, iena lalokau Natuna ena rarana dekena amo ia hoia orea taudia, do umui ubua.

APOSETOLO EDIA KARA 9:13

To Anania ia haere, ia gwau, “Lohiabada e, unai tau ena sivarai lau kamonai vadaeni, taunimanima momo idia gwauraia, oiemu helaga taudia Ierusalema dekenai ia hadikaia bada herea.

ROMA 1:1

Lau inai Paulo, lau be Iesu Keriso ena hesiai tauna. Lau be iena aposetolo, badina be ia ese ia boiboi vadaeni lau dekenai. Ia ese lau ia abia hidi, Dirava ena Sivarai Namona do lau harorolaia hedinarai totona.

ROMA 1:7

Umui Roma dekenai noho taudia, Dirava ese umui ia lalokau henia, bona iena bese lalonai umui noho totona umui ia boiria vadaeni, umui dekenai inai revareva lau torea inai. Lau ura be Dirava iseda Tamana bona Lohiabada Iesu Keriso ese bogahisihisi bona maino umui dekenai do idia henia.

1 KORINTO 16:10

Timoteo bema umui dekenai ia lao neganai do umui naria namonamo, vadaeni mai gari lasi danu umui dekenai do ia noho. Badina be ia ese Lohiabada ena gaukara ia karaia noho, lau bamona.

2 KORINTO 1:1

Lau inai Paulo, lau be Keriso Iesu ena aposetolo tauna Dirava ena ura dainai. Lau bona iseda varavara tauna Timoteo ruaosi ese inai revareva ai torea inai, Dirava ena ekalesia Korinto dekenai, bona Akaia tano ibounai lalonai Keristani taudia, umui emui.

GALATIA 1:10

Taunimanima lau dekenai idia moale totona inai bamona lau hereva, a? Lasi momokani! Lau ura gauna be Dirava ena hanamoa sibona! Lau ura be taunimanima ibounai ese lau idia ura henia, a? Lasi, bema inai bamona lau tahua, lau be Keriso ena hesiai tauna lasi.

GALATIA 3:26

Umui ibounai be Dirava ena natuna, Keriso Iesu umui abidadama henia dainai.

GALATIA 3:28

Unai dainai umui ta be idau lasi. Iuda taudia bona Iuda lasi taudia, idia guia hesiai taudia bona ura kwalimu taudia, tatau bona hahine, umui ibounai be tamona sibona. Keriso Iesu danu umui hakapua dainai umui ibounai be tamona.

EFESO 1:1

Lau inai Paulo, lau be Keriso Iesu ena aposetolo tauna, Dirava ena ura dainai. Lau ese inai revareva lau torea umui Dirava ena taudia Efeso dekenai, Keriso Iesu umui abidadama henia taudia.

EFESO 1:15

Umui emui sivarai lau kamonai vadaeni, umui ese Lohiabada Iesu umui abidadama henia, bona Dirava ena taudia umui lalokau henia.

EFESO 6:24

Iseda Lohiabada Iesu Keriso idia lalokau henia hanaihanai taudia ibounai dekenai Dirava ese iena hariharibada do ia henia.

FILIPI 2:19

Lohiabada bema ia ura neganai, lau laloa nega daudau lasi lalonai Timoteo umui dekenai do lau siaia. Vadaeni emui sivarai do lau kamonai, bona egu lalona do ia moale.

FILIPI 2:5

Keriso Iesu ena laloa bamona umui danu do umui laloa be namo.

FILIPI 3:12

Lau gwau lasi lau kwalimu vadaeni, o lau goeva momokani vadaeni. Lasi, to mai egu goada ibounai kwalimu ahuna lau tahua noho, do lau dogoatao gwauraia. Keriso Iesu ia ura inai bamona do lau goadalaia, bona inai totona ia ese lau ia abia, iena murinai do lau raka.

FILIPI 3:3

To ita ese kopina utua kara korikori ita abia vadaeni, idia be lasi. Badina be Lauma Helaga dekena amo Dirava ita tomadiho henia noho, bona Keriso Iesu danu ita hakapua noho, bona tauanina ena toana gauna ita abidadama henia lasi.

FILIPI 3:8

Oibe, inai gaudia sibona lasi, to gau ibounai lau laloa be anina lasi gaudia, inai mai anina bada gauna do lau abia totona, gauna be inai: Keriso Iesu, lauegu Lohiabada do lau diba momokani. Ia dainai gau ibounai lau negea vadaeni. Lau laloa idia be momoru, Keriso do lau abia momokani totona.

1 TESALONIKA 1:1

Paulo bona Sila bona Timoteo, ai toiosi ese inai revareva ai torea Tesalonika ekalesia orea dekenai, umui be Tamana Dirava bona Lohiabada Iesu Keriso ena taudia. Dirava ai noia, iena hariharibada bona iena maino umui dekenai do ia henia.

1 TESALONIKA 2:2

Umui diba, guna Filipi hanua dekenai ai lao neganai, be ai dekenai idia dagedage, bona ai idia hisihisi henia. Umui dekenai ai mai neganai tau momo ese ai idia koua gwauraia. To Dirava ese ai ia hagoadaia, vadaeni Sivarai Namona, Dirava dekena amo ia mai gauna, umui dekenai ai gwauraia, mai gari lasi danu.

2 TESALONIKA 1:1

Ai tau toiosi, Paulo bona Sila bona Timoteo, ese iseda Tamana Dirava bona Lohiabada Iesu Keriso edia ekalesia orea Tesalonika dekenai, umui dekenai revareva ai torea inai.

