FILEMONA 1:2 - Buka Helaga (Hiri Motu) 1993

² Aiemai varavara bona gaukara hebou tauna Filemona, oi dekenai inai revareva ai siaia. Ma danu ekalesia oreana oiemu ruma dekenai idia hebou noho, iseda taihuna Apia bona aiemai turana namona Dirava ena tuari lalonai, Arekipo, idia danu totona inai revareva ai torea inai.

FILEMONA 1:2 Iomraidhean Croise

ROMA 16:1

Iseda taihuna Fibi ia mai noho umui dekenai, ia be Kenekrea dubu ena diakono hahine ta.

ROMA 16:5

Edia ruma lalonai idia hebou noho Keristani taudia dekenai danu egu hanamoa do umui henidia. Lau lalokau henia tauna, Epaineto dekenai danu egu hanamoa do umui henia. Ia be tau ginigunana Keriso ia abidadama henia Asia kahana dekenai.

1 KORINTO 16:19

Ekalesia oreadia Asia dekenai ese edia hanamoa idia siaia inai. Akwila bona Prisikila, bona edia ruma dekenai idia hebou noho Keristani taudia ese umui idia hanamoa bada.

FILIPI 2:25

Lau laloa namona be Epafrodito umui dekenai do lau siaia. Ia be iseda varavara, bona ia be lau danu ai gaukara hebou, bona ai tuari hebou, Sivarai Namona totona. Guna umui ese lau dekenai ia umui siaia, lau do ia durua totona.

KOLOSE 4:15

Iseda varavara taudia Laodikea dekenai lauegu hanamoa do umui henia. Numupa, bona ekalesia orea iena ruma dekenai idia hebou noho taudia dekenai danu egu hanamoa do umui henia.

KOLOSE 4:17

Bona Akipo do umui hamaoroa, Lohiabada ese ia dekenai ia henia gaukarana be do ia karaia haorea momokani.