FILEMONA 1:16 - Buka Helaga (Hiri Motu) 1993

¹⁶ Badina harihari Onesimo be hesiai mai guia danu tauna sibona lasi. Lasi, hari ia ese inai hesiai dagi ia hereaia vadaeni. Ia be varavara ta, iseda lalokau tauna, Keriso lalonai. Ia lau laloa bada. Oi danu ese ia do oi laloa bada, badina ia be oiemu hesiai tauna namona ta, bona oiemu varavara namona ta danu, Lohiabada lalonai!

FILEMONA 1:16 Iomraidhean Croise

MATAIO 23:8

“To taunimanima ese umui do idia gwauraia lasi ‘Hadibaia Tauna.’ Badina be umui emui Hadibaia Tauna be tamona sibona, bona umui ibounai be tadikaka.

APOSETOLO EDIA KARA 9:17

Vadaeni, Anania ia lao, ruma dekenai ia raka vareai, iena imana ruaosi Saulo ena latanai ia atoa, ia gwau, “Lauegu tadina Saulo e, Lohiabada Iesu, dala oi mai neganai oi dekenai ia hedinaraia tauna, ese lau ia siaia, oiemu matana do idia kehoa, bona Lauma Helaga do oi abia totona.”

1 KORINTO 7:22

Badina be hesiai tauna bema Lohiabada ese ia boiria neganai, ia be Lohiabada ena ura kwalimu tauna do ia lao. To ura kwalimu tauna bema Keriso ese ia boiria neganai ia be Keriso ena hesiai tauna.

KOLOSE 3:22

Hesiai taudia e, nega ibounai emui biaguna tanobada dekenai do umui kamonai henia. Edia matana ese umui idia itaia neganai sibona umui gaukara, a? Inai bamona umui karaia koikoi, idia ese umui do idia ura henia totona, a? Inai bamona do umui karaia lasi, to mai emui lalona ibounai emui biaguna ena ura do umui karaia, Lohiabada umui matauraia dainai.

1 TIMOTEO 6:2

Hesiai mai guia danu taudia haida edia biaguna be Keristani taudia. Vadaeni hesiai tauna inai bamona do idia laloa lasi, “Lauegu biaguna be Keristani varavara tauna sibona, unai dainai do lau matauraia lasi.” Lasi, to inai bamona ia laloa be namo, “Lauegu biaguna be Keristani tauna, vadaeni do lau lalokau henia. Do lau gaukara goada ia dekenai, ia do lau durua totona.” Inai bamona do ia laloa be namo, bona iena biaguna totona do ia gaukara namonamo momokani. Inai hereva do oi harorolaia, bona hadibaia goada danu.

HEBERU 3:1

Unai dainai, lauegu Keristani varavara taudia e, umui be Dirava ese ia abia hidi vadaeni. Lau ura Iesu do umui laloa, ia be Dirava ese ia siaia vadaeni, iseda abidadama ena Hahelagaia Tauna Badana do ia lao.

1 IOANE 5:1

Tau ta, bema ia hamomokania Iesu be Keriso, unai tau be Dirava ena natuna ta. Bema tau ta ese tamana ta ia lalokau henia, ia ese unai tamana ena natuna do ia lalokau henia danu.