FILEMONA 1:7 - Buka Helaga (Hiri Motu) 1993

⁷ Oibe, lauegu tadina e, Keristani taudia ibounai oi lalokau henia bada dainai, idia edia lalona oi hagoadaia noho. Unai bamona oi karaia dainai, lau be lau moale, bona egu lalona ia namo noho.

FILEMONA 1:7 Iomraidhean Croise

1 KORINTO 16:18

Oibe, inai taudia ese lauegu lalona idia hanamoa bona hagoadaia, umui emui lalona idia hagoadaia guna bamona. Unai bamona taudia umui hanamoa bona matauraia be namo.

2 KORINTO 7:13

Umui emui kara ese aiemai lalona ia hagoadaia vadaeni. Lalona goada sibona ai abia lasi, to moale bada ai davaria danu, Tito ena moale dainai. Badina be umui ese Tito ena lalona umui hamoalea bona hanamoa.

2 KORINTO 7:4

Lau diba momokani umui gini goada dainai, umui totona lau heagi noho. Bona unai dainai, aiemai hisihisi ibounai lalonai lau goada noho. Lauegu moale be bada momokani.

1 TESALONIKA 1:3

Ai be Tamana Dirava ena vairanai, emui abidadama bona emui kara namodia ai herevalaia. Iesu Keriso umui lalokau henia bada dainai, umui gaukara noho mai goada danu. Mai laloa goada danu, iseda Lohiabada Iesu Keriso umui naria noho danu.

1 TESALONIKA 2:13

Nega ibounai ai ese Dirava ai hanamoa, badina be Dirava ena hereva ai mailaia neganai, umui kamonai henia, bona umui abia dae. Oibe, umui abia dae momokani. Umui dekenai ia be taunimanima edia hereva lasi, to ia be Dirava ena hereva momokani. Badina be Dirava ena hereva ese umui Keriso abidadama henia taudia emui kudouna dekenai ia gaukara noho.

1 TESALONIKA 2:19

Badina be iseda Lohiabada Iesu do ia giroa mai neganai, iena vairana dekenai do ita gini. Unai neganai ai be dahaka kwalimu ahuna do ai abia? Ai moalelaia gauna bona ai heagilaia gauna be dahaka? Umui sibona, ani? Haida ese umui idia hereaia lasi.

1 TESALONIKA 3:9

Hari Dirava ai tanikiu henia diba umui totona. Oibe, Dirava ai tanikiu henia, badina be iena vairanai, moale bada ai abia umui dainai.

2 TIMOTEO 1:16

Onesiporo mai ena ruma taudia danu, be Lohiabada ese do ia bogahisihisi henidia, badina be Onesiporo ese nega momo egu lalona ia hagoadaia, bona lau be dibura ruma lalonai lau noho, to ia be lau totona ia hemarai lasi.

FILEMONA 1:20

Unai dainai, lauegu tadina e, mani emu kara egu noinoi do oi abia dae, Lohiabada ena ladana dainai. Lauegu lalona do oi hamoalea, Keriso lalonai ita be tadikaka dainai.

2 IOANE 1:4

Mai moale bada danu hereva lau kamonai, oiemu natuna haida ese hereva momokani ena dala dekenai idia raka noho. Inai bamona idia karaia be Tamana Dirava ese ita dekenai ia henia oda hegeregerena.