2 TESALONIKA 1:10

Oibe, Keriso do ia mai Dinana dekenai, inai taudia madi do idia dika. Unai Dina neganai Dirava ena abidadama taudia ibounai ese Keriso do idia hanamoa, bona hairai bada do idia henia. Umui danu idia edia huanai do umui gini, badina be aiemai haroro umui abia dae dainai.

1 TIMOTEO 1:2

Timoteo e, oi be lauegu natuna korikori, Iesu oi badinaia dainai. Inai revareva lau torea oi dekenai, bona lau ura iseda Tamana Dirava bona Keriso Iesu, iseda Lohiabada dekena amo hariharibada bona bogahisihisi, bona maino do oi abia.

1 TIMOTEO 3:8

Diakono taudia danu be do idia kara maoromaoro taudia, bona tau namodia momokani. Idia be inuinu momo taudia lasi, bona moni do idia mataganigani henia lasi.

TITO 1:1

Lau Paulo, lau be Dirava ena hesiai tauna, bona Iesu Keriso ena aposetolo tauna. Dirava ese lau ia abia hidi bona lau ia siaia, Dirava ese ia abia hidi taudia edia abidadama do lau hagoadaia totona. Oibe, lau ia siaia, hereva momokani idia dekenai do lau hadibaia, Dirava do idia badinaia momokani totona.

TITO 1:7

Badina be ekalesia orea gunalaia tauna ese Dirava ena gaukara ia naria dainai, ia be kerere ta lasi tauna. Ia be hekokoroku lasi, ia be badu haraga lasi, kekero lasi, bona moni do ia mataganigani henia lasi.

FILEMONA 1:1

Lau Paulo, Keriso Iesu dainai, dibura ruma dekenai lau noho, bona iseda varavara Timoteo ese inai revareva ai torea noho.

HEBERU 13:23

Lau ura umui diba, iseda varavara Timoteo be dibura ruma dekena amo idia ruhaia vadaeni. Bema lau dekenai ia mai haraga neganai, ia bona lau, ai ruaosi, umui itaia totona do ai mai.

IAMESI 1:1

Lau Iamesi inai. Lau be Dirava bona Lohiabada Iesu Keriso edia hesiai tauna. Lau ese inai revareva Iuda Keristani taudia ibounai tanobada gabu ibounai dekenai lau torea inai. Umui ese emui gabu korikori umui rakatania, tanobada idauidau dekenai umui noho. Umui lau hanamoa henia inai.

1 PETERO 2:25

Badina be gunaguna umui be mamoe idia boio bamona, emui dala umui diba lasi. To harihari, emui lauma ia dogoatao Tauna, inai Mamoe Naria Tauna dekenai, umui giroa lou vadaeni.

2 PETERO 1:1

Lau Simona Petero inai. Lau be Iesu Keriso ena hesiai tauna, bona iena aposetolo tauna. Umui momo ese aiemai abidadama hegeregerena umui davaria vadaeni. Inai bamona taudia ibounai dekenai inai revareva lau torea. Inai abidadama ita abia be namo herea momokani, bona iseda Dirava bona Hamauria Tauna Iesu Keriso ena kara maoromaoro dainai ita davaria vadaeni.

IUDA 1:1

Lau Iuda, lau be Iesu Keriso ena hesiai tauna, bona Iamesi ena tadina. Umui, Dirava ese umui ia abia hidi taudia dekenai inai revareva lau torea. Umui be Tamana Dirava ese ia lalokau henia, bona Iesu Keriso ese umui ia naria noho.

APOKALUPO 1:1

Inai buka ena hereva be Iesu Keriso ese ia hedinaraia gauna. Dirava ese Iesu dekenai ia hedinaraia, badina ia ura Iesu ese kahirakahira do idia vara gaudia be iena hesiai taudia dekenai do ia hedinaraia. Vadaeni Keriso ese iena aneru iena hesiai tauna Ioane dekenai ia siaia, inai gaudia do ia hamaoroa totona.

APOKALUPO 1:20

Hisiu 7 lauegu imana idibana dekenai oi itaia, bona golo lamepa 7 edia anina be inai: Hisiu 7 be ekalesia oreadia 7 edia aneru, bona golo lamepa 7 be ekalesia oreadia 7.”

APOKALUPO 19:10

Lau be iena aena badinai lau tui diho, ia do lau tomadiho henia totona. To lau dekenai ia hereva henia, ia gwau, “Unai bamona oi karaia lasi, lau danu be hesiai tauna. Lau be oiemu gaukara hebou tauna, bona oiemu varavara. Lau be Iesu ena hereva idia gwauraia hedinarai bona badinaia taudia ibounai edia varavarana. Dirava sibona do oi tomadiho henia. Badina be hereva momokani, Iesu ia hedinaraia gauna, ese peroveta taudia ibounai edia lauma ia hasiahua noho.”

APOKALUPO 2:12

“Peregamo ekalesia oreana ena aneru dekenai inai hereva do oi torea: “Tuari kaia mai matana, isena rua gauna ia abia tauna ena hadibaia hereva be inai:

APOKALUPO 2:8

“Semurana ekalesia oreana ena aneru dekenai inai hereva do oi torea: “Ginigunana momokani bona dokona momokani, ia mase ma ia mauri lou, tauna ena hadibaia hereva be inai:

APOKALUPO 22:9

To lau dekenai ia hereva, ia gwau, “Unai bamona do oi karaia lasi. Lau be hesiai tauna, oi bamona, bona lau be oiemu varavara peroveta taudia edia gaukara hebou tauna danu. Bona lau be, inai buka ena hereva idia kamonai henia taudia ibounai edia gaukara hebou tauna danu. Dirava sibona do oi tomadiho henia.”