FILEMONA 1:6 - Buka Helaga (Hiri Motu) 1993

⁶ Oi be aiemai turana, badina be iseda abidadama be tamona. Unai dainai lauegu guriguri be inai abidadama ese aonega bada oiemu lalona dekenai do ia havaraia, vadaeni do oi diba momokani dahaka gau namodia Keriso Iesu dekena amo ita davaria noho.

FILEMONA 1:6 Iomraidhean Croise

MATAIO 25:16

Vadaeni 5000 kina ia abia tauna be ia lao, ia hoihoilaia, 5000 kina ma ia abia.

MATAIO 5:16

Umui emui diari taunimanima edia vairana dekenai unai bamona do umui hedinaraia, vadaeni umui emui kara namodia do idia itaia neganai, umui emui Tamana guba dekenai do idia hanamoa.

1 KORINTO 14:25

Unai tau ese iena hunia laloa do ia gwauraia hedinarai, vadaeni Dirava ena vairanai do ia tomadiho, do ia gwau, “Momokani Dirava be umui emui huanai ia noho.”

1 KORINTO 16:9

Badina be unai gabu dekenai iduara badana ia kehoa vadaeni, bona hari be gaukara badana bona mai anina ena nega namona. To lauegu dala idia koua gwauraia taudia be momo.

FILIPI 4:8

Lauegu varavara taudia e, lauegu hereva orena be inai. Inai bamona karadia sibona do umui laloa: Kara namodia, taunimanima edia ladana idia hanamoa karadia, momokani karadia, bogahisihisi henia karadia, kara maoromaoro, kara goevagoeva, lalokau karadia, bona taunimanima namodia matauraia karadia.

KOLOSE 1:9

Unai dainai emui sivarai ai kamonai dinana ia mai bona harihari, guriguri umui dainai ai ruaosi ese ai hadokoa lasi. Dirava ai noia, ia ese iena ura dalana umui dekenai do ia hadibaia, bona Lauma Helaga ena diba bona diari umui dekenai do ia henia.

KOLOSE 3:10

bona mauri matamata umui kwatua vadaeni. Inai mauri matamata be Dirava ese ia havaraia. Bona ia ese nega ibounai diba matamata ia henia noho, ia lao bona Dirava ena toana momokani do umui abia.

TITO 3:14

Iseda Keristani taudia ibounai, namona be kara namodia dekenai do idia manada, bona gau lasi taudia do idia durua. Namo lasi idia noho kava, to durua karadia do idia karaia noho.

HEBERU 6:10

Dirava ena kara be gagevagageva lasi, ia be maoromaoro momokani. Unai dainai ia ese emui kara namodia do ia laloaboio lasi. Umui ese Dirava umui lalokau henia. Inai lalokau ese laloa namodia umui dekenai ia havaraia, vadaeni umui ese Dirava ena taudia umui durua vadaeni, bona do umui durua noho danu.

IAMESI 2:14

Lauegu varavara taudia e, tau ta bema ia gwau ia be abidadama tauna, to kara namona ta ia karaia lasi, iena namo be dahaka, a? Abidadama ese ia do ia hamauria diba, a?

IAMESI 2:17

Abidadama danu be inai bamona. Bema abidadama sibona ia noho, to kara be lasi, unai abidadama be anina lasi.

1 PETERO 2:12

To Dirava idia diba lasi taudia edia vairanai, kara namodia do umui karaia. Momokani, hari idia ese umui idia gwauraia kerere noho. To bema emui kara namodia idia itaia neganai, idia ese Dirava do idia hanamoa, Keriso do ia giroa mai dinana dekenai.

1 PETERO 3:1

Hahine taudia e, emui adavana do umui kamonai henia. Badina be idia haida ese Dirava ena hereva idia badinaia lasi, to bema kara namodia umui karaia, bona umui emui hereva be momo lasi neganai, sedira do idia laloa namonamo. Vadaeni sedira edia lalona do idia giroa, bona Dirava do idia abidadama henia.

1 PETERO 3:16

Mai emui laloa maoromaoro do umui noho. Vadaeni umui dekenai idia hereva dika henia, Keriso umui badinaia dainai, unai taudia ese do idia hemarai. Edia hemarai ena badina be, emui kara namodia idia itaia dainai.

2 PETERO 1:8

Inai bamona kara namodia, bema umui dekenai idia noho neganai, idia ese emui lauma do idia hagoadaia. Vadaeni inai goada umui abia dainai, bona Iesu Keriso iseda Lohiabada umui diba dainai, do umui noho kava lasi, to emui kara be mai anina